مصر موتورز مجتمع السيارات - تحذير هام من مقلب الضريبه العامة علي العربيات النقل لما تشتري مستعمل

اقتباس:

المشاركة الأصلية كتبت بواسطة سلامة البدري (المشاركة 690846)

السلام عليكم ورحمة الله وبركاته

اخواني الاعزاء

انا هانقل ليكم تجربتي في شراء عربيه دبابه مستعمله
واحذر الجداد منكم ذي حلاتي من مسئلة مهمه ممكن تكلفكم كتير

اولا :-((( العربون ))))

اذا دفعت مبلغ وكتبت العقد الابتدائي الي هو عبارة عن عقد مطبوع بيشتروة من اي مكتبة ب 25 قرش
حاول تخلي مبلغ كبير علي اذ ما تقدر من تمن العربيه لحين التسجيل بالشهر العقاري او عمل توكيل ليك بالعربيه

(((((((((((ودي النقطه المهمه جدا الي نخلي بالنا منها )))))))))))))))))))

(((ثانيا :- تتاكد من موقف السياره الضريبي)))

تتاكد من صاحب السياره عن ملفه الضريبي بالضرائب العامة وهل هو مسدده كامل حتي اخر سنة من عدمه
لان الي بيحصل ان المشترين الجدد عموما بيهتموا بمسئلة شهاده المخالفات فقط
ومش واخدين بالهم ان دي عربيات تجاريه مش ملاكي ليها ملف بالضرائب العامه عن نشاط سياره تجاريه

والسئوال عن الملف الضريبي وموقفه المالي مهم سواء الرخصه ساريه من عدمه لان االمالك السابق الي هتشتري منه هو عبارة عن ممول بمصلحة الضرائب العامة عن نشاط مالك سيارة تجاريه بيسدد عنها كل سنة ضريبه واحيانا مبكونش مسددها كاملة او مقدم طلب تقسيط ودافع جزء منها والباقي مش مدفوع او احيانا الضرائب بتاخد اي مبلغ تحت الحساب وتديه شهاده يروح يجدد بيها في المرور رخصته عادي لكن بيكون لسه ملفه الضريبي عليه فيه مبالغ مستحقه
وطبعا سيادتك لما تروح تنقل ملكيتها بالمرور عشان تستخرج رخصه باسمك مش هيديك الرخصه الا لما تجيب ما يفيد فتح ملف ضريبي باسمك عن نشاط سيارة تجاريه وطبعا بالتالي الضرايب مش هتفتح الملف وتستخرج ليك بطاقه الا لما تروح تجيبلها موقف مالكها السابق وهتطلب منك شهاده سداد مستغل سابق للسيارة الي هو مالكها السابق وهنا ((((( :010105~332: )))))))))))
هتالاقي ان المالك السابق لسه متعلق عليه فلوس مستحقه عليه للضرايب ولازم يا حلو تدفع DDFGDDFG

وهنا قيمة المؤخر الي انت شايله من تمن العربيه تدفع منه ذي الباشا وبعد كده تسدد الباقي لصاحب العربيه
ده بعد ما تديله فكرة ان في مبالغ عليه هتدفعها من تمن العربيه المتفق عليه فيما بينكم

انا حاولت انقل التجربه علي ما اقدرت واتمني تكون وصلت ليكو

يعني الخلاصه
حاول خلال الفتره الي بتدفع فيها المقدم وحتي سداد باقي الثمن تكون اتاكدت من موقف السيارة الضريبي عشان متدفعش المبلغ كامل وتفاجاء اثناء نقل الملكيه بالمرور ان هناك لسه في مبالغ مستحقة علي العربيه

شكراا للافادة