مصر موتورز مجتمع السيارات - آخر أسعار سوق المستعمل

لو سمحت انا عايزة اعرف لوعربية جيتز اتوماتك موديل 2007 عاملة 90 الف كيلوا تعمل كام.
ورايك ايه فى الجيتز عموما (مانيوال او اتوماتك).
معلش سؤال تانى هى فى منها 1100 سى سى اصل انا اعرف انها 1600 سى سى فقط وايه رايك فى جيتز 1100 موديل 2004 وتكون سعرها ايه
معلش اسئلة كتيرة بس امامى الاتنين ومحتار اختار من حيث الجودة والسعر

ال2007=55
ال2004=40000
المانيوال أفضل عامة فى الكورى
موديلات 2004 و2005 موتور 1100
ال1600 أفضل كأداء وقوة وجودة

د0تامر محمد

15-06-2010 03:45 AM

رد: آخر أسعار سوق المستعمل

اقتباس:

المشاركة الأصلية كتبت بواسطة ابا رضوى (المشاركة 199203)

دكتور تامر انا متابع لاسعار حضرتك وجزاك الله كل الخير على المجهود وكنت عايز اعرف من حضرتك اسعار السويفت والكيا بريد وحضرتك تفضل ايه وشكرا لحضرتك

السويفت قطع غيار متوفرة جدا ورخيصة وصيانة سهلة من عيوبها ضعف الشاسية والصاج وإنخفاض إرتفاعها وضعف عفشتها وقلة ثباتها
السعر من 22-28 لحالات جيدة حسب الموديل (قبل 94 يابانى و95-96-97-98 مصرى)
البرايد فى منها هتشباك (عصفورة) وسيدان والسعر من 24-35 مو95- 2004
البرايد كسيارة أقوى وأفضل وأثبت قطع غيارها أغلى

د0تامر محمد

15-06-2010 03:49 AM

رد: آخر أسعار سوق المستعمل

اقتباس:

المشاركة الأصلية كتبت بواسطة ميمو1000 (المشاركة 199259)

السلام عليكم ورحمة الله وبركاته ...... ازيك يا دكتور
من فضلك يادكتور هيونداى النترا موديل 2005 خليجى أوتوماتيك فابريكة برة وجوة مش محتاجة مصاريف
بها جهاز انذار ومن أول مالك سعرها يكون كام.... وقطع غيارها غالية ولا رخيصة ومتوفرة ولا مش متوفرة طيب هى أحسن ولا لانوس 2008 أو 2009 من حيث الانتشارو سهولة الصيانة وسهولة اعادة البيع راى حضرتك ايه ....وجزاك الله خير

هى أفضل كأداء وخامات وتقفيل وجودة من لانوس
قطع غيارها متوسطة وموجودة
من حيث الإنتشار أقل بكثير من لانوس وهى ميزة لأنها ليست سيارة شعبية
عموما الإلنترا هذه سيارة مطلوبة وصيانتها جيدة بلا مشاكل وأعطالها قليلة
السعر 65000

morasaad

15-06-2010 10:22 AM

رد: آخر أسعار سوق المستعمل

السلام عليكم ورحمة الله
دكتور تامر متشكرين جدا على مجهودك وتعبك معانا فى الرد على اسئلتنا ومشاكلنا

بعد اذن حضرتك ازاى اعرف ان العربية دى سليمة خصوصا ان اغلبيه الاعلانات بتكتب ان السياره مجدده بالكامل هل هي بذلك سليمه ام غير ذلك وكيف اعرف صدق البائع من كلامه او السؤال اللي ممكن اكشفه بيه خصوصا اني نزلت اكتر من مره مع الميكانيكي علي الاعلانات ولم اوفق مماكلفني وقت وجهد مع تباعد اماكن البائعين مع العلم اني ببحث عن ريجاتا

ahmedali

15-06-2010 01:49 PM

رد: آخر أسعار سوق المستعمل

طيب يا دكتور تامر فيه حاجه فعلا مش فاهمها هو فيه ابيزا في مصر موديل 2003 او 2004 انا اعتقد ان الموديل ده هو الشكل الحديث للابيزا بس ما نزلش عندنا غير 2006 بس يا ريت توضحلى النقطه دى ومتشكر اوى على رد حضرتك في استفساري الاول

د0تامر محمد

15-06-2010 01:59 PM

رد: آخر أسعار سوق المستعمل

اقتباس:

المشاركة الأصلية كتبت بواسطة morasaad (المشاركة 199489)

راجع موضوع
كيفية فحص سيارة مستعملة
http://www.masrmotors.com/vb/showthread.php?t=18426

toto11

15-06-2010 02:56 PM

رد: آخر أسعار سوق المستعمل

اقتباس:

المشاركة الأصلية كتبت بواسطة د0تامر محمد (المشاركة 199402)

ال2007=55
ال2004=40000
المانيوال أفضل عامة فى الكورى
موديلات 2004 و2005 موتور 1100
ال1600 أفضل كأداء وقوة وجودة

اشكرك جدا يا دكتور بس عايزة اعرف سعر 2007 ده للاتوماتك .
ده كل المانيوال المعروض على النت 2008 او 2007 ب57000 الف والاتوماتك مطلوب 62000 تفتكر سيادتك ان الناس بتعلى اسعارها كدة على النت ده عادى يعنى لما اروح واشوف ممكن ننزل لكن كل الى عارضيين كاتبيين دة سعر نهائى
ايه رايك يا دكتور :waving:

الساعة الآن 01:56 PM.

صفحة 299 من 525