رد: و سقط حبى للبرافو ......وقلبى يبكي لفراقها
 

هههههههههه خد ايميلي يا باشا و انا اظبطك في الرفع masterpeace_18@hotmail.co m

رد: و سقط حبى للبرافو ......وقلبى يبكي لفراقها
 

عزيزى اتش معاك حق انك ماشترتهاش ! رغم ان أنا عارف الواحد لما بتبقى الفلوس فى ايده

بتبقى تقرصه و عاوزه تهرب منه ! وأنا مصدقك ومستغرب فى نفس الوقت !

يبدو ان السيارات اللى هنا عامله زى الملابس اللى بغلطه ! يعنى تروح تشتى قميص ب200ج

سليم و ممكن تجيب نفس القميص ب60 جنيه بس فيه غلطه موش ظاهره قوى ! لذلك أعتقد ان

التوكيلات هنا بتعمل كده وتستفيد هى بالفرق ! وأنا شوفت النيوسيراتو فى مصر تحفه و قلت

أجيبها من السعوديه ! لقيت هناك أنيل من اللى انت بتحكيه عن البرافو خاصة من الداخل و خاصة

مجرى عصاية الفتيس اللى حسيت انها حتة صاجه و ممكن تشوف الفتيس من تحت أو زى ما بيقولوا

شق يعدى منه فار !

عموما انت أفدت الناس ان الواحد ما يشتريش سمك فى ميه ولازم يفصص السياره و ياخد حقه تماما

ولا يلتفت للبائع الذى هو غالبآ مايعرفش الفرق بين السيات 133 و اللومينا !

وأخيرآ أرشح لك فورد فوكاس فى نفس الفئه السعريه أو أقل و سياره رزينه و قويه و تشطيب

داخلى محترم و سريعه ! بس اتأكد انها صناعة ألمانيا ( وآسف على الاستطراد ) !

Dr. Bolbolan :waving:

رد: و سقط حبى للبرافو ......وقلبى يبكي لفراقها
 

موضوع ممتاز واسلوب سلسل وسرد شيق
ربنا يوفقك فى أختيار الانسب

رد: و سقط حبى للبرافو ......وقلبى يبكي لفراقها
 

أسلوبك رائع ياباشا ....... ويستحق التحيه

لكن أنا من مشجعي المدرسه الألمانيه في السيارات لماذا لاتفكر بالألماني طالما وصلت لميزانية 150ألف جنيه ؟؟؟!!!

أنا عارف إنك حتقول الإيطالي له زمجره وعنفوان بمواتيره بطبيعتها وتحسسك بأنها سياره رياضيه حتى لو من فئه غير ذلك
لكن للأسف تقفيل الإيطالي سيء من وجهة نظري ... طول عمرهم مهتمين بالنوتور والعقشه وآخر مايفكروا به هو التقفيل وجودة الخامات (ده طبعا بالنسبه للسيارات ذات الماركات الإقتصاديه لأني مش بتكلم عن ميزاراتي أو فيراري)

ثانيا إنت حتبقى مبسوط إنك تخسر في حالة إعادة البيع بالشكل المجحف ده ؟؟؟!!!!
ثالثا حتى لو رضيت بالخساره ساعة إعادة البيع ... مافكرتش في مدى صعوبة بيعها ؟؟؟؟!!!!!

معلش مع الإعتذار ياباشمهندس .... حاول تفكر بشكل عملي حبتين بتحديد الأولويات
مثلا :
1- برستيج وتقفيل محترم (إنت حتدفع 150ألف مش أي حاجه يعني)
2- عدم الخسارة الكبيره في حالة إعادة البيع
3- سهولة إعادة البيع
4- أداء رياضي
5- توفر قطع الغيار ... وعمرها الإفتراضي (لأن فيه عربيات العمر الإفتراضي لقطعة الغيار بيكون قصير ...وده شيء يغيظ)
.
.
.
.
.
وهكذا لحد ماتوصل لقرار سليم غير مبني على العواطف نهائيا ...... (العقل زينه في الفترينه)

ومع إحترامي للدكتور بولبولان فأنا بقولك إياك والفورد الأوروبي !!!!!!
سيء سيء سيء سيء سيء سيء لأبعد الحدود
عفشه سيئه جدا
بتلاقي العربيه بتنهار منها فيها كده بسبب الخامات الغير جيده وذات العمر الإفتراضي القصير جدا
(كاوتش البيبان بينهار لوحده ... تكييف سيء جدا ومشاكله لاتنتهي , قطع غيار مولعه نار وليست بالكفاءه اللازمه , ...... إلخ وحدث ولاحرج) وده سبب مثلا إن لو تفتكر سنة 98 و 99 و 2000 مثلا كانت الفورد الإسكورت مثلا بكميات مهوله بالشارع وفجأه بدأت بالإختفاء شيئا فشيئا نظرا لما حدث لها من تهالك ده غير إن وكيلها بعد كده (رجب) راح في خبر كان (هوه دلوقتي في وكيل جديد بس مين العالم)
مالهاش سوق نهائي لا وهيا جديده في المعرض ولا حتى وهي مستعمله بسبب السمعه إللي واخداها سيارات فورد الأوروبي (يعني خسارة كبيره في إعادة البيع وطلوع روح عشان تلاقي زبون ياخدها)

فكر بشكل عملي ومش عايز أوجهك لحاجات يمكن تكون مش جايه على هواك ..... بس

سلملي على جوجو (بنتي برضه جوجو -جنى-) :)

رد: و سقط حبى للبرافو ......وقلبى يبكي لفراقها
 

خلاص يا عم أحمد كامل ! بلاها الفورد ! ptmnlo123per111

أنا بأتكلم على اللى رأيته فى معرض سيارات ! أما الخبايا الللالى انت قلت عليها دى !

أنا لا أعرفها ! و دى فايدة المنتدى ! و عموما واضح ان اتش ( قرقر ) يعنى موش

أى كلام وقبل ما ح يشترى سياره ح يفصفصها ! ptmnlo123per1106

أنا شايف انك عاوز تبيع له الباسات ! موش كده برده ؟؟ ptmnlo123per122

Dr. Bolbolan :waving: