رد: رابطة مالكي الكيا سيفيا فيد واستفد ( صداقة - نقل خبرات )
 

لو سمحتم يا سيفياوية كنت عاوز اعرف سعر الاكصدام الامامى و الشنب و الايريال الكهرباء بتوع السيفيا ,,, طبعا" كله استيراد ؟؟؟؟؟ حتى لو اسعار تقريبية

رد: رابطة مالكي الكيا سيفيا فيد واستفد ( صداقة - نقل خبرات )
 

السلام عليكم يا سيفاويه عندى مشكله محيرانى فى الكيا سيفيا أرجو أن حد يقدر يفدنى فيها وهى
1- لمبة الأوفر دريف بتاعة الفتيس أو بتاعة السرعه العاليا فى الفتيس من وقت مغسلت العربيه من 3 أسابيع وهيا منوره معايا وحاسس ان العربيه مش مظبوطه.
2- فيه فيوز فى علبة فيوزات أللى فى الموتور 3 مرات يقطع معايا وهوه فيوز مربع لونه أزرق مكتوب عليه IGN-1 مش عارف ده بتاع أيه بس لما بيقطع معايا العربيه بتفصل كهربة الكونتاكت ومش بدور بس المرش بيبقى شغال.
أرجو أن حد يفدنى.
<!-- / message -->

رد: رابطة مالكي الكيا سيفيا فيد واستفد ( صداقة - نقل خبرات )
 

السلام عليكم ورحمة اللة وبركاتة
دى اول مشاركة ليا فى هذة الرابطة العظيمة وهى رابطة السيفياوية
عايز اخد رايكو فى حاجة كدا
اولا انا نفسى اشترى عربية جديدة بدلا من 128 اللى قرفتنى اوى دى
ثانيا انا معايا فلوس اجيب فيرنا او دايو بس المشكلة بقيت تكسة و مبهوءة اوى
ثالثا انا جتلى فرصة جامدة اوى قولت اعرضها على اهل الخبرة وهى
عربية جارتى وهى كيا سيفيا موديل 2002 وانا عارف استخدمها بسيييط جدا
و حالت العربية كويسة جدا والعربية عاملة 58 الف كيلو فقط ثم عرضتها للبيع
وقالت لى عايزة 45000 جنية اية رايكو ولا اجيب زيرو لانوس او فيرنا
لية الاحسن افيدينى ارجوكو
ارجو سرعة الرد
وشكرا:090104~384:

رد: رابطة مالكي الكيا سيفيا فيد واستفد ( صداقة - نقل خبرات )
 

السلام عليكم ورحمة الله وبركاته
انا عضو جديد وارجو ان اكون خفيف الظل فى هذا الجروب الجميل
عموما انا اشتريت كيا سيفيا موديل 2002 كاملة مانوال
الحمد لله العربية جميلة وناعمة وجديدة بس عندى مشكلة مش عارف اشرحها ازاى
لما اجى اقرص على العربية شوية هى بتجرى جامد بس باحس انه فى حاجة بتخنق السرعه شوية الميكانيكى قاللى نشوف الكوبلن الداخلى ممكن يكون فيه ( ريجه ) انا طبعا مش فاهم هل ممكن هو ده اللى يخنق العربية كده ولا الموضوع ايه بالظبط
وعموما انا سعيد بالجروب اللى اكتر من رائع ده وشكرا ؛؛؛؛؛؛؛

رد: رابطة مالكي الكيا سيفيا فيد واستفد ( صداقة - نقل خبرات )
 

صديقى العزيز ... انا شايف ان السعر مناسب جدا" خاصة ان العربية تعتبر لسه بحالتها(زيرو) و لو انت متأكد ان دواخلها سليمة 100% ... توكل على الله
و انتظر برده رأى خبراء المنتدى

رد: رابطة مالكي الكيا سيفيا فيد واستفد ( صداقة - نقل خبرات )
 

الف شكر يا باشا ربنا يكرمك
وان مستنى باقى رد السفياوية اهل الخبرة
ارجوكم ارجوكم سرعة الرد حتى لا تفوتنى هذة الفرصة اذا كانت فعلا فرصة
حلوة كما يقال لى
ارجوكم مرة اخرى لانها عرضة العربية للبيع ممكن اى حد يشتريها قبل ما تضيع
عليا يا جماعة
مرة اخرى الزيرو سواء فيرنا او دايو ولا السيفيا اللى مع جارتى دة
وشكرا واسف على الايطالة:fun_36_6_2[1]:

رد: رابطة مالكي الكيا سيفيا فيد واستفد ( صداقة - نقل خبرات )
 

العربيه ممتازة واروع من الفيرنا واللانوس واسعار قطع غيار معقوله واعطالها قليله جدا بس السعر عالى شويه يعنى ممكن 43 الف تبقى فى الجون
وبالتوفيق