رد: كم أكثر سرعة مشيت عليها؟؟؟
 

جبت 185 كنت العربية كنت محملة 4 افراد كامل الحمولة يعنى بكورولا 1300 موديل 2006 الثبات زى الزفت و معروف دة فى الكرولا كانك راكب طيارة بعد ال 120 130 كيلو الناس بتقول كويسة لا مش صح معروف عيب الكرولا الثبات على السرعات لان العربية عالية كتير عن مستورى الارض
عملت كدة عشان كدة عشان برضى غرورى فى السرعة و بحب انجز و اوصل بسرعة و الرب واحد و العمر واحد بسيبها على الله مش بحسبها بس عاقل يعنى مش باخد غرس على السرعة دية و لو لقيت مقطورة ولا عربية هادية بهدى و الردادر انا بزبط لما بروح ادفع مخالفات ليا ناس جوا غير انى حافظ اماكن خمس رادارت بعدى عليهم كتير فبيخدمونى شوية
و مش بحس بحاجة بعدها لاكن بفرح انى وصلت بسرعة و حمدالله على السلامة االكلام دة بعملة على طريق السفر الدائرى مش بكتر فية عن 130 كيلو يعنى

رد: كم أكثر سرعة مشيت عليها؟؟؟
 

180 السيارة نيو اكسنت 2009
والثبات ما شاء الله تمام
وكان على طريق اسكندرية الصحراوي
بالليل الساعة 2.30

رد: كم أكثر سرعة مشيت عليها؟؟؟
 

انا اعلي سرعه مشيت عليها 120ptmnlo123per1127 و مش عاوز اكتر من كدا :THUMBS~220:

رد: كم أكثر سرعة مشيت عليها؟؟؟
 

GIFT4U موضوع هايلGIFT4U
لا بجد تخيلوا إني قريت ال (29) صفحة كلهم مرة واحدة ومتصلين مافوتش ولا مشاركة.
بجد أحييك ياباشا على الموضوع الجميل علشان إنتا جامد وبتعرف تفكر قومت زغزغت الشيطان الي موجود جوا كل واحد فينا وهوا السرعة قولت تلعب بشايطين الناس.
بالنسبالي أنا :
أعلى سرعة : 170 كم/س وكان نفسي تديني أكتر من كدة بس الطريق ماسمحش والعربية أوتوماتك ماتساعدش و كانت لسة زيرو قلبي وجعني ياعني وكنت خايف على الجماعة.
المكان : طريق مصر إسكندرية الصحراوي
السيارة والموديل : نيسان صني 2010 أوتوماتيك
الثبات : رائع (أنا كنت باخد غرزي براحتي لغاية ال 160) وبعد كدة ماعملتش حاجة غلط ولا بتاع أنا بس الي قلقت علشان كان معايا العيلة كاملة فا خوفت عليهم بس مش أكتر.
السبب : واحد بتاع كامري الله يسامحه بقى فضل معايا من ساعة ماخرجنا من إسكندرية لحد ما إستسلمتله قبل بوابة القاهرة بشوية كدة. ماحدش يفهمني غلط بس لقيت نفسي بظلم عربيتي قوي قوي معاه آه أنا قعدت أعافر معاه معظم الطريق بس إيه الفايدة بقى رحم الله إمرئ عرف قر نفسه.
الإحساس بعد إنتهاء التجربه : مش عايز اكون غتيت بس فعلا ماحستش بأي حاجة لأني سرعتي كانت ثابتة تقريبا معظم الطريق. مافيش بس غير شوية أدرينالين من غرزة غبية كدة وياريتها غرزة واحدة دول كانوا تلات حارات لليمين وفجأة وفي الرابعة لقيت نص نقل وماشية براحة قوي فاعلاطول فرامل خفيفة في تأمين شمالي فبنزين وشمال تاني الأربع حارات واحدة ورا التانية جيت قدام الكامري وقومت موسعلهة وهوا معدي قومت راعشله وقولت لنفسي أنا عندي عيلة عايزهم.

المرة التانية في الإمارات بقى

أعلى سرعة : 220 كم/س
المكان : كنت بردو على طريق سفر بس من الشارقة لأبو ظبي
السيارة والموديل : هوندا أكورد موديل 2002
السبب : الزهق فقط ليس إلا.
الإحساس بعد الإنتهاء من التجربة : أبدا كنت قلقان بس علشان العربية مش بتاعتي.444546
الثبات : أكثر من رائع ولا كإنك ماشي أصلا.

رد: كم أكثر سرعة مشيت عليها؟؟؟
 

ربنا يخليك يا باشا و ينصرنا جميعا على شياطينا

و انا هبقى اقطع لك أى كامرى و انا ماشى عشان خاطرك يا باشا ... ولا يهمك

و نورت الموضوع يا جميييييييل :)

رد: كم أكثر سرعة مشيت عليها؟؟؟
 

150
عربيه فيرنا

رد: كم أكثر سرعة مشيت عليها؟؟؟
 

والله فكرتونى بموضوع الشياطين ده
والحكاية انى فاهم ان فى ناس مخها ضيق يعنى لما بيشوفك بتجرى يقوم يجرى وراك ولو لقى نفسه مش جايبك تكبر فى دماغه (هو ده الشيطان ) انه يطاردك
ولما فهمت كده احيانا كنت بزغزغ هذا الشيطان داخل البنى آدمين لمجرد التسلية وقتل وقت السفر الطويل لانى مبريحش غالبا فى الطريق
وطبعا لان من طبيعتى الجرى بسرعات عالية فبلاقى زباين بسرعة
والاقى واحد لزقى لى وآخرهم كان واحد معاه كورولا جديدة وفرحان بيها وعيب انى اعدى من جنبه بسرعة بالنيسان المشوهة بتاعتى ولكن موتور النيسان 118 حصان والكورولا لايزيد عن 112 او 113حصان والفرق ده طبعا بيبان فى السرعة
ووصلت 150 وهو ورايا وزودت لحد 170 ووصلت 180 واصبح بعيد عنى جدا لكن شايفه فى المراية الداخلية هيموت ويلحقنى ونزلت سرعتى علشان يلحقنى (بعيد عنكم الشيطان بقى )
وفعلا لحقنى
وجرى منى ومدينى انوار وكلاكسات وهيصة
سبته يعدى وجريت وراه لحقته وانا جنبه ببص عليه حسيت انه هيفترس الشارع والطريق علشان م الحقوش وراكب فوق الدركسيون واعصابه مشدودة ومتحفز
وبصراحة خفت عليه احسن يعمل مصيبة
فقررت انزل السرعة لانى مش فى سباق وانما بتسلى
وفى اللحظة دى كان فى 3 عربيات نيسان صنى (قرايبى / هههههههه) ماشيين قافلين الشارع
طبعا فى حتة صغيرة ممكن تعدينى او تعديه بس لدواعى الامان فى السرعات العالية مينفعش تعدى منها
طيب هو متحفز ومش هيسيبهالى وممكن نعمل مصيبة نزلت السرعة وسبته يعدى وفعلا دخل بينهم بطريقة لولبية (غرزة سيئة)كان هيودى نفسه ف داهية هو وهما وكان هيدمر نفسه مع ال3 عربيات
وسبته يجرى لان الشيطان كده مسيطر عليه تماااااااما
بعد شوية دخلت الحمام بتاع واحة عمر على الصحراوى بتاع اسكندرية ( لان حمامها نضيف ومحترم ) لقيتها مركونة وانا ماشى شافنى وشاف العربية (شاب صغير لايزيد عن 25 او 30 سنة)وكأنه قرصته عقربة وجرى على عربيته وانطلق بسرعة لكن انا ضحكت وسبته يمشى خوفا عليه ولانه ناوى ينتحر وانا مش ناوى هههههههههههه