رد: القيادة المانوال .. أم الأوتوماتيك ؟؟؟؟؟
 

انا عن نفسى بفضل المانوال عشان التعود والتحكم فى السرعة
لكن الاوتوماتيك راحة فى مصر يعنى مش كل شوية دوس دبرياج وشيل دبرياج
من وجهة نظرى الاوتوماتيك أفضل من ناحية الرحة
لكن لو حضرتك بتحب السرعة والشد يبقى المانوال

رد: القيادة المانوال .. أم الأوتوماتيك ؟؟؟؟؟
 

بص يا برنس انا معاك ان الاوتوماتيك لذيذ وعموما ان العربيه جديده يعني اي صيانه ليها هتبقي في التوكيل لكن بعد فتره مش هتوديها التوكيل لانها هتكون قدمت وساعتها الاتوماتيك مش اي صنايعي هيشتغل فيه

رد: القيادة المانوال .. أم الأوتوماتيك ؟؟؟؟؟
 

السواقه يعني مانيوال
انما الاتوماتيك بعتبر نفسي مش بسوق
و انا من الناس اللي بتستمتع بالسواقه جدا(رغم اني الحمد لله بسوق بقالي 19 سنه)
الا اني كل ما اركب العربيه و اتحرك بيها ببقي فرحان زي ما اكون اول مره اسوق عربيه في حياتي
لذلك بفضل المانيوال علشان احس بتناغم بيني و بين العربيه
و الاتوماتيك بصراحه هو مريح لكن انا مش حفكر فيه الا لما ربنا يكتب ليا
اني اعيش لحد ما يبقي عندي 45 سنه ولا حاجه و تكون الشيخوخه بدأت علي الواحد
ولعلمك فكره اني احسن مانيوال ولا اتوماتيك محدش بيقدر يفيدك فيها لانك انت اللي تقدر تحدد
انت بتحب الراحه ولا بتحب متعه القياده!!!!!!!!

رد: القيادة المانوال .. أم الأوتوماتيك ؟؟؟؟؟
 

هو بصراحة الاوتوماتيك راحة علي الاخر ومزاج وانت سايق بس دا لو انت سواقتك هادية الي حد ما يعني لو انت غاوي شد وحركات بالعربيات والحاجات دي بلاش اتوماتيك خليك في المانوال احسنلك كتير بس مع زحمة الطرق حاليا في مصر افضلك الاوتوماتيك هيريحك كتير

رد: القيادة المانوال .. أم الأوتوماتيك ؟؟؟؟؟
 

أنا شايف ان موضوع مانيوال وأتوماتيك ده بيرجع لكيفية استخدامك للعربية
أولا لو العربية هتستخدمها استخدام تقليدي يعني بتروح بيها شغلك وترجع تركنها وبس علي كدة يبأة أوتوماتيك واشتري دماغك في زحمة مصر.
أما اذا كنت من هواة الجري وعايز تستمتع بالقيادة والكلام ده فالمانيوال أحسنلك
وبعدين أنا ركبت لانسر 2005 مانيوال وبعديها ركبت لانسر 2007 أوتوماتيك بصراحة ماكنش لها أي مشاكل الفرق الوحيد ان الأوتوماتيك أريح بكتيييييييييييييير في الزحمة
لكن احنا مشكلتنا كمصريين ان احنا بنخاف من التكنولوجيا ودايما نقول اللي نعرفه أحسن من اللي ما نعرفوش