رد: سوزوكى التو k10 اول تقرير حصرى بالصور و المواصفات و الاسعار
 

مشكور على الموضوع

بس كنت حابب اسال من حيث الاعتمادية مين هيكون معمر اكتر ال 113 ولا الالتو ؟ و ايه رايك فى الالتو ال 800 سى سى هل سعرها كويس لامكانيتها و هل هى عربية كويسة ولا لأ ؟

رد: سوزوكى التو k10 اول تقرير حصرى بالصور و المواصفات و الاسعار
 

السلام عليكم
والله انا كنت في نفس الحيرة
وبصراحة استقريت ان شاء الله علي التو . التقفيل وجودة التصنيع في التو افضل . للعلم السيارة من الداخل ليست ضيقة كما يبدو من الشكل الخارجي . انا روحت التوكيل وشوفتها هي والسيارة k10 الجميلة ايضا بس كما قال الأعضاء غالية .بس بصراحة من جوه جميلة.
السيارة التو كانت مع اكثر من صديق .وبيشكرو فيها جدا
رسبرانزا . اوسع .موتور اقوي . امكانيات اكتر بس بصراحة مشاكلها كتير مع البعض . زي البطيخة وانت وحظك . استخير وتوكل علي الله

رد: سوزوكى التو k10 اول تقرير حصرى بالصور و المواصفات و الاسعار
 

السلام عليكم

لو سمحت يا استاذ omar saad ايهما افضل التو ام k10 من ناحية الاتساع والطول والشكل الخارجى والصالون وهل فرق السعر يستاهل لانى محتار بين العربيتين جدا وكمان موضوع قطع الغيار بالنسبة للاتنين

رد: سوزوكى التو k10 اول تقرير حصرى بالصور و المواصفات و الاسعار
 

وعليكم السلام ورحمة الله و بركاته
اخي الفاضل
انا شوفت العربيتين دول في التوكيل " مودرن موتورز" فرع الدقي - وبصراحة اتكلمت كتير جدا مع الناس هناك في حاجات كتير - الانطباع كان كالاتي :
# اولا السيارة التو - كما هي بدون تغيير طبعا - الجديد ان العداد تم اضافة جزء فيه ديجيتال و لمبة بتنور مع ارتفاع درجة الحرارة.
# السيارة من الداخل كما سبق القول - اوسع مما هو يظهر من الخارج - و فيه ميزة كمان تحس ان السيارة عالية عن الارض و ليست مثل ماروتي مثلا.
# السيارة تكييف فقط . وقالولي في التوكيل يمكن اضافة كاسيت و سنتر و انزار عندهم و لكنهم لا يقومون باضافة زجاج كهرباء . طبعا السيارة انجكشن
ثانيا بالنسبة للسيارة k10
# السيارة من الداخل تبدو اوسع "قليلا"
# السيارة تكييف - زجاج كهرباء امامي فقط. 1000 سي سي - محركها هو نفس محرك السيارة سيلاريو و هذا المحرك يتميز باعلي معدل في توفير البنزين.

المقارنة بشكل عام و لكن يوضع في الاعتبار اخي ان هذا رايي الخاص مستندا علي حواري مع التوكيل و ما لدي من معلومات و ما ذكره لي اخرين :
- بالنسبة للشكل الخارجي - اري ان التو افضل من k10 - السيارة التو شكلها انسيابي مقبول - في حين ان ماتم تغييرة في شكل الاخري هو مثل ماحدث مثلا في السيارة فيرنا - الشكل تم تغييرة و لكن ليس بالشكل الحديث.
- بالنسبة لقطع الغيار - التو العادية افضل بكتيير - عشان منتشرة طبعا - ولان السيارة كيه 10 لا نعرف هل ستنتشر ام لا - علما بأني سالت التوكيل في هذا الامر و قال ان قطع الغيار متوفرة جدا عندهم - بس طبعا الحكم هنا لما نحن نعتاد عليه في مصر.
- الاتساع كما قلت لك يبدو افضل قليلا في السيارة كيه 10 - بس فعلا قليلا.
- مقاس الشنطة متقارب.
- ملحوظة كده علي الماشي - عجلة القيادة في التو ليس عليها اي علامة " اقصد طبعا علامة سوزوكي" - بينما في كيه 10 فإن العلامة كبيرة في المنتصف. وشكل الطارة اشيك بكتير
- من الداخل تابلوه كيه 10 افضل في الشكل - ولكن لا يزال كلاسيك بدون اي ابتكار زي سيلاريو مثلا.
- نقطة مهمة - محرك ال كيه 10 هو اقوي من الالتو - علما ان الاثنين 3 سلندر - وقد يستغرب البعض و يقولك اقوي ايه بس - دحنا بنتكلم برده في 1000 سي سي - 3 سلندر . الرد هو ان هذا المحرك يخرج طاقة حصانية اعلي من محرك السيارة اي تن - اما مسألة انه 3 سلندر - فده عشان توفير البنزين.
- حاجة مهمة جدا - التو سعرها 48900 بينما السيارة كيه 10 تزيد عنها بأكثر من 10000 جنيه - بصراحة هذا شئ مبالغ فيه جدا - لان الفرق بين الاثنين مايستاهلش ده كله - وكده فعلا بتكون قربت من عربيات تانية زي لانوس او فيرنا - مع الوضع في الاعتبار ان استهلاك البنزين اعلي فيهم .
- السيارة التو كانت مع اكثر من زميل لي و شكرو فيها جدا - و بالنسبة ان التكييف علي ماتور 800 سي سي ناس كتير قالت انه عادي طالما انه جاي من المصنع كده - كمان فيه ناس جربته وقالت عادي - بيأثر علي السحب شوية - بس شغال - و يكفي ان تعرف ان تكييف كثير جدا من السيارات بيأثر علي السحب و منها اي تن مثلا - مع صديق لي و بيشتكي من كده.
بصراحة انا شايف ان الالتو العادية افضل
انا شخصيا - ان قدر الله ان اشتري جديد - استقريت عليها طبعا عشان فلوسي مينفعش تجيب اغلي من كده
وفقنا الله و إياكم لما فيه الخير



:fun_36_1_39[1]:

رد: سوزوكى التو k10 اول تقرير حصرى بالصور و المواصفات و الاسعار