مصر موتورز مجتمع السيارات - هل هو استهزاء ام افتراء

مصر موتورز مجتمع السيارات (https://www.masrmotors.com/vb/index.php)

- A 113 (https://www.masrmotors.com/vb/forumdisplay.php?f=188)

- - هل هو استهزاء ام افتراء (https://www.masrmotors.com/vb/showthread.php?t=101222)

رد: هل هو استهزاء ام افتراء

الناس الى بشتكى عمال على بطال
يا باشا منك لية فرق السعر دة بيستخدموه فى رصف الطرق الى بتمشى عليه السيارات
ومش علشان الطرق متعملهاش صيانة بقالها 10 سنين يبقى نعترض على زيادة الاسعار
طبعا دا غير المستشفيات والاسعاف للحوادث
ومش علشان المستشفيات زبالة والاسعاف بيسيبوا المصاب لحد ما يموت بالبطئ يبقى نعترض على الاسعار
ومننساش التعويضات فى حالة الحوادث
ومش علشان بنقعد كام سنة فى المحاكم علشان نصرف التعويض وكمان المحامين بياخدو نص الفلوس ( الى معندهمش ضمير مش كل المحامين ) يبقى نعترض على زيادة الاسعار
====================
البلد دى عمالة زى تروس العربية بس المواطن هو اصغر ترس فيها

رد: هل هو استهزاء ام افتراء

اقتباس:

المشاركة الأصلية كتبت بواسطة محمد صالح - المحامى (المشاركة 787443)

سيدي الفاضل - المفروض ان الاصلاحات دي بتتعمل من الهبرة اللي بندفعها كل سنة اللي اسمها ضرائب و تراخيص و غرامات مرورية!!!!

و المفروض ان تعويضات الحوادث بتندفع من ال 200 لحلوح اللي 8 مليون عربية بيدفعوها كل سنة اللي اسمها تأمين اجباري!!! و عمر ما حد مننا استنفع بيها

رد: هل هو استهزاء ام افتراء

اقتباس:

المشاركة الأصلية كتبت بواسطة MmFFoR (المشاركة 787465)

معاك حق المفروض الضرائب والجمارك وخلافه بيتعمل بيها الخدمات العامة اللى ما بنشوفهاش
انما اللى بيحصل فى مافيا توكيلات السيارات دى سرقة علنى بيستفاد بيها كروش اصحابها وليس الشعب الغلبان
علاوة على كدة احنا بندفع كتير اوووووووى وما بنخدش رفاهية او خدمات ادمية مقابل الدفع
حتى العربيات احنا البلد الوحيدة على مستوى العالم اللى عندنا العربيات اسعارها عالية عن معدلها الطبيعى فى اى دولة شقيقة او غير شقيقة وبينزلنا موديلات عفا عليها الزمن ومن غير كماليات العربية المعلن عنها برة وكمان من غيرعوامل الامان الاساسية زى باقى دول العالم المحترمة اللى موجود ة عندهم نفس العربيات بكماليات اعلى واسعار اقل
احنا شعب مقهور على مر العصور وما فيش ثورة عمرها نصفته ... لك الله يا شعب مصر

رد: هل هو استهزاء ام افتراء

وبعدين موضوع اغراق السوق المصرى بالعربيات الصينى مزهقنى اوى لعدة اسباب :

لما نزلت العربيات الصينى فى مصر فى بداية الالفينات زى الشيرى والجيلى كانت عربيات نازلة تنافس الكورى واليابانى من حيث الاسعار وكان الفرق ساعتها بال 20 و30 الف جنيه وكان يستاهل التجربة علاوة على الكماليات الزيادة اللى كانوا بيجروا بيها رجل الزبون والصاج الجامد بس طبعا الخامات كانت رديئة وفقيرة والمكن والفتايس كان بهم مشاكل وتصليحهم مكلف جدا ده لو نفع
نيجى لمشكلة قطع الغيار وعدم توافرها بسبب التوكيلات السيئة جدا اللى عاملة زى تجار الشنطة يجيب العربيات من برة والمهم يسلكها ازاى ومش مهم بعد كدة اصحاب العربيات يعملوا ايه وده عن تجربة فى عربية جيلى فروتة 2004 وكانت عربية سيئة جدا وملهاش قطع غيار فى التوكيل حتى بالغالى وكنا بنوفقلها من قطع غيار الدايهتسو شاريد او تفصلها فوانيس فى الحرفيين يعنى حاجة اخر قرف
سعر اعادة البيع المتدنى وده نتيجة عدة عوامل منها عدم توافر قطع الغيار وغلوها ان وجدت والتوكيل السيئ اللى هو اساس تدمير سمعة العربية
وصول اسعار الصينى لنفس اسعار الكورى والاوروبى واليابانى كمان مع ان لازم يبقى فى فرق فى السعر لان فى فرق فى الخامات والاداء وطول عمر قطعة الغيار
فلما ما يبقاش فى ميزة فى رخص الاسعار زى زمان واشترى حاجة وانا وحظى يبقى اللى يخلينى اغامر وانفع شرزمة البووووذين دول:010105~332:

رد: هل هو استهزاء ام افتراء

لا اسمح مطلقا بقول نصاب او حرامى على توكيل بيتاجر بالحلال
لان دى تجاره ولا يوجد فى التجاره حد ربح معين بشرط عدم استغفال او خداع المشترى يعنى ابيع لواحد بـ 100 وواحد ب 150 واللى بعده ب 120....هو ده الغلط غير كده فيه قبول بين البائع والمشترى ومفيش احتكار ...خلاص والله اعلم واعلم

مشكله مصر جمارك العربيات !! اتخفضت او اتلغت الوكيل غصب عنه سواء بيستورد او بيجمع هينزل ربحه يعنى مشكلتكم مع الدوله مش مع التاجر سواء كان تاجر عادى او حتى صاحب مصنع وطبيعى التاجر عايز يكسب ومحدش يقولى يكسب بالعقل التجاره مفيهاش حد ربح بشرط عدم الاستغفال والخداع وعدم الاحتكار والقبول كما اسلفنا

بسم الله الرحمن الرحيم
(وَأَحَلَّ اللَّهُ البَيْعَ وَحَرَّمَ الرِّبَا)

صدق الله العظيم

لكن غير كده هو مش مطالب يتنازل عن ربحه وحضرتك مش مطالب تشترى منه

وامامك الاستيراد للافراد مفتوح اشتريها من بره وادفع انت شحن وتخليص و جمارك وضريبه مبيعات ورسم التنميه للدوله وشوف هتوقف بكام !! مشكلتك مع الدوله !!

اللينك
http://islamqa.info/ar/ref/38697