مصر موتورز مجتمع السيارات - اتنصب علياااا من ناااافع بتاع اول شاارع دمشق الحراااامى ( سااااعدوونى )

مصر موتورز مجتمع السيارات (https://www.masrmotors.com/vb/index.php)

- سوق السيارات المصرية (https://www.masrmotors.com/vb/forumdisplay.php?f=147)

رد: اتنصب علياااا من ناااافع بتاع اول شاارع دمشق الحراااامى ( سااااعدوونى )

للاسف اللى بيعمله نافع ده برضو بيعملو ناس كتير
والفكرة انه بدل ما يميز نفسه بجودة المنتجات اللى بيبعها او التخصص بيهتم بانه يكون عنده كل حاجة باسعار رخيصة ومنافسه وطبعاً موقعه مساعدة
هو فعلا مبيعملش فاتورة خالص عباره عن دفتر فواتير من بتاع السباكين ده يعتبر بيان مش فاتورة وبالتالى الفاتورة مش ضريبيه ومتحافظلكش على حقك فى الاستبدال او اى ضمانه من اى نوع وللاسف كل ده احنا بنتغاضى عنه فى مقابل سعر منافس لكن محدش بيتخيل ان ان الموضوع ممكن ينتهى بكابوس زى اللى حصلك ينتهى بانك تدفع حوالى 250 او اكتر ومتستفيدش بمنهم بحاجة غير حرقة الدم والمشاوير
للاسف كمان بدون فاتورة حقوق المستهلك متقدرش تساعدك بالشكل الكافى وموضوع الغش التجارى ده مش سهل اثباته كمان وسهل الرشاوى تدخل فيه
علشان كده عندك حل من اتنين
الاول شغل المجانين وده صدقنى بيجيب نتائج اكيدة فى اغلب الحالات
وهو انك تاخد واحد او اتنين صحابك ومعاكو القطعه الباظيه ومعاكو كاميرا فيديو او كاميرا موبيل حتى وتخشو المحل تزعقو شويه (بس بحدود علشان متبقاش خناقة) وترخمو شويتين وكل زبون يخش تحكولو الحكاية وتقولو خد بالك الراجل ده بيبع حاجات مضروبه وتهددوه ان الفيديوهات هتنزل على النت غالباً هيلمو نفسهم ويدوك فلوسك علشان تمشى من قدامهم يا اما يحاولو يبلجو عليكو وساعتها هتتصل بالنجدة وتحرر محضر ليهم بالواقعة فى ساعتها

الحلول بتاعة العاقلين الراسيين بقى هى زى مانت عملت دعاية سلبيه وشكاوى وتحتسب عند الله وكفايه انك هتبقى ايجابى بردو وهتحذر ناس كتير من الوقوع فى نفس الفخ بس علشان تحقق افضل نتيجة ركز على النقاط ديه

اولاً تعمل مواضيع فى المتنديات وتحط فيها صورة المحاضر او الشكاوى او صورة المنتج او العلبه وكل التفاصيل علشان ديه بتدى مصداقيه اكبر

ثانياً تكتب اسم المحل بشكل صحيح يعنى نااااااااااااافع ديه ملهاش اى لازمة
لكن لو كتبت فى مصر موتورز اتنصب على من نافع شارع دمشق بعد ساعات اى حد هيعمل سيرش على جوجل هيلاقى موضوعك

ثالثاًَ معلش بلاش كلمات زى الحرامى او النصاب علشان ديه ممكن تبقى سب علنى ممكن تعمل مواضيع باسم احذرو من نافع شارع دمشق او الغش التجارى ونافع شارع دمشق او اى حاجة بالمعنى ده توصف اللى حصلك لكن متوصفش شخص او جهه بعينها علشان متبقاش سب وقذف

بس اهم حاجة انك متسيبش حقك والاهم انك متخافش من حد ابداء طول ما معاك حق ومش انت بس كلنا لازم نعمل كده زى ما قولت فى المقابله اللى فاتت

رد: اتنصب علياااا من ناااافع بتاع اول شاارع دمشق الحراااامى ( سااااعدوونى )

الله ينور عليك يا وائل باشا

والله انا كنت مستنى ردك عشان عارف انو الى هيجيب من الاخر

و فعلا انا برضو هكمل فى مووضع الغش التجارى دا و انو بيبيع بدون فاااتورة اصلية

على الاقل : هوووووووووووجع دماااااااغة و خصوصا انى اجازة من الكلية و فااااضى 3 شهور الحمد لله و هقرف اهلة

اما بقى على التشهير فانا اصلا مقدم خدمات ويب و استضافات و مصمم مواقع و اعرف ازاى انزل فضايحة حلو اوى اوى فى جوجل من خلال خرائط الارشفة

و ان شاء الله خلال اسبوع بس الى هيكتب شارع دمشق هيطلعلو بالصفحة الاولى النصااب ناافع

و على فكرة ناافع دا اسم المحل كدا بس و اسم الراجل نفسة

و ربنا يسهل و هظبطة والله

رد: اتنصب علياااا من ناااافع بتاع اول شاارع دمشق الحراااامى ( سااااعدوونى )

انا فعلا يا جماعة اتصلت ببتوع جهاز حماية المستهلك و قالتلى دى قضية غش تجاارى و ادينى رقم الجهه المسئولة عن الغش التجارى و بكرا هكلمهم ان شاء الله

رد: اتنصب علياااا من ناااافع بتاع اول شاارع دمشق الحراااامى ( سااااعدوونى )

توكل على الله وافضحه فضيحه يندم عليها طول عمره وخسايره هاتبقى عال العال

رد: اتنصب علياااا من ناااافع بتاع اول شاارع دمشق الحراااامى ( سااااعدوونى )

اوعي تسيب حقك يابن الحلال

اي نصاب حرامي لاذم ياخد جزاءه ويتعاقب علشان بعديها يمشي زي الكلب ويعرف انه هياخد علي دماغ اللي جابوه لو فكرة بس ينصب علي حد وبعدها يعرف ان الله حق ويتقي ربنا ولو متقاش ربنا هياخد علي دما غ اللي جابوه تاني

ماتسيبـــــــــــــــــــ ــش حقك حتي لو شلن