مصر موتورز مجتمع السيارات - صوت فى الماتور مش قادر احدد ماتور ولا جير بوكس

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - صوت فى الماتور مش قادر احدد ماتور ولا جير بوكس (https://www.masrmotors.com/vb/showthread.php?t=102293)

رد: صوت فى الماتور مش قادر احدد ماتور ولا جير بوكس

اقتباس:

المشاركة الأصلية كتبت بواسطة محمدصلاح القاضى (المشاركة 795831)

الله يخليك دا بس من زوق حضرتك :fun_36_3_16[1]::fun_36_3_16[1]:

ركز معايا اوووى فى الكلام دا POLICEE
عشان الميكانيكى يعرف ان الموضوع سبيكه ولا ايه بالظبط ؟؟
هيضطر يشيل كرتير الزيت اللى تحت ويفك سبيكه سبيكه ويشوف لو فى سبيكه ممسوحه تبقى محتاجه تغير طقم سبايك
وبما ان كان فى بوجيه بيقطع نتيجه تعريق زيت عليه
يبقى العربيه تاخد نص عمره ( يعنى طقم شمبر & وسبايك للبساتم & ويتفرز لها طقم صباب بالدلايل بتاعته عشن تريح دماغك & وجوان وش سلندر & وجوان كرتير زيت & وشويه اولسيهات كرنك وكامات& غير طقم بوجيهات وسلوك بوجيهات ) بس دا كله بيتوقف ان تكون الشمايز مش معتبه والبساتم حالتها تمام
ودا نضافه للمكنه عشان تريح دماغك منها تماما وبعد الشغل دا هتحس ان الموتور ارتاح وبقى فيه عزم يشد قطر
وبتحتاج يوم شغل تبعت الوش المخرطه يتفرز له صبابات ودلايل وتشترى قطع الغيار والميكانيكى يقفل البلوك عقبال ما الوش يخلص وتركب جوان وش السلندر وتركب الوش وتسيب العربيه دايره يوم كامل وبعدين تغير الزيت والفلتر عشان ممكن يبقى فيه رايش و تبدأ تتحرك بيها على الهادى لحد اول الف كيلو ترجع تربط على الموتور وتغير الزيت والفلتر وتعيش بقا:fun_7_5_128[1]::fun_7_5_128[1]:

تمااااااااام هوا كدا الموضوع انتا باشا انا كنت عايز اعمل كدا من زمان بس كنت باجل والحمد لله على كل حال فعلا لو طلع سبيكه هاعمل كدا طيب خدمه كمان وان شاء الله برضه هاقول ايه اللى حصل لما اخلص باذن الله وانا كتبت اللى حضرتك قلته بالظبط
قالولى طقم سبيكه بيعمل 150جنيه
والخرط والفريزه والروديه 150جنيه
طقم بوجيهات بلاتنيوم 100جنيه
سلك بوجيه فى حدود 80جنيه
وفلتر 15+مش فاكر الزيت بكام؟؟؟
جوان وش سلندر وكرتيره والاولسيهات فى حدود كام انا عارف انها كل حاجه ليها سعر بس بالتقريب
نضيف بالمره بلية دبرياج واسطوانه وديسك واويل سى نظبط الدبرياج بقا علشان البليه كانت بتعمل صوت
ومش عارف مش لسه فيه شمبر ولا كدا خلاص
و مصنعية الميكانيكى تقريبا كام
معلش ايدك معايا فى الحسبه دى اعمل حسابى فى كام
مع العلم انى لو جبت ماتور استيراد كامل بالفتيس فى حدود 3000جنيه
وعايز اقول حاجه كمان لاى حد متابع معايا مع ان محصلش مشكله لا زيت نقص قبل كدا ولا ميه بس ميكانيكى قاللى حاجه حلوه ودى فعلا حصلت الصوت دا مش فجاه كان ليه مقدمات كان بييجى ويروح كل فتره فى الغالب لما كنت باقرص على العربيه وفى اليوم اللى ظهر فيه انا قرصت على العربيه بغباوه لحد ما السبيكه اتحركت من مكانها يعنى محصلش مره واحده وانا حسيت بكدا فعلا بس لما كان الصوت بيروح وييجى على فترات طويله 10 ايام مثلا كنت اسال ميانيكيه زباله اللى يقلى حاجه سايبه فى العربيه واللى يقلى قاعدة ماتور واللى يقول قاعدة فتيس يعنى على المشى الهادى والسرعات المعقوله متزدش عن 100 كيلو مثلا كان العمليه ممكن تستنى شويه بس قرصتى عليها فى اليوم اياه عجلت بالمشكله زائد البوجيه اللى كان بيقطع دا برضه ظهر المشكله

رد: صوت فى الماتور مش قادر احدد ماتور ولا جير بوكس

اقتباس:

المشاركة الأصلية كتبت بواسطة m_gewelly (المشاركة 795855)

انا عندى فكره هى جميله جداااااا
قبل ما تعمل اى حاجه
انت تسأل على قطع الغيار
يعنى كل الحاجات اللى هتتغير
طقم شمبر
بيلات وبساتم
شمايز
طقم سبيكه كرنك وبيلات
جوانات واولسيهات
ديسك واسطوانه
كل حاجه من باب العلم بالشىء
يعنى تسأل بتاع قطع الغيار قوله انا عاوز اعمل عمره كامله تتكلف فى حدود كام قطع غيار ؟؟
وبعدين تسأل على المصنعيه للعمره ؟؟؟؟؟؟؟
وتسأل على الموتور الاستيراد بالفتيس عامل كام وشكله ايه وحالته ايه ؟؟
وتقارن وتشوف الانسب ليك
لان بصراحه مش خبيير اووووى بموضوع اسعار قطع الغيار
لكن دا حل هيخليك تقريبا ماسك العصايه من النص