رد: مطلوب معرفه نسبه فائده التقسيط
 

عزيزى انت بتسال على جديد ولا مستعمل
الفائدة بتختلف على الجديد عن المستعمل
والفائدة بتاخذ من المبلغ المتبقى مش من مجموع ثمن السيارة
عامة التقسيط سواء من البنك او شركة تمويل فبيكون سعر الفائدة x عدد السنين للتقسيط = مبلغ الفائدة
للاستفسار السريع
0125485222

رد: مطلوب معرفه نسبه فائده التقسيط
 

مشكور يا استاذ علي الرد

ولكن حضرتك ممكن ماتكونش فهمت قصدي

اولا العربيه جديده
ثانيا التقسيط مش من البنك
ده من واحد صاحب معرض
هو هيشتريها كاش ويقسطهالي
واكيد هياخد نسبه اكبر من تقسيط البنك

انا دفعت المقدم
والمتبقي علي السياره 63000

والقسط هيبقي علي سنتين
عايز اعرف المفروض ياخد فائده كام في الميه %

انا سمعت ان مثلا لو هقسط من بنك

تبقي النسبه علي حسب السنين
مثلا لو هقسط علي 3 سنين
بيكون الفائده في السنه الاولي 15%
السنه الثانيه 30% وهكذا

عايز اعرف المفروض هو ياخد فائده كام في السنه الاولي والثانيه
انا هقسطها علي سنتين
هو قالي علي القسط الشهري
وانا حسبتها
لاقيت انه هياخد 18% في السنه الاولي ... و 33% في السنه الثانيه
هل ده كده كتير ؟ ولا ده الطبيعي بالنسبه للتقسيط المباشر ؟؟

رد: مطلوب معرفه نسبه فائده التقسيط
 

كثير ما تقولة بس يمكن انت حسبتها غلط
اكبر نسبة فى الجديد فى مصر تابع لتقسيط المباشر بتكون 12% فى السنة لو عايز ممكن جدا
اما 18% دة كثير
للاستفسار السريع
0125485222

رد: مطلوب معرفه نسبه فائده التقسيط
 

الف شكر يا استاذي

رد: مطلوب معرفه نسبه فائده التقسيط
 

السلام عليكم و رحمة الله و بركاته
لحساب نسبة الفائدة
شوف يا سيدي
تشوف هوه طالب قسط كام في الشهر مثلآ 1000 جنيه
و تضرب قيمة القسط ( 1000 جنيه )في 12 شهر في عدد السنوات و ليكن سنتين مثلآ
هيطلع لك مبلغ 24000 جنيه
ده الميلغ المجمل المطلوب سداده بالتقسيط على مدى سنتين
تطرحه من المبلغ المتبقي من سعر السيارة النقدي بعد سدادك للمقدم
مثلآ لو السيارة سعرها 30000 جنيه نقدآ
و المقدم المطلوب 10000 جنيه
يبقى الباقي من تمنها 20000 جنيه بعد سدادك للمقدم
و الفرق بين الباقي 20000 جنيه و المبلغ المطلوب مجمل الأقساط 24000جنيه
الفرق يبقى 4000 جنيه هوه ده أجمالي الفائده المسدده خلال فترة التقسيط كلها
نقسم الفرق على عدد السنوات و هو 2 في هذا المثال
فتصبح فائدة السنه 2000 جنيه للدين و قدره 20000 جنيه
و بقسمة 2000 على 20000 مضروب في 100
تكون النسبة 10%
و تلك أسمها النسبة الثابتة و هذه ليست النسبة الحقيقية
ف النسبة الحقيقية متناقصة و ليست ثابته و مقدارها ضعف الفائدة الثابته لأن الدين يتناقص شهريآ
فمثلآ
أنت في المثال السابق تدفع فادة قدرها 2000 لأول سنه و كذلك 2000 لثاني سنه
على الرغم من أن الدين بداية السنة الأولى ليس كالدين بداية السنة الثانيه

لكن في موضوع أهم من كده بكتير
ماهو الحكم الشرعي في المسأله
فعلى حد علمي هناك فرق كبير بين قرض شراء سيارة و بين سيارة لها ثمن كاش و آخر قسط
الفرق كبير جدآ
على الرغم من أن المبلغ المطلوب ممكن يكون واحد
سامحوني في المثل
بس الراجل ممكن يضرب شاب بيعاكس بنته مجرد معاكسه في الشارع
لكن لو نفس الشاب طلبها للزواج و خدها بيته و خلف منها أبوها بيبقى فرحان مش بس كده ده بيعزم الناس عشان يشوفوا بنته داخله بيت الشاب ده !!!!
ليه ؟؟؟؟؟
عشان الحاله التانيه حلال
بس
يبقى لازم نسأل عن الحكم الشرعي
معلش طولت عليكم
سلام