|
|
رد: عيوب و مميزات الفيرنا ال 1600cc
اقتباس:
الكلام ده كتير قوى عليا ياباشا و الله ان شاء الله مع الخبره و الممارسه فى مجال السيارات هاتكون احسن منى بكتير ان شاء الله و بخصوص غبور يسمع من بوقك ربنا ههههههههه عندكش واسطه :HAPPY_~211: |
رد: عيوب و مميزات الفيرنا ال 1600cc
وهي ديه محتجة واسطة ده يبقى مغفل لوممسكش فيك وعينك على طول
على فكرة انا ما بعرفش اجامل حد ولو كنت بعرف اجامل كنت كتبت فيك شعر لانى بجد انا تستاهل كل كلمة قولتها عليك واكتر الكبير كبيروده واضح للكل من غير مجاملة انا بس بدعى ربنا يديك طولة البال ويجازيك خير عنا وعن اسئلتنا المملة ولك منى وافر الشكر والتقدير يا امبراطور الفيرنا |
رد: عيوب و مميزات الفيرنا ال 1600cc
تعرف مره واحد بيكلمنى من المنتدى و قالى انت بتشتغل ايه قولتله محامى
قام قايلى اقفل انت بتضحك عليا يعم انت خلانى هاموت من الضحك |
رد: عيوب و مميزات الفيرنا ال 1600cc
شكرا يا احمد باشا على اهتمامك بجد بجد من زمان كنت بادور على منتدى جامد جامد للسيارات زى ده واعضاء جامدين زى كده ومشرفين ما لهومش حل زى كده والله انت افدتنى جدا جدا --ومعلش اتقل عليك كنت كمان اعرف عن ثبات النيو اكسنت والطنابير اخبارها ايه هل فيها مشكله ولا لأ والعفشه الرياضيه اللى قال لى عليها بتاع التوكيل
|
رد: عيوب و مميزات الفيرنا ال 1600cc
النيو اكسنت ممتازه
و فعلا بتحقق معادله القيمه مقابل السعر بالنسبه للثبات اقدر اقولك انها كويسه لحد 150 بعد كده كويسه برضو بس مش هاتديك الامان اللى انت عاوزه و العفشه بتعتها ناشفه شويه علشان الثبات يكون افضل بالنسبه للطنابير مافيش حد اشتكى منها حتى الان على حد علمى و الحمد لله بتاع التوكيل سمع كلمه و بيرددها و خلاص هيه عفشتها ناشفه يبقى عافشه رياضيه و خلاص ههههههههه عموما عفشتها كويسه ياباشا |
رد: خبر وتصحيح - بخصوص عيب خطير فى الفيرنا
ربنا يرحمهم ويغفرلهم
انا ان شاء الله خلال 10 ايام هستلم نيو اكسنت 2010 وربنا يسترها بس الحمدلله انا من النوع مش عاشق للسرعات بس ساعة القدر بقى دى مفيهاش وربنا يسترها علينا جميعا |
رد: عيوب و مميزات الفيرنا ال 1600cc
ألف ألف شكر ياباشا والله انت راجل خبره وبتفيد ناس كتير بدل ما تجيب عربيه وتتطلع مش كويس وانا من هنا اتشرف واشكر حضرتك واشكر المنتدى ده اللى انت مكسب كبير ليه ولينا ----ومعلش محتاج اعرف اسعار قطع غيارها كام لانى ناوى احجزها ان شاء الله من توكيل هونداى سوهاج -- وعايز اعرف بعض المعلومات عن الهيونداى الانترا وايه الفرق بينها وبين النيو اكسنت لأن هى كمان عاجبانى بس محتار بين الاتنين يارب يكرمك وتتعب معايا لانه موضوع مصير ى والواحد مش كل يوم حيشترى عربيه وبعد ما ربنا يوفقنى فى شراها حاسقيك حاجه ساقعه بمناسبة العربيه وابعت لحضرتك هديه كمان---اخوك دكتور هشام من محافظة سوهاج
|
| الساعة الآن 08:55 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017