رد: مساعده من أهل الخبره فى الشاهين والدوجان
 

الشاهين ممكن 32 الف
الدوجان 34 ....35 الف

رد: مساعده من أهل الخبره فى الشاهين والدوجان
 

أنا معايا دوجان 1994 بالكماليات (تكييف + سنتر + زجاج كهرباء أمامي + بدون باور في هذا الموديل)
المميزات
-موتور محترم 1600 وهادي في حالة السرعات حتى 60-70 كم/ساعة بعد كده الصوت مزعج شوية بس محتمل و تطلع كوبري و إنت شايل 5 أفراد عادي جداً
-العربية ثابتة حتى 100 كم/ساعة بعد كده مش قوي
- واسعة جداً من قدام
- وضعية قيادة عالية تشوف كل حاجة حواليك بمنتهى السهولة
-الدخول و الخروج من السيارة سهل لأن الكرسي عالي مش محتاج تمسك القايم وتزحف بره العربية زي الجديد.
- العربية عاليه عن الأرض عمري ما فتحت الباب خبط في أي رصيف
-شكل العربية أوربي و فخم و بالذات لما تسيب البودي زي ما هو و ما تلعبش فيه
-شنطة كبيرة شالت معايا رمل و أسمنت
-تابلوه جيد جداً لكن إنارته مش قوي و تنجيد أبواب رائع (الدوجان وليس الشاهين)
-قطع غيار ببلاش و بتقعد فترة مناسبة جداً

العيوب
- جر خلفي بكل مميزاته الرهيبة و لكن مش ناعمة قوي زي الكبالن
-الكنبة ورا ضيقة لو إنت من هواة ترجيع الكرسي للآخر
-التكييف متوسط إلى ضعيف الأداء بالذات في حالة الشمس مواجهة العربية لأن مكان الهوايات اللي في النص غلط (تحت بدل ما مفروص يكونوا فوق)
-عشان عالية ممكن ترقص شوية في المطبات بس بدون خطر

واحد كان قاللي إن عربيتي تعمل 25 ألف و قاللي تبيع قلته و أجيب بيهم إيه دول ؟؟؟
الخلاصة خليكم في الدوجان أنضف في التقفيل و ده كلام السروجي بتاعي و أشيك من جوه
تحياتي

رد: مساعده من أهل الخبره فى الشاهين والدوجان
 

متنساش صلاة الاستخارة

رد: مساعده من أهل الخبره فى الشاهين والدوجان
 

بجد ربنا يباركلك اجابه واضحه ومفيده بصراحه :01F577~130:

لو تعرف حد معاه موديل فيه هاف باور او باور كامل مع ان ما اعتقدتش انه فيه منها باور كامل وتكون العربيه حالتها تمام ياريت تقولى على الخاص وان شاء الله اشتريها منه :):CHUBBY~36:

رد: مساعده من أهل الخبره فى الشاهين والدوجان
 

اكيد ان شاء الله

شكرا :fun_36_3_12[1]: