رد: اللوجان و بنزين 80
 

عادي ماهو الهيونداي ماتريكس الكوري (2006 - و طالع) موتورها كان يمشي ب 80 و في ناس في مصر بتحط 80 في الفيرنا و اللانوس بس انا ببوصلها ان اولا البنزين 80 في مصر مش نظيف و مش متصنع بذمة و بالتالي اللي حاتوفروه في البنزين حبة حبة حاترجع تصرفه كاش مرة واحدة قدام في تغير رشاشات و لا طرمبة بنزين و لا حساس ف على ايه اذا كان اللي بيقرا في المنتدى هنا و لا في منتديات تانية و لا ساعات بيسمعه من الناس عن واحد حط في عربيته بنزين 92 و لا 95 و بعد كده كعبلت منه و باظ كذا و كذا علشان كان بنزين مضروب و لا مخلوط و لا عليه مياه فا بنزين 92 ارحم بس ربنا يعمي عين الحكومة عنه و يبطله فكرالستينات و السبعينات ان العربية سلعة ترفيهية و بنزين 92 بتاع الاغنياء ANAA7TG

رد: اللوجان و بنزين 80
 

اهو هو ده الكلام . مش اى حد يقول اى كلام وخلاص . وواحد يقولى استخبى عشان كله قلب عليك . انا سؤالى كان واضح هل حد جرب ( يعنى لازم فعلا يكون جرب ) ومش ممكن لو حد جرب يلاقى العربيه بتمشى بيه عادى وياما عربيات كتير زيرو وبتمش ببنزين 80 عادى .

رد: اللوجان و بنزين 80
 

باشا توكل علي الله و حط 80 اشطه ولا فيه اي حاجه هو هيكركر معاك شويه وانت طالع و مش بيعمل اي حاجه في العربيه بس نصيحه ما تستخدموش في شهور الصيف الشديده بس لو استخدمته اشطه برده. بصراحه انا ما جربتوش في لوجان بس انا جربته في فيرنا 2010 و جربته في اوبل 2005 و جربته في 128 و في كل الحالات ماعملش معايا مشاكل خالص. هو لو انت سحب العربيه ما بيزعلكش حط 80 و ما تطلعش كابس بنزين جامد. ملحوظه: اللي بيقولك بنزين 80 مش نظيف دي مقوله مشهورة بس خاطئه. اللي بيصنع ال 80 هو اللي بيصنع الباقي و البنزينه واحده. هو الإختلاف في إنتظام الإحتراق كل ما زاد رقم الأوكتان زاد معدل انتظام الإحتراق و ده بيسبب انتظام في دوران عمود الكرنك و بيحسن معدل الإحتراق و حركه الأشواط علشان كده العربيه ما بتكركرش و سحبها بيبقي جامد. لو السحب ما يفرقش معاك اديها وربنا يسترها

رد: اللوجان و بنزين 80
 

حرام عليك العربية جديدة عارف عين اية جديدة اي مقيل ثمنها عن 73000 جنية وانت تكلم في البنزين

رد: اللوجان و بنزين 80
 

طيب ماهى الفيرنا واللانوس بنفس تمنها وبتمشى عادى ببنزين 80 . ومش مهم التمن المهم البنزين ينفع ولا لا .