رد: شرح جميع استفسارات تقسيط السيارت الجديده
 

اظن كردى اجركول بيدى فائدة ودايع اكبر
للاستفسار السريع
0125485222

رد: شرح جميع استفسارات تقسيط السيارت الجديده
 

السلام عليكم .
على فكرة اخ سيف انا كتبت كتير ليك وانتا مش رديت ورديت عليك لما سألتنى انتا منين قولتلك مش من القاهرة انا من ميت غمر -المنصورة - دقهليه. وقولتلك مش عندى ضمانات , انا بشتغل مهندس اتصالات بالسعوديه , وممكن ازود المقدم يبقى 30000 الف جنيه وقسط شهرى 3000 جنيه . دا باختصار اللى اقدر اقدمه . وزى مقولتلك انا بدور على ميكروباص تويوتا هاى ايس الكبير علشان اشغله اجرة او سياحه او تاجير لشركه محترمه. اما وسيله الاتصال بيا فكتبتلك الميل بتاعى fares_ez@yahoo.com ولو حابب تليفون اتفضل

00966594284251

ملحوظه مهمه جدا :انا القسط اللى بدور عليه لازم يكون تقسيط اسلامى ومعترف بيه , يعنى الحاجة تكون موجوده عند المكان اللى هشترى منو ويقسطهالى باضافه سعر المكسب بتاعه , باختصار يكون اسلامى بجد .
مرة تانيه جزاك الله خيرا على الرد.

رد: شرح جميع استفسارات تقسيط السيارت الجديده
 

مقدم حضراك قليل كمان مفيش ضامن لحضرتك فى القاهرة ودة صعب
فى التقسيط المباشر
انت معاك نمر ولا لسة لان لاحظ ان النمر ليها فلوس تانية وارجوا انك تسال المرور بتاعك على النمر
للاستفسار السريع
0125485222

رد: شرح جميع استفسارات تقسيط السيارت الجديده
 

متشكر على ردك , بس تقدر تعرفن ى ايه الضمانات اللى انتا تقصدها؟ وقد ايه المقدم اللى انتا طالبه علشان اعرف ؟
لا مش معايا نمر , ممكن تكتبلى تفاصيل عنها لو سمحت ؟ وهل هتفرق النمر اجرة عن سياحيه ؟ لانى ناوى لما اشتريها ان شاء الله اديها لشركة تاجير محترمه نظير ايجار شهرى .
تحياتى لك .

رد: شرح جميع استفسارات تقسيط السيارت الجديده
 

اولا لازم تكون مقيم فى القاهرة او ليك ضامن مقيم فى القاهرة
ثانيا لازم المقدم يكون مش اقل من 40% ويفضل 50% من ثمن السيارة
ثالثا النمر تفرك كثير ولازم تتاكد ان امامك نمر او ان المرور عندك فية نمر
رابعا النمر ليها سعر حسب انت هتشتريها منين والسياحة ليها نظام تانى خالص غير كل ال احنا بنقولة لان لازم يكون معاك ترخيص شركة سيارة وامور كثيرة
ارجوك ادرس مشروعك كويس وحدد انت عايز اية جيدا
للاستفسار السريع
0125485222

رد: شرح جميع استفسارات تقسيط السيارت الجديده
 

السلام عليكم.
شكرا ليك على ردك , لكن ازاى لازم خمسين بالميه من ثمن السيارة وانا بسمع انو فيه بنوك , تقسيط اسلامى , ممكن باقل من كدا خالص ادفع مقدم , وكمان قسط اقل من 3000 اللى انا بحكى عنها ؟!
ثمن النمر تقريبا كام ؟
انا فعلا ناوى اعمل المشروع دا لما انزل مصر قريب ان شاء الله , حتى وان اضطريت انى اشترى ميكروباص تويتا اقدم من كدا مستعمل يعنى او كسر زيرو .
حكايه لازم اكون من القاهرة دى انا مش عارف بصراحه ايه المشكله فيها لكن لو لازم اكون من القاهرة علشان التقسيط وكدا ممكن تساعدنى وتدلنى على معارض فى نفس المحافظه بتاعتى؟ الدقهليه ؟
سؤال تانى بعد اذنك ومعليش استحملنى : هل ممكن اشتريها من هنا من السعوديه وابقى انزل بيها؟ ويا ترى ليها جمارك ؟ وقد ايه تقريبا؟
وهل لازم تكون جديده واكون اول مالك ليها؟ لانو لو مش لازم تكون موديل السنه او اكون اول مالك ليها ممكن حتى اشتريها مستعمله وانزل بيها .

مرة تانيه متشكر بجد على تعبك. السلام عليكم .

رد: شرح جميع استفسارات تقسيط السيارت الجديده
 

اولا مفيش بنوك بتقسط مكروباص الان (والكلام غير التنفيز وتاكد من كل ما تسمعة ال يقولك شى قولة بنك اية واتصل بالبنك مباشرتا وقولة عندكم تقسيط ولا لا للمكروباص لاحظ ان الكلام دة الان وممكن بعد كام شهر يصدر انظمة جديدة
ثانيا ضامن من القاهرة علشان دة تقسيط مباشر والتحصيل يكون سهل ودة نظام شركة
ثالثا انا معرفش معارض عندك فى الدقلية لان اى معرض مش هيقسط علشان صعوبة السيولة الان وكان دة بيتم عن طريق البنوك والبنوك الان مفيش (ممكن تخلى حد من اقربائك يسالك على معارف فى الدقهلية وفى تقسيط ولا لا )
ممكن تجيبة من السعودية ويكون جديد وانت المالك الاول لية وتشوف جماركة كام بس هتحسبها هتجدها هى هى نفس السعر فى مصر مش هيزيد عليك غير المجهود
اهم من كل دة النمر ركز على الموضوع دة لاحظ انك هتشغلة فى الايجار وشرط الايجار انة يكون جديد ميكونش قديم يعنى موديل السنة او موديل 2009 ويكون حلتة كوية النمر هى ال مهمة اخر سعر سمعتة فى نمر خط القاهرة اسكندرية كانت فى حدود 40 الف رحلات