مصر موتورز مجتمع السيارات - زيوت XADO العالمية بتوكيل مصرى نازلة بتقلها ، لضمان المحافظة على عمر المحرك لأطول مدة بتقنية النانو

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

رد: زيوت XADO العالمية بتوكيل مصرى نازلة بتقلها ، لضمان المحافظة على عمر المحرك لأطول مدة بتقنية النانو

موضوعك في منتهي الجمال و الروعة يا H
أنا ان شاء الله هجيب الجيل إللي انت جبته عشان الونة بتاعت الفتيس عندي
و بفكر في حاجة تانية بس عايز رأيكوا فيها يا رجالة
عربيتي عايزة طقم شنبر
يا تري أجيب الزيت المرمم دة ولا ملوش اي لازمة مع حالتي .... إيه رأيكوا

رد: زيوت XADO العالمية بتوكيل مصرى نازلة بتقلها ، لضمان المحافظة على عمر المحرك لأطول مدة بتقنية النانو

الأخ العزيز هشام
من خلال عنوان موضوعك " تجربتي" انا قريت الموضوع ومتابع الزيت على الفيس وبالفعل انا لاحظت من خلال الفيس بوك انك تواصلت معاهم علشان تشتري وده من ايام هل ممكن يكون تأثيره ظهر في اسبوع مثلا .. ارجو الحياد وارجو انه ميكونش دعاية وخلاص.

لك مني كل التقدير:08da300846c84943a e1

الأخ العذيذ ناصر باشا

اقتباس:

المشاركة الأصلية كتبت بواسطة nassser (المشاركة 878812)

انا مبسوط انك متابع يا ناصر باشا بس ياريت كنت تاخد بالك من تاريخ الفديو الأساسى بقاله اكتر من شهر وفى المدة دى عملت أكتر من 500 كيلو وتنتهى المعالجة بإذن الله والتروس ترجع لطبيعتها بعد 1500 كيلو او 50 ساعة مشى بالعربية
اما الكارونة والفتيس اللى رايحين فى داهية بقالى شهور ماشى عليهم عشان مش معايا فلوس أغيرهم
وبعدين لو كلامى كله دعاية وخلاص زى منتا شايف خلاص
بس فكر كدا مع نفسك واحسبها لو روحت لأى حد بتاع كوارين وكح ف عربيتك هياخد منك على الأقل 700 جنيه اما بتاع الفتايس مش أقل من 400 جنيه وفى الآخر برضو التروس هتون

احسبها صح وبلاش الكلام المستفز عشان انا مش تاجر ولا بياع كفتة انت فاهم !!!

انا بنقل للاخوة هنا تجاربى الشخصية لو ماكنتش جربت المنتجات دى ماكنتش هعمل موضوع
الأنانية بقى ان أجرب المنتج وما أقولش للناس عشان تستفيد

بطلوا بقى النفسيات دى ، هو اه اللى حصل للبشر !!!!
واللى ايده فى المية مش زى اللى ايده فى النار بكره الدايرة تدور وتلاقى نفسك فى نفس موقفى عافاك وعافانا الله

رد: زيوت XADO العالمية بتوكيل مصرى نازلة بتقلها ، لضمان المحافظة على عمر المحرك لأطول مدة بتقنية النانو

اقتباس:

المشاركة الأصلية كتبت بواسطة adham.com (المشاركة 878749)

موضوعك في منتهي الجمال و الروعة يا H

أنا ان شاء الله هجيب الجيل إللي انت جبته عشان الونة بتاعت الفتيس عندي
و بفكر في حاجة تانية بس عايز رأيكوا فيها يا رجالة
عربيتي عايزة طقم شنبر

يا تري أجيب الزيت المرمم دة ولا ملوش اي لازمة مع حالتي .... إيه رأيكوا

الأفضل تعملها شنبر وبعدين تستخدم الزيوت مع معالج المرحلة الواحدة لأن مااعرفش حالة الشميز اه

رد: زيوت XADO العالمية بتوكيل مصرى نازلة بتقلها ، لضمان المحافظة على عمر المحرك لأطول مدة بتقنية النانو

أستاذ هشام .... هل المنتج المذكور بيشتغل بنفس طريقة السيراتك ؟ كان مذكور أنه هو كمان بيشتغل بطريقة النانو وبيعمل طبقة سيراميك على الأجزاء الداخلية ؟
ولو الموضوع كده يبقى ده أصبح اتجاه جديد من صانعي الزيوت لصناعة إضافات وهايتكرر الموضوع ده من شركات كتير ولا إيه ؟