مصر موتورز مجتمع السيارات - ارشيف الاستراحة 2011

اقتباس:

المشاركة الأصلية كتبت بواسطة yahiaashraf (المشاركة 515482)

يا باشا لو حسنى مبارك خد 5 مليار فى ثانيه هيخلصوا منه

بالنسبه للمواطن المصرى العادى يفضلوا معاه العمر كله

ده على اساس ان حسني مبارك كان فاتح بيتين وبيشتغل شغلانتين عشان يكفيهم ؟
طب فهمني هايصرفهم ف ثانيه ف ايه
ده كان واكل شارب نايم لابس ببلاش ومعاه خط تلفون بزنس رقم مميز ببلاش وعنده فله ف شرم بيشتي فيها ببلاش وف الصيف بيكتب طلب يفتحولوا قصرالمنتزه اسبوعين مصيف برضه ببلاش
ولما جه يجوز عياله لم نقطه حوالي 3 مليار جنيه من المعازيم
دا غير التحف والهدايا والسجاد نقوط من رجالة العاشر والنابوليا اللي بعتهاله الدمايطه نقوط فرح انجاله وبرضه ببلاش
ويوميا عنده قفصين فاكهة اسماعلاوي ببلاش من سوق العبور محبه من التجار
مخالفات عربيت مافيش وبنزينها بيدوله بونات يمون من بنزينة التعاون اللي ف الزتون ببلاش
فيه ايه تاني
كهربا وميه وانبوبة غاز على حساب القصر ما بيدفعش فيهم حاجه
وعمره ما دفع مصاريف مدارس لانه كان ضمن نسبة الاعفا لابناء العاملين بالدوله
كوتشيات باتا وجزم ابوطوق على دخول المدارس ببلاش
اهه قولي بقى والله لتقولي يصرفهم في ايه ؟