|
رد: صيانة اكسيل مانيوال 1500 cc
اقتباس:
بخصوص التكييف انا عندى شغال الحمد لله بس مش بحس بيه اوى الا لو ع الدرجة الاخيره ؟ هل ده طبيعي فى الاكسيل ؟ اسف جدا للاطاله ولكم جزيل الشكروالامتنان |
رد: صيانة اكسيل مانيوال 1500 cc
اقتباس:
والأوتوماتيك ..........هات نوع مناسب ( فرنساوى أو إيطالى مثلا ) طبعا أنت هتتعامل حسب العيب إللى عندك وارد تكون مشكلة جلب فقط مثلا اقتباس:
اقتباس:
عموما ممكن تغسل سربنينة التكييف الموجوده أمام الردياتير فى مقدمة السياره والمكنه بارده ومش شغاله بخرطوم مياه لعل وعسى يكون عندك شوية رواسب مقلله كفاءة تبريد الفريون فى مكثف التكييف وتجرب بعد كده |
رد: صيانة اكسيل مانيوال 1500 cc
اقتباس:
اعتقد السربنتينه مكانه فى نص الحوض فى الاخر الريداتير عليه المروحتين ووراهم المكنه والفتيس ؟ ووراهم الموبينه والسربنتيه ؟ اعتقد عندى كده ؟ وربنا يكرمك يا بشمهندس سمير شكرا جزيلا |
رد: صيانة اكسيل مانيوال 1500 cc
السلام عليكم
انا عرضت العربيه ع الكهربائي النهارده وقالى العيب عندك فى الهوايات عاوز يتكشف عليها لانها مش بتقلب هواء جامد داخل السياره عشان المفروض لما تشغل ا لمروحه من غير زرار الكمبروسر الهوايات تقلب هوا داخل السياره من الهواءا لخارجى ثم يتم تشغيل الكمبروسر بيقوم بالتثليج والتبريد وقالى كمان محتاج تزويد فريون ( طيب هل كده فى تسريب ويتم تتبعه ولا ده امر طبيعي ان الفريون ينقص ) وياريت التكلفه للهوايات والفريون لو سمحتم وهل يوجد طريقة ما لاختبار السربنتينه والكمبروسر وانابين الفريون وما بقي من مكونات التكييف ؟ وقالى على غياب الدوارة بعد فصلها وهى سخنه عيب ظبطة مكنه مش مارش ولا موبينه ؟ وكل عام وانتم بخير |
رد: صيانة اكسيل مانيوال 1500 cc
السلام عليكم
روحت للميكانيكي عشان غياب دوارة العربيه بعد فصلها وهى سخنه قعد ينضف الكربراتير و يظبط الاسبراتير وبرده مظبطتش معاه وكان رايه ان المكنه بيدخلها هوا لما بتفصل عشان كده بتشرق قالى عاوز اظبط تاكيهات (( لان البيه المحترم مكنش ظبط تاكيهات بعد العمره )) وقالى فى الصيف وقالى هنحل الكربراتير ونعمله جوانات ؟ وكان بيشك فى المارش والكهربائي اكدلى ان المارش سليم نيجي للدينامو عندى كتاوته خارجيه ولما فصلها نور الطابلوه ثبت وزاد والرعشه راحت وطبعا مينفعش امشي من غير كتاوت للدينامو عشان البطارية متبوظش وقالى ان الكتاوت ملهاش علاقه بخفتان النور او ضعفه وممكن يكون النور العالى والواطى عندك مش مظبوط مستواهم ع الارض فانت حاسس انهم ضعاف خصوصا ان عندك كتاوت للفوانيس ومغيرين لمبات 260 فولت تعالالى بالليل اظبطلك مستوى النور الواطى والعالى ونقرر هل الفوانيس عاوزه تتغسل مثلا او فى شئ اخر ؟ بالنسبه للتكييف قالى المشكله عندك مش تثليج انما مشكله ان الهوا اصلا بيدخل ضعيف من الهوايات بيقولى المفروض قبل مات تشغل الكمبروسر ومشغل المراوح يخش هوا جامد والهو اللى داخل ضعيف؟ ونزود فريون ؟ اسف للاطاله ولكم جزيل الشكر والامتنان |
رد: صيانة اكسيل مانيوال 1500 cc
متابع باهتمام
وشكرا جزيلاً |
رد: صيانة اكسيل مانيوال 1500 cc
مشكلة النور اللى بيرعش ع السلانسية دى مشكلة كتاوت 99 % باذن الله ..
وانا متاكد كده لان نفس المشكلة بالظبط كانت عندى من حوالى سنتين كده .. بس كانت الكتاوت داخلى ... وخلى بالك حاول تعملها بسرعة علشان متحرقش المكونات الكهربائية الصغيره اللى فى العربية (الفيوزات - اللمبات الصغيره بتاعت زراير التابلوه والكاسيت وكده) ... موضوع التكيف انت بتروح لكهربائى او متخصص تكييف وتقيس الفريون (بمقياس ضغط زى بتاع الكاوتش كده) .. لو الفريون ناقص زوده .. ده طبعا بعد ما تتاكد ان السلبنتيره بتاعة التكييف سليمة والكمبريسور تمام .. وجرب .. لو مش تمام شوف موضوع الهوايات ده (اللى انا حاسس ان العيب مش منه) .. |
| الساعة الآن 08:55 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017