رد: رابطة ملاك ومحبى السفينه فيات 132
 

رد: رابطة ملاك ومحبى السفينه فيات 132
 

الحمدلله زى الفل
روحت وقفت مع جيرانى اللى اتسرقوا لحد الساعة 1 بالليل
ونمت صحيت تانى يوم الضهر وماروحتش الشغل ولا امبارح ولا النهردة
ملل الصراحة

انت عملت اه فى العربية ؟

رد: رابطة ملاك ومحبى السفينه فيات 132
 

رحت اخدت العربية من عند الميكانيكي
كنت سايبها قصاد ورشته من الساعه 8 الصبح علشان يظبط لي التاكيهات و يشوف صلايب الكردان
ظبطها والصلايب شحمهما وكانت صاموله الكارونه مفكوكه وهيا اللي كانت بتعمل صوت التكه ف الطلعه مع صليبه الشكمان اللي كانت محتاجه تتشحم وربط على العربيه و الحاجات اللي تحت الكردان و غسل الموتور بالبنزين

و كانت الفرده اليمين عندي فراملها مش شغاله بسبب الخرطوم فغيرته امبارح و لسه لحد النهارده العربية بتحدف مني شمال لما ادوس فرامل فقال لي ان ده هياخد له يوم ولا حاجه علشان الفرده اليمين تطبع!

رد: رابطة ملاك ومحبى السفينه فيات 132
 

بالنسبة لموضوع العزل بتاع العربية يا جماعه
شوفوا موضوع عصام غنايم هنا في المنتدى عن العزل
فيه مواد اسمها ارما فليكس بعزل الصوت والحرارة وليها اكتر من سمك والسمك اللي مرشحه 4 ملي والمتر فيها ب 17
و دورت ع النت ولقيت ان ف ماده البيوتومين معموله في افرخ بحيث يكون استخدامها زي البلاستيك كده تغطي بيها السطح اللي انت عاوزة وهي اخف شوية من الواح البلاك
حد مهتم بالموضوع ده

رد: رابطة ملاك ومحبى السفينه فيات 132
 

العزل ده كويس يا مجدى باشا مفيش مشاكل الأرمافليكس بيتباع فى كل حته هاته واعزل بيه والفوم السايل برضو مفيش مشاكل أهم حاجة يكون بعيد عن اسلاك الكهربا لأنه بيشم النار بس

لو عاوز ألواح البلاك الجاهزة زى الأرمافليكس بتتباع عند اى موان وفى شارع الجمهورية وفى الفجالة



صمولة الكارونة اللى ماسكة البنيون ولا تقصد ربط الكردان من ناحية الكارونة ؟
الحمدلله انها جت على اد كده بالتوفيق إن شاء الله