رد: عرض خاص من اليجانس لفرش السيارات
باشا سعر فرش النترا 2010 بها مخدع امامى وخلفى ومواعيدك ايه والتفصيل بياخد كام يوم وابعدنى عن الجلد وقولى الخامات التانية ايه على فكرة الطابلوه بتاعى بنى غامق فى جملى وياريت لو صور وشكرا:CONGRA~238:
|
رد: عرض خاص من اليجانس لفرش السيارات
اقتباس:
وبالنسبة للصور ممكن حضرتك تشرف صفحتنا على الفيسبوك هتلاقى البوم للالنترا وابقى قولنا رايك , ومتنساش ياباشا تعمل لايك للصفحة عشان نفضل على اتصال بحضرتك وتقدر تشوف الصور الجديدة . اليجانس لفرش السيارات <=== دوس هنا للدخول الى صفحتنا . |
رد: عرض خاص من اليجانس لفرش السيارات
والله انا مبسوط لما بشوف الشباب الجميل دة بيمل مشاريع جميلة كدة
ربنا يوفقك يارب ويرزقك دايماً بالحلال بعد اذنك يا هندسة انا معايا عربية اكسنت مو 2006 الشكل القديم وحابب اعمل تجديد للعربية ككل سمكرة ودوكو وكدة ولما شوفت الموضوع بتاع ففكرت اعمل الفرش كمان واجددة واظبطة واعمل فية اى حاجة جديدة السوال بقة : هل اظبط الفرش الاول واجددة قبل السمكرة والدوكو ولا بعدها؟ وفى حالة الاجابة بـ قبل او بعد اية اللى ممكن يتعمل فى الفرش ككل من سقف وارضية وعوازل وكل حاجة وتدينى شكل جديد وحديث للعربية مع العلم ان التابلوة عندي فى شق من الشمس وسورى على التطويل وشكرا يا باشا وبالتوفيق |
رد: عرض خاص من اليجانس لفرش السيارات
اقتباس:
عاجز عن شكر حضرتك على دعوتك الجميلة ولك مثل ما دعوت ان شاء الله , وشكرا على مرور حضرتك بالموضوع . اولا - حضرتك تعمل كل حاجة الاول واخر حاجة الفرش . ثانيا - ياريت حضرتك تشرفنا بزيارتك عشان نشوف الصالون على الطبيعة ونحدد ايه هيتصلح وايه هيتغير والشكل والالوان اللى حضرتك تحددهم . ثالثا - فى التوقيع هتلاقى رابط صفحتنا على الفيسبوك ادخل واتفرج على البومات الصور عشان تاخد فكرة بالالوان والتصميمات . وتقبل منى فائق الاحترام وجزيل الشكر . |
رد: عرض خاص من اليجانس لفرش السيارات
معالي الباشا معايا ليفان 620 مو 2011
فرش الفابريقة جلد ولأرضية شمواه المهم لما جيت اعمل كسوة الراجل قلى هى جلد فملوش لزمة وعملت الأرضية فقط وبعدين من كام يوم كدة لقيت قطع صغير فى الكنبة الخلفية مش عارف من اية المهم قلت هشوف حد واعمل الفرش وبعدين شوفت الموضوع الجميل بتاع معاليك فلو سمحت ممكن تقولى تتكلف اد اية خامات تكون كويس تعيش ومتعرقش ( لو مش واخد بالك منها هى صالونها ذى الكرولا 2006 ) |
الساعة الآن 07:27 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017