![]() |
رد: مشكلة في الباور ستيرنج
هى الصراحة عربيتى لانوس 2002 بس فعلا لاحظت ان فى المطبات الصغيرة بسمع دبدبة من العجلى الامامية يمين و من اسبوعين اتهورت و نزلت تحت العربية افصص فى العفشة و اخيرا و صلت ان كاليبرز الفرامل اليمين بتلق و قارنت الموضوع ده بعربية والدى اللانوس برضه و لاقيتها ثابتة جامد مع العلم ان الفارمل عندى ممتازة فانا مكسل اعملها او مستنى اروح لميكانيكى يعملى حاجات كتير مرة واحدة لانى الصراحة فى الغالب بعمل الشغل بايدى بس بقيت اليومين دول بكسل و بروح للميكانيكى يمكن عجزت بقى و مبقأتش زى الاول دنا كنت بغير جوان وش السيلندر لوحدى
و متمنطنيش ايه اخبار رؤية مضخة الباور لحظة تعشيق التكييف هل بتفضل دايرة بنفس السرعة طبيعى زى قبل تعشييق التكييف ؟ |
رد: مشكلة في الباور ستيرنج
أنا سافرت الشغل و مش عارف حارجع إمتى و للأسف قريت ردك و أنا في الشغل لكن التنفيذ لما أرجع السويس و حابلغك بإذن الله النتيجة
|
رد: مشكلة في الباور ستيرنج
انا فعلا كنت فى الشغل برضه و لسة راجع دلوقتى
مستنى رد حضرتك و يارب خير ان شاء الله |
رد: مشكلة في الباور ستيرنج
إضافه
نسيت اقول لحضرتك و واحد مدور العربية و انت بتبص على مضخة الباور و هو يشغل التكييف و يلف الدركسيون يمين و شمال و حضرتك تراقب السير و المضخة |
رد: مشكلة في الباور ستيرنج
هو لما حضرتك بتشغل التكييف بيحصل ضعف فى سحب العربية ولا عادى ؟؟؟؟
|
الساعة الآن 05:34 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017