مصر موتورز مجتمع السيارات - رابطة ملاك ومحبى السفينه فيات 132

مصر موتورز مجتمع السيارات (https://www.masrmotors.com/vb/index.php)

- 124 و 125 و 131 و 132 (https://www.masrmotors.com/vb/forumdisplay.php?f=218)

- - رابطة ملاك ومحبى السفينه فيات 132 (https://www.masrmotors.com/vb/showthread.php?t=80993)

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة mostafa3tef (المشاركة 784113)

يا رجال ...
معايا فردة بيريللى
185/65/14
لو حد عايزها يقولى عشان زيادة عندى
بس مش هتشتغل تيوبلس للاسف لازم شنبر
لو حد محتاجها او يعرف حد محتاجها ياريت يقولى وانا اديهاله واكسب فيه ثواب
الفردة من غير فلوس خالص :12A96E~160: وانا اقترح كل اللى عندوا حاجة مش محتاجها يقول ونعرضها هنا سواء مجانا او بفلوس عشان الكل يستفيد
واحنا اولى من الغريب

تحياتى

والله يا أخ مصطفي كنت محتاج فردة الكاوتش لأخويا معاه بيجو وفردها بايظه ياريت لو لسه مدتهاش لحد
علشان اخدك معايا السعوديه

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة أيمن الروبي (المشاركة 784223)

اعضاء الرابطه الكرام كل سنه وانتم طيبين وان شاء الله نكون كلنا علي عرفات السنه اللي جايه
وياريت ينهو الجسر اللي بين مصر والسعوديه ساعتها ندر عليا اروح احج بعربيتي FIAT 132 اروح بيها السعوديه واخودكوا معايا اشمعنا السعوديين بيجولنا بالهمر احنا نروحلهم بالسفينه

كل عام وانت بخير

إزيك يا أيمن كل سنة ونتا طيب يارب تكون بخير
هو الكوبرى بتاع السعودية مش بيقولوا انهم فتحوه ؟
عموما انت ندرت ندر ولازم توفيه لكن الحج أظن ان تكاليفه عاليه
عموما لو نويت تعملها انا معاك هطلع بعربيتى

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة أيمن الروبي (المشاركة 784223)

كل عام وانت بخير

اقتباس:

المشاركة الأصلية كتبت بواسطة Hisham.Elgazzar (المشاركة 784238)

من زمان وانا في دماغي الموضوع ده وفتحنا بيه هنا على المنتدى موضوع وقتلناه بحث ولازم شوية اجراءات منها اننا نطلع دفتر تربتك للعربية ونكون اعضاء في نادي السيارات المصري و وقت ما عاوزين نطلع نشوف شركه سياحه تطلع لينا تأشيرة ( احنا كنا بنقول نطلع عمره )
سبب ان الموضوع كبر في دماغي
اني لما كنت بعمل عمره شفت عربيات بيجو 504 7 راكب ف مكه و العربية ماشية عادي ومفيش مشاكل معاها ( كنت فاكر لازم التكييف )
فعلشان كده نويت واعلنت النيه لاسرتي برغبتي ف اني اطلع حج بالعربية
وعلشان كده تلاقوني مركز زياده شوية في موضوع اني اجهز العربية واني عاوز اشدها شده كويسة واهتم بموضوع عزل الحرارة للصالون ده لان موضوع السفر بيراودني و كمان مصمم ان ان شاء الله ال 131 هتمشي على ارض السعودية

رد: رابطة ملاك ومحبى السفينه فيات 132

كوبري السعوديه لسه هيتعمل والله اعلم هيتم تنفيذه فعلا ولا لأ لان كل ده كلام لحد دلوقت
الرئيس السابق كان واقف في الموضوع لان الكوبري بيعدي من جنب شرم الشيخ ودي المكان اللي كان بيحب يروحه ويقعد فيه ولاحتياطات امنه وقف في وش الكوبري اللي هيسهل على عبيد الله المشوار وممكن يخليه بدل مشوار خروجه اخر الاسبوع الاسرة تلم بعضها وتطلع يوم الخميس تعمل العمرة وترجع يوم السبت الفجر مثلا

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة أيمن الروبي (المشاركة 784224)

الفردة لسه موجودة لو عايزها
انا اصلا مش برمى حاجة

وقريبا نطلع طلعه على السعودية