رد: رب ضاره نافعه و دروس مستفاده
 

فعلا يا احمد ضبط النفس لازم الواحد يتعلمه و دايما يتحكم في الانفعالات شكرا للنصيحة انا برضه لسه حاصلي موقف و عايز احكيه و اسمع رأي الناس....

بدأت اتحكم شوية في انفعالاتي و اخرها موقف كنت عند واحد بتاع ابواب من يومين بظبط بيركبلي الكاوتشة اللي بيركز عليها الازاز بتاع باب السواق و الراجل قرص علي الازاز شوية فالازاز انفجر انا الطبيعي بتاعي اتعصب عليه و ادخل فيه شمال بالادب برضه بس بعصبية انما لقيت نفسي كاتم غضبي و قولت في دماغي هشيله الازاز بالهداوه و فعلا ده اللي حصل مع سنة نرفزه صغيرة الراجل سلم و قالي يا ريت بس حضرتك تدفع دلوقتي و انا اركبلك الازاز و يوم الخميس اللي هو بكره ده اجيب الفلوس قلتله ماشي جبت الازاز فعلا و خليته يركبه و يوم الخميس بكره هروح اقطمه شوية و برضه عشان يتعلم يحافظ علي حاجة الناس و مش هاخد منه فلوس انا بس قولت اطلع اللي جوايا بطريقة ذكية و في نفس الوقت ميدعيش عليا لانه غلبان و كده كده ال 130 جنيه بتوع الازاز مش هيخلوني اغني واحد في الكون ولا هيفقروني بس هيعجزوا معاه هو ايه رأيكوا يا جماعة انا اتصرفت صح ولا لا؟؟؟

رد: رب ضاره نافعه و دروس مستفاده
 

السلام عليكم ورحمه الله وبركاته يا جماعه ممكن حد يقولى سعر العربيه المازداRX_8 كام فى مصر موديل 2008 لاحسين انا دوخت على انى الاقى سعرها فى اى موقع مصرى مالاقيت وكتر خيركم مع السلام عليكم ptmnlo123per1146
<!-- / message -->

رد: رب ضاره نافعه و دروس مستفاده
 

الاستاذ محمد ابيزا,,,

و نعم التصرف يا باشا,, و ربنا يعوض عليك

رد: رب ضاره نافعه و دروس مستفاده
 

100 100 يا ابيزا ptmnlo123per171

رد: رب ضاره نافعه و دروس مستفاده
 

متشكر جدا جدا يا جماعه لردودكوا و ربنا يوفقنا جميعا لما فيه الخير


بس احب اقولكوا ان اخويا مش دى طبيعته انا اصلا اول ما شوفته نازل من العربيه قولت خلاص الراجل ده امه داعيه عليه بس الحمد لله اخويا كانت

الحاله عنده رايقه على الاخر لكن لو كان فى يوم تانى الله اعلم كان هايحصل ايه

احب اقول حاجه واحده بس انه طول ما الواحد مستريح فى بيته و فى حياته عمره ما هيروح و يتخانق مع الناس حتى لو هما جروه للخناق معاهم و العكس صحيح