مصر موتورز مجتمع السيارات - مشاكل اﻹسبيرانزا من وجهة نظرى

اقتباس:

المشاركة الأصلية كتبت بواسطة mahmooud135 (المشاركة 332891)

بسم الله الرحمن الرحيم

والله انا ملاحظ حاجة غريبة اوى في المنتدى انا بدخل معظم المنتديات الخاصة بالعربيات زى هيوانداى ولوجان ولانوس ومعظم المشاكل اللى بتكلم عليها فى منتدى الاسبرانزا اية السر

حضرتك هنا بتوضح انك بتسأل على عرض كل واحد لمشكلته أم مشكلة حضرتك

اقتباس:

المشاركة الأصلية كتبت بواسطة mahmooud135 (المشاركة 332891)

شوية اللقى مشكلة وحلها التخلص من دخول هواء سخن , مشكلة فى المساعدين , مشكلة فى سحب الماتور , مشكلة فى المسوجر , مشكلة فى جهاز الانذار , الكشافات الامامية لا تتحرك , مشكلة فى سير الكاتينة , سربتية التكييف , مشكلة فى الدينمو , صوت فى الازاز , مشكلة فى نقرة الدريكسيون , تكتكة فى الدبرياج , حل مشكلة تزيق العفشة ,

اظن مش معقول ان كل العيوب ده موجوده عند حضرتك في العربية ولو ظهرت في خلال فترة الضمان بتتعمل طالما عيب تصنيع وعندك جهاز حماية المستهلك لو حضرتك عاوز تقاضي التوكيل لو معملكش الحجاة دي

اقتباس:

المشاركة الأصلية كتبت بواسطة mahmooud135 (المشاركة 332891)

والله انا حاسس ان فى يوم يقولة حل كيفية التخلص من العربية..... طبعا بهزر

يا سيدي ربنا يرزقك ويرزنقا ونجيب جاجوار او فيراري

اقتباس:

المشاركة الأصلية كتبت بواسطة mahmooud135 (المشاركة 332891)

ممكن السادة الاعضاء تقولى السر فى كمية المشاكل دى اية ومحدش يقولي توكيل سيئ لان بسم الله ما شاء الله معظم التوكيلات اللى فى مصر سيئ

السر ان كل واحد بيدخل يقول مشكله حصلت عنده وعاوز حلها او حصلت مشكله عنده وحلها ازاي وبينقل خبرته في اللي حصل او بيطلب مشورة علشان لو فيه حد عارف الحل ايه يقدر يقوله واظن استاذ خالد خليفة من يومين كان واحد بيتكلم عن زرار ريموت الصني واستاذ خالد رد عليه ووضحله الفكرة ( ده مثال حاضر في ذهني بس مش اكتر لكن الامثله كثير لو عاوز نقعد نقلب في المنتدي براحتنا )
وطبعا لان الموقع مجاني والناس اللي شغاله في شغاله بمدهود ذاتي وبإرادة الاعضاء ومجهودهم والتوفيق فيها من عند الله وحده فكل واحد بيدخل يقول مشكلته ويحلها ازاي او حصلتلي مشكله ولقيت حلها بالاضافه طبعا للموضوعات الاجتماعية والترفيهية والاخبارية

اما عن سوء التوكيلات المصرية او المشاكل اللي كل الناس بتقابلها في التوكيلات فهو عيوب التصنيع او المواصفات المطلوب الاستيراد بها ولا يخفي عليك ان اغلب المستوردين بتروح الصين تختار الحاجة اللي تحقق لها اعلي مكسب طيب ازاي هحقق اعلى مكسب بمواصفات عاليه لازم السعر هيعلي طيب والحل علشان لاسعر ينزل اني اطلب مواصفات اقل يعني مثلا التابلوه بدل ما يتكسي جلد طبيعي حاجة نضيفه لاء هنعمله جلد طبيعي لكن درجة ادني زي الحزام الجلد اللي تروح تشتريه ب 500 جنية وحزام برض يبان لك انه جد تشتريه ب 50 جنية
والكلام ينطبق على جميع السلع المستوردة وليس السيارات فقط ويكفي اني اقولك في مرة اني اكتشفت ان الهاردات بتاعت الكمبيوتر الماليزي والتايلاندي الي بتدخلنا درجة الفرز من 3 إلى 7 على حسب المستورد وده مش عيب المصنع لا عيب المستورد اللي راح يجيب الحاجة دي علشان ييدها للمستهلك المصري

اقتباس:

المشاركة الأصلية كتبت بواسطة mahmooud135 (المشاركة 332891)

واما نقول العربية فيها مشاكل يقولك لاء العربية تحفة دى احسن من الالنترا او احسن من الدايو والفيرنا مع ان العربيات

اللي بيقول العربية احسن بيقارن بين متطلباته وبين مواصفات العربية في نفس الفئة السعرية والمقارانات كل واحد من وجهة نظره فيه واحد عاوز يجمع سرعة في عربيته بعد 10 ثواني بيكون عاوز ماتور قوي زي فرنا
فيه واحد عاوز اعتمادية في البيع وثبات بيقرر يجيب لانوس
فيه واحد عاوز حمار شغل بيقرر يجيب لادا
فيه واحد معاه يزود شوية ويجيب حاجةاعلي ربنا يرزقه ويرزقنا جميعا
لكل واحد وجهة نظرة زي ما قلت لحضرتك
وفيه مثال قريب اخونا الاستاذ علي منير دوخ المنتدي كله وراه علشان يقرر يختار اي عربية وفي النهاية ربنا اكرمه واختار العربية اللي يرتاح معاها

اقتباس:

المشاركة الأصلية كتبت بواسطة mahmooud135 (المشاركة 332891)

ولو ظهر مشكلة بتبقة حالة فردية والتوكيل بيحل غير مشاكل الاسبرانزا كتير جدا GIFT4U

الكلام ده هو الرد على اول نقطة خالص وحضرتك تبنيته للعربيات التانية او التوكيلات التانية ليه مش تبنيته لاسبرانزا وبعدن هل حصلت مشكلة وروحت بيها لاسبرانزا والتوكيل محلهاش لو هيا في الضمان وهيا عيب تصنيع
لو حصل يا ريت حضرتك تفيدنا وتعمل تقرير عن اللي حصل معاك وتدينا خلفيه لشان لو حد خايف من العربية يعمل حسابه ولو حد يقدر يساعدك في حل المشكلة يقدر يوجهك للحل السليم فين

اقتباس:

المشاركة الأصلية كتبت بواسطة mahmooud135 (المشاركة 332891)

ملاحظة : انا ان شاء الله هعمل موضوع اسمة كيفية التخلص من السيارة وهو انى انا ناوى ابيع العربية علشان خلاص الواحد على اخره 444546

والله ان جيت للحق اللي قاعد في القاهرة والمدن الكبيرة ملوش حق النهاردة يجيب عربية ولو جاب يجيبها علشان هو محتاجها فعلا يعني مينزلش مشوار بالعربية الا لو محاجها مش رايح مشوار بعد شارعين تلاته يجري على العربية وسخن ودور وامشي