رد: فيات جراند بونتو ولا تويوتا ياريس
 

ممكن تكون اللي عند التوكيل موديل 2010 و اللي في المعرض 2009 و بالتالي الفرق يكون اكتر من كده كمان.
هو طبعا المعارض ما ينفعش يتجرب العربيات اللي فيها
انما المفروض التوكيلات المحترمه تعمل تست درايف لكل عربيه علشان اللي بيشتري يقتنع بالعربيه
بس للاسف ماعندناش لسه توكيلات محترمه للدرجه دي في مصر:)

رد: فيات جراند بونتو ولا تويوتا ياريس
 

طيب هو بشكل عام مفروض أتوقّع خصم بنسبة أد إيه فى المعتاد؟ أصل بصراحه انا ماليش فى الفصال و أصلا فكرة وجود سعر غير السعر المعلن كانت مفاجئه بالنسبه لى ..




ده صحيح جدّا للأسف لدرجة أنّى فكّرت فى تأجير عربيه مماثله لمدّة يوم ولا اتنين مثلا عشان أجرّب العربيه و أشوفها مناسبه لي ولاّ لأ

رد: فيات جراند بونتو ولا تويوتا ياريس
 

رد: فيات جراند بونتو ولا تويوتا ياريس
 

رد: فيات جراند بونتو ولا تويوتا ياريس
 

الأخت العزيزة فيروز....أسأل الله أن يوفقك فى الإختيار الأمثل و الأفضل بالنسبة لإحتياجاتك العملية اليومية و من وجهة نظرى كأحد مقنى الفيات فى يوم من الأيام و لازلت أمتلك جراند بونتو إلى جانب سيارتى الرئيسية وأعتقد أن أى شخص يقبل على شراء سيارة يلتفت إلى العيوب قبل المميزات و لذلك سوف استعرض لك مميزات و عيوب كلا السيارتين عن تجربه فعليه حيث نقتنى فى أسرتنا كلا الموديلين الفيات و التويوتا

1- الجراند بونتو
لو أنتى مش بتاعت شد و جرى و فرك بالعربيه .....يبق الجراند مش إختيارك لأنها عربية ذات محرك رياضى مزود بخاصية التى جيت تيربو........يعنى دفعت تمن حاجه مانتيش محتجاها ولا هاتستخدميها

سعر إعادة البيع للفيات فى الأرض............ده لا جدال فيه واللى باع عربيه فيات فى يوم و ماخسرش فيها يقول و يثبت .....لأن أنا خسرت فى عرلبتين إتباعو صيانة وكيل و حاله والله ذى الزيرو أكثر من نصف ثمن السيارة فى خلال 5 سنوات فقط

مميزات السيارة .......طبعا لا غبار على الفيات سيارة قوية و سحب ما شاء الله و متزنه و جميلة و برستيج .......بس حسب إستخدامك سفر 3 4 مرات أسبوعيا أعتقد أنك هاتواجهى مشاكل خصوصا فى الكهرباء ....لأن مستوى الإعتماديه فى الفيات مش عالى أوى

2- اليارس
هما كلمتين و بس
مستوى أعتمادية عالى و عربيه تناسب البنات بشكل لطيف و ممتعه فى السفر خصوصا طريقتك فى السواقة التى لا تتعدى ال 130 ......وإعادة بيع مؤكدة أعلى من الجراند .........و الفرق الوحيد أنك راكبه عربيه نص البلد راكبها فا أنت مافيش تميز فى الركوبة اللى أنت راكبها بس راكبه عربيه أى واحده ست أو بنت ما تقلقش أنها تعطل بيها....وده مش موجود فى الجراند بونتو

كمان ماننساش أن الجراند بقالها فوق ال 3 سنين فى مصر و لم تثبت نفسها إلى الأن .....لكن شفت كتير أوى بيبعوها ....الله و أعلم ليه .....بس ماشوفتش اليارس بيحصل فيها كده

رغم حبى الشديد للفيات و رغم إحترامى للمصنع الإيطالى الجبار لكن أنا أؤشحللك اليارس لأنها أقرب ما يكون لأحتيجاتك ....لكن الجراند و مميزاتها اللى هاتدفعى ثمنها لن تستغليها بالمرة حسب كلامك عن طبيعة سواقتك