مصر موتورز مجتمع السيارات - مانع التسريب البسيط من الردياتير الغير معروف مصدرة=Radiator Sealer & stop leak

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

رد: مانع التسريب البسيط من الردياتير الغير معروف مصدرة=Radiator Sealer & stop leak

مشكور اخي الفاضل علي المعلومات المفيده

رد: مانع التسريب البسيط من الردياتير الغير معروف مصدرة=Radiator Sealer & stop leak

اقتباس:

المشاركة الأصلية كتبت بواسطة samirayad (المشاركة 347006)

أنت جربت ولم تنظر إلى ماستقوله الأيام مستقبلا

ونظرا لأننى أعملت تفكيرى

فلن أجرب أساسا

ولما أسد مكان التسريب من الخارج أفضل لى ولمكنتى

ولو أضطررت لشراء رادياتير تانى

فده أفضل كمان من محاولة تلييس مكان التسريب من الداخل

لا وكمان الماده المليسه موجوده فى كل مكان فى دورة التبريد

_________________________ ____

فكون الصانع يحذر من عدم تكرار المحاوله فى حالة الفشل فى سد التسريب

فهذا أكبر دليل

على أن تلك المعالجه غير مفضله فنيا على مكونات دورة التبريد

وخصوصا مسارات التبريد

وميكانيكال سيل طلمبة التبريد

لابد أن لاننظر تحت أقدامنا .............ولكن يجب أن نتخيل وبمنطق علمى

مايمكن أن تقوله الأيام على المدى البعيد

صحيح انا أتفق معك يا باشمهندس وده رأيي الشخصي لاسباب كثيره وكلها منطقية
فلو علي سبيل المثال السائل السحري ده بيسد مسامات تسريب وبالفعل طلع مفعوله جبار وسحري وسد حاجه او تسرب ، بقيت السائل بمفعوله الفتاك ده حيروح فيييييين ؟؟
طبعا حيسد معاه حاجات تانية
طب يا عم ولو ما سدش ؟؟؟؟ >>>>> يبقا اكيد حيترسب
طيب لو حيترسب حيترسب فيييييين ؟؟؟؟
خد عندك بقا ، يا حيترسب في طرمبة الماية ،، يا اما في مجاري المايه اللي في بلوك وجسم الماتور نفسه اللي اسااااااساً بتبقى خشنة من الصدا والرواسب ومن البلهرسيا اللي بنشوفها في دورة المايه لو الراديتير بقاله فتره ما اتنضفش ، وغير كده الراديتير نفسه اللي بيبقا مليان رواسب اكيد حتساعد زيادة المواد دي وعشان كده قالك ايه ؟ كفاية عليك علبه واحده بلاش اتنين :hd:

انا في اعتقادي ان الموضوع ده زيه زي السائل اللي بيقولك ضيفه في تانك البنزين (( وحينضفلك التانك من البلاوي اللي موجوده فيه يا بيــــــــه ! اه امال ايــــــه يا بيه ! )) ،،، طيب هو البلاوي اللي حينضفها في تانك البنزين دي ويفتفتها دي ، أكيد طبعا مش بنسبة 100% حيبقا اكيد في رواسب معلقة لو 1 % ، يعني طبعاً حتروح فين بعد كده ؟ تدخل على الرشاشات اللي زي خرم الدبوس وعيش حياتك بقا مع الميكانيكية يا معلم.

نصيحه مني ليك يا باشا لو فعلا جربته ، روح خدلك دورة تنضيف راديتير عند اي محطة بنزين !!
تقبل مروري
تحياتي ،،

رد: مانع التسريب البسيط من الردياتير الغير معروف مصدرة=Radiator Sealer & stop leak

اقتباس:

معاك فى كل اللى فات ولكن فى الشويه دول

لى تحفظ بعض الشىء

فهناك فرق فعلا بين منظف بيعمل فى دوره هندسيه مفتوحه ( زى دورة البنزين )

بناخد منها ( من التنك ) ونحرق المنظف بالبنزين

وبين دوره مغلقه زى دورة مياه التبريد

مليئه بالمليسات المحجوزه معها فى نفس الخطوط

أى مجارى دورة التبريد وطلمبة المياه

عارف

لو كان صانع المنتج قالنا

ليس الثقوب وبعد كده مباشرة أعمل دور شطف لدورة التبريد

وأرجع أملاها تانى بسائل تبريد جديد

كنا قولنا ............ماشى الحال

أدينا ليسنا الخرم .............

وشيلنا باقى مكونات التلييس

بقدر الأمكان

وحطينا ميه جديده خاليه من الملوثات التى لايحمد عقباها مستقبلا

رد: مانع التسريب البسيط من الردياتير الغير معروف مصدرة=Radiator Sealer & stop leak

اقتباس:

المشاركة الأصلية كتبت بواسطة samirayad (المشاركة 347226)

انا في اعتقادي ان الموضوع ده زيه زي السائل اللي بيقولك ضيفه في تانك البنزين (( وحينضفلك التانك من البلاوي اللي موجوده فيه يا بيــــــــه ! اه امال ايــــــه يا بيه ! )) ،،، طيب هو البلاوي اللي حينضفها في تانك البنزين دي ويفتفتها دي ، أكيد طبعا مش بنسبة 100% حيبقا اكيد في رواسب معلقة لو 1 % ، يعني طبعاً حتروح فين بعد كده ؟ تدخل على الرشاشات اللي زي خرم الدبوس وعيش حياتك بقا مع الميكانيكية يا معلم.

معاك فى كل اللى فات ولكن فى الشويه دول

لى تحفظ بعض الشىء

فهناك فرق فعلا بين منظف بيعمل فى دوره هندسيه مفتوحه ( زى دورة البنزين )

بناخد منها ( من التنك ) ونحرق المنظف بالبنزين

يعني برأيك ان موضوع منظف التانك او منظف دورة البنزين ما بيسببش اي نوع من الاضرار والا ايه ، وبتنصح بيه او بلاشه احسن ؟ ارجو الافاده وشكرا
وتحياتي ليك يا هندسة

رد: مانع التسريب البسيط من الردياتير الغير معروف مصدرة=Radiator Sealer & stop leak

اقتباس:

المشاركة الأصلية كتبت بواسطة hatem_eg (المشاركة 347251)

أنا بأستعمله الصراحه

مع بنزين 80 فى النوبيرا

لأنه عباره عن منظف للشموع والرواسب المحتمل تواجدها فى البنزين

بس بأعمل حاجه أنا شايفها كويسه

لما أنوى أستعمله

بأكون مفول وأحط العبوه على التنك بس بيكون فى حاله واحده فقط

بأكون مسافر مشوار طويل

ومحرق على المكنه كمان لتزويد ال pulse widith

أى تزويد فترة ضخ البنزين فى الرشاشات

لعمل تسييخ بالبنزين المختلط بالمنظف

للرشاشات نفسها من الداخل

بحيث ألحق أحرق تقريبا كل البنزين بالمنظف فى مشوار واحد رايح جاى

منها عملت نظافه لدورة البنزين بالرشاشات

ومنها مخليتش المنظف مستمر بقدر الأمكان فى خطوط البنزين

وبمجرد عودتى وأنا مشطب على البنزين بالمنظف

بأروح مفول بنزين فقط

لتخفيف أى أثر موجود للمنظف فى تنك البنزين والخطوط

لأن مفيش شك بيكون لسه فيه كمية منظف مختلطه عندى

ببواقى البنزين من مشوار السفر الطويل

بأحاول أخفف وألغى أى أثر ليه فى دورة البنزين بقدر الأمكان

طريقه كده

زى بتاعة أربعه أثنين أربعه

من أجل الوصول لهدف بأبغيه بينى وبين نفسى

شغل فهلوه على الطريقه المصريه ...من أجل الفائده العامه