مصر موتورز مجتمع السيارات - كورولا 2008...............

مصر موتورز مجتمع السيارات (https://www.masrmotors.com/vb/index.php)

- Corolla (https://www.masrmotors.com/vb/forumdisplay.php?f=227)

- - كورولا 2008............... (https://www.masrmotors.com/vb/showthread.php?t=103251)

رد: كورولا 2008...............

مهندس نبيل سؤال اخر بعد اذنك لو موديل 2009 هاى لاين mmt هتكون بفتحة سقف ولا لاء وشكرا لحضرتك

رد: كورولا 2008...............

الموضوع دة بقالة كتير وبصراحة كل لما ادخل اقول راى ارجع تانى لانى خايف اكون ضيعت فرحتك بالعربية او انى اكون سبب فى تردد يخطر ببالك
الـ 2008 مش حلوة على فكرة والـ 2007 برقبتها
وكلامى واضح ودغرى وفى البيع والشراء بتفرق كتير
عربية ما اخدتش حظها ونصيبها زى الموديل اللى قبلها
مع زميلى صلح فتيسها اكتر من مرة وفى احساس بعدم الرضا عن السيارة عموما وكان جايبها زيرو

رد: كورولا 2008...............

اقتباس:

المشاركة الأصلية كتبت بواسطة mr_astra (المشاركة 805449)

مشاركتك تسعدنى وتشرفنى مستر استرا ...واكيد نصيحة تشرفنى ... والله لسه مراتى بتقولى بلاش بدل فيها وجع دماغ...حتى 2008 و 2009 اهل الخليج مش عجباهم خالص وتخيل بيحسدونا على العربية الجنوب افريقى و2007 مش بحسها وسعرها بحس انه كتير عليها ... انا عايز اغير عربيتى ومعدتش عارف اعمل ايه ولاعايز كورولا ولا لانسر مش عارف طب اجيب اوبترا اوتوماتيك وخلاص ..لانى اعتراضى عليها انها مانيوال وجبت اخرى منها...والله قلت اجيب ليبرتى الناس برضو قالتلى وحشة ... ميجان برضو وحشة.. اوكتافيا قطع غيار غالية ... لانسر القرش ادائها وحش جدا ومشاكلها كتير... حتى الهوندا مش هتنفعنى عشان واطية على الارض البى ام اللى ب100000 مشيت كتير وهيبقى برضو مشاكلها كتير...
مـــــــــــــــــــــــش عــــــــــــــــــــــــ ــــــــــــــارف ... والله لو عند اى حاجة عربية فعلا اعتمادية يقولى وانا شاكر لكل اللى حاول يساعدنى
فعلا ده بجد والله احسن منتدى فى مصر للسيارات
شكرا للجميع :Wkiss5::CONGRA~238:

رد: كورولا 2008...............

السلام عليكم ورحمة الله وبركاته
يا باشا ربنا يعينك على حيرتك
انا مش هاقولك رأى أو هاقولك هات ايه
اللى هاقوله لك ان الكورولا الجنوب افريقى عربية ممتازة ولكن وده على لسان احد مديرى صالات تويوتا انها اتظلمت لان اغلب اللى كانوا بيشتروهامكنوش بيعرفوا هى نظام شغل الفتيس بتاعها ايه
انا اعرف واحد معاه ال 2010 اعلى فئة بصمة كل كلامه عنها انها فوق الوصف
وانا لما كنت بشترى كنت ناوى على ال 2010 البصمة برده بس فرقت معايا فى الفلوس
وعلشان متخدش رأى وتشتريها على طول احب الاول الفت انتباهك انها قطع غيارها غالية حبتين
1 - الاكصدامات الامامية و الخلفية - 1300 *2
2- الرفارف - 1200 *2
3- الفوانيس الامامية و الخلفية - 1200 *2
4- الكبوت - 1400
5- الشنطه - 2000
6-الشبكة الامامية - 800
7-الرادياتير - 3500
8-المرايا الجانبية - 1200 *2
الاسعار دى كانت من التوكيل فى 8/8/2010
انصحك الاول صلى الاستخارة وان كانت الامور تمام توكل على الله فيها
ان قفلت من ناحيتها لاى سبب ابعد علشان متندمش بعدين (ندم ناتج عن انك مكنتش عاوزها والسلام)
** اضافة اخرى كل موديلات وفئات الجنوب افريقى منزلش منها بفتحة سقف
والله الموفق والمستعان

م/أحمد غريب

رد: كورولا 2008...............

اقتباس:

المشاركة الأصلية كتبت بواسطة carinio (المشاركة 805515)

ربنا يخليك على كلامك الرقيق

انا مش بوجهه حضرتك ولا حاجة بس لو تفكر فى اوبل 2003 cdx شوف اخبارها اية لو مرتاح لشكلها بصراحة عربة فوق الوصف من وجهه نظرى