مصر موتورز مجتمع السيارات - رابطة ملاك ومحبى السفينه فيات 132

مصر موتورز مجتمع السيارات (https://www.masrmotors.com/vb/index.php)

- 124 و 125 و 131 و 132 (https://www.masrmotors.com/vb/forumdisplay.php?f=218)

- - رابطة ملاك ومحبى السفينه فيات 132 (https://www.masrmotors.com/vb/showthread.php?t=80993)

رد: رابطة ملاك ومحبى السفينه فيات 132

حاجات ال فيات القديم خلاص شطبت عندي في الشرقية بعد ما كان هناك اكتر من محل او تاجر بقوا دلوقت اتنين بالعدد واحد شاكك انه شغال في تقطيع من عربيات الاحلال
و واحد تاني عنده بلاستيكات وفيبر وفوانيس وشبك و حاجات نوادر و بيبيع باسعار فلكية
كمثال فوانيس ال 131 الامامية المربعه الواحد ب 500 جنيه و الشاسية ب 130 جنيه ( جديد بالكرتونه )
فوانيس ال 131 الخلفية المربعه الواحد ب 400 جنيه ( جديد بالكرتونه )

العدادات مش بتطلع الا بالتابلوة لاي عربيه
الراجل ده عقدني

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة محمدصلاح القاضى (المشاركة 787750)

انا بقى النهارده
كنت هتجنن
العربيه اكلت منى صفيحه بنزين فى مشوار 10 كيلو بمعدل 2 لتر للكيلو
والشكمان كان زى الفل طبعا مهبب بس ايه ؟؟! طبقات
روحت لبتاع الكربراتيرات قولته الشغل دا مينفعش العربيه تبقى متفوله امبارح مسافه ما امشى 10 كيلو امون صفيحه المهم انا شديت شويه عليه وفك الكربراتير وبعد فحص وتمحيص وتدوير اكتشف ان ابرة البنزين معلقه يعنى العربيه بتغرف بنزين بالعبيييييييييط طول ما هى دايره المهم فكها لقينا الابره حواليها وساخه التنك الصدا والرمل الناعم دا
قالى انت تفك الخراطيم عند واحد بتاع كاوتش من عند الرداخ والتانك وتديهم نفخه تمام وتغير الفلتر اللى راكب يوم الاحد اللى فات وتركب كمان فلتر بعد الرداخ طبعا تركيب فلتر للرداخ دا لو مجبتش فلتر حديد زى دا http://a7lashare.com/viewimages/94fe26a10a.jpg
مش هركب البلاسيتك دا http://a7lashare.com/viewimages/8b14cb3b22.jpgعشان الحراره وممكن ما يسعفش الكربراتير ويخنق العربيه
ومن ناحيه المساحات
كنت النهارده فى قلب الوكاله عندنا فى طنطا
ولقيت يا معلم حاجات تحفه بامانه ربنا احتمال اعملها
فرش ابواب2000 فبريقه 600 جنيه بدون المقابض هركبه بأذن الله
تابلوه 132 2000 فبريقه بالعدادات نسيت اسأل على تمنه لكن هركبه برضه بس هديله اللى عندى وادفع فرق 100 او 150 جنيه لو اكتر مش هغير
فبر الدركسيون لاى عربيه موجود وخصوصا الفيات
طارات الدركسيون زيرو برضه موجوده
شبكه 132 النيكل بالاربع فوانيس زيرو بتوع الفبريقه 600 جنيه
انا بأذن الله هاخد واحد حبيبى وانزل اعمل مقايسه يوم الجمعه ان شاء الله
واللى عاوز حاجه معينه يكلمنى وانا هظبط واشوف

طيب ابقى قولنا ايه الاخبار
ومتنساش تسأل على حاجه ال 2000 كلها
طارة الدركسيون
و مش عايزك تسيب حاجة غير لما تسأل عليها هاتلينا ال قائمة اسعار لو تعرف او اخطفه شخصيا ده لو على كلامك يبقى فى الجون

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة michohat (المشاركة 787829)

اسعار غريبة فعلا ربنا يعينك

رد: رابطة ملاك ومحبى السفينه فيات 132

نفسى ربنا يكرمنى ب 132 2000 بحاله الفابريكه عشان بعشقها ولى معاها ذكريات جميله اوووووووووووى
بس كنت عاوز اعرف فى 32 موديل التمنينات؟

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة ابو الفضل (المشاركة 787846)

ان شاء الله تلائى العربية اللى نفسك فيها
واخر موديل ليها على ما اعتقد 1981 بس موديل 81 ده سيات مش فيات