|
رد: بماذا تمتاز البطاريات الجافه عن البطاريات العاديه
طيب بالنسبة للأنواع يا باشمهندس حضرتك تنصح بإيه بالنسبة للجافة ، وأنواع إيه بالنسبة للسائلة، وشكرا ليك.
على فكرة أنا عربيتي موديل 82 وجايب ليها بطارية جافة وزي الفل، مع إن في فعلا ناس قالت لي بلاش الجافة في القديم. لكن ما سمعتش الكلام. وشكرا ليك |
رد: بماذا تمتاز البطاريات الجافه عن البطاريات العاديه
اقتباس:
باشمهندس : أحمد لو فرضنا حدث خلل فى منظم الشحن الأوتوماتيكى automatic voltage regulator المسمى بلغة السوق ( بكتاوت الدينامو ) ماذا سيحدث للبطاريه الحمضيه العاديه .............؟ نظرا لأنها ليست من النوع sealed batteries ( الملقبه بالجافه بالسوق حاليا ) عند زيادة الشحن بيحدث سخونه داخل بناء البطاريه والسخونه تعنى زيادة الضغط والتمدد للألكتروليت الخاص بالبطاريه ( الماء + الحامض ) ماذا سيحدث مع سخونة وفوران الحامض فى الأنواع التقليديه نظرا لأنها لاتتمتع بخاصية الحبك الجيد ( sealing ) على طول بيحصل فوران وصعود للألكتروليت خارج بناء البطاريه ( لأنها غير محكمه جيدا ) والشحن الزائد شغال .................وبالتالى بتنهرى البطاريه من داخلها لأنه حدث خلل فى معايرة البطاريه حمضيا _________________________ _______ أما فى الأنواع المحبوكه جيدا sealed batteries مبتحصلش الظاهره دى الخاصه بالفوران للألكتروليت ونلاقى الخليط طلع وطفح خارج البطاريه ومن هنا يتوفر عنصر الأفضليه لأن الخليط لم يخرج ومحبوس ( على الرغم من أن الشحن الزائد شغال ) أذا مع تخريف الدينامو ...........برضه مازالت البطاريه فى أمان ( ولن تجف ) فى النوع العادى بأه مبتحصلش القصه دى |
رد: بماذا تمتاز البطاريات الجافه عن البطاريات العاديه
اقتباس:
جاب الخلاصه اقتباس:
فأخطر شىء السماع ممن يتحدثون بدون سابق علم أو معرفه |
رد: بماذا تمتاز البطاريات الجافه عن البطاريات العاديه
اقتباس:
وانا من رائي ان اهم حاجة في الجافة انك تشتري دماغك لا تزويد ومية مقطرة ولا تشغل بالك اصلا بيها انا كان عندي بطارية فارتا الالماني قعدت معايا 3 سنين ونصف لغاية لما انا زهقت وبقت تخرف بس للاسف ساعتها ماكنتش اعرف انها ممكن تتشحن تاني الا لما سالتك وقلتلي وبعدين مكانش فيها مؤشر البيان اللي موجود النهاردة في البطارايات واضطريت اشتري الكوري مش ؤفاكر اسمها تقريبا ِCMF حاجة كدا وفيها مؤشر بيان بس ياريت تقعد ان شاء الله نصف اللي قعدتة الفارتا اللي ملقيتهاش دلوقتي... |
رد: بماذا تمتاز البطاريات الجافه عن البطاريات العاديه
الله عليك يسا استاذ سمير
طمنت قلبى الله يكمن قلبك انا لسة مغير البطارية ببطارية ايه سى ديلكو 70 امبير جافة بنصيحة عضو حبيبى بالله م / محمد فيصل الله يفتح عليه بس فيه سؤال ارجوا اجابنى ربا يكرمك على فكرة العربية بتاعتى جولف 2 موديل 1987 لما قسنا شحن البطارية على الجهاز طبعا كويس بما انها جديدة لما زوت بنزين لما شغلت العالى قصدى على النور الدينامو معوضش قالولى اكشف على الديناموا عشان متستهلكش البطارية فى وقت قصير يهمنى اعرف رأى سعاتك |
| الساعة الآن 09:40 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017