مصر موتورز مجتمع السيارات - ارشيف الاستراحة 2011

يارب هذه المرة لا يحدس خطأ فى النت
السلام عليكم جميعا و عيد سعيد
بصراحة انا لا اتفرغ تماما لمشاهدة التليفزيون المتخلف
يعنى ممكن و انا برتب غرف الاولاد اشغل التليفزيون اللى عندهم أو فى المطبخ افتح التليفزين الصغير اثناء عملية الاختراعات المطبخية و اشوف آخر الاخبار يعنى المهم ابقى متابعة
الدنيا فيها ايه المسلسلات التى تصيب بالعته و التخلف
و بصراحة حرام نضيع صيامنا و دنيتنا و آخرتنا بالجلوس امام هذا المفسديون و الحمد لله داومت طوال الشهر الكريم مع زوجى على صلاة التراويح بالمسجد
ثم التهجد فى العشر الاواخر ايضا و ختم القرآن بحمد الله
بس الغريب بقه انى من خلال الكام حلقة اللى تابعتهم اثناء عمل اشياء اخرى فهمت المسلسلات كلها و ساعطى لكم ملخص من وجهة نظر شخصية بحته
1- (شارع عبد العزيز) بيقول ان المصريين غجر ولاد سوق بقة و الفهلوة و النصب ودرس كويس لاولادنا بان
ليه تذاكروا و تتعبوا نفسكم بالشطارة و استخدام الاساليب المشروعه و الغير تقدر تبقى مليونير فى سنوات قليلة زى (زيزو ) و البنات كله هتتجنن عليك و تجرى وراك وتتمنى لك الرضا من اول الدكتورة حتى زوجة الوزير مش عارفة على نيلة ايه:joy23:

2-(كيد النساء) حاجة زفت زفت زفت و قرف آسفة على هذه الالفاظ بس مافيش وصف غير كده
عرى و سفالة و قلة ادب (حسبى الله و نعم الوكيل)
يصور مصر كلها على انها سيداتها غير محترمات و خطافين رجاله و لا اخلاق بالمرة (حسبى الله و نعم الوكيل) انا عمرى ما بشوف حولى سيدات فى الواقع بهذا اللبس العارى المبتذل و لا اسمع هذه الالفاظ الوقحة (حسبى الله و نعم الوكيل):BUTTER~183:

3- آدام طبعا عاوزين يحسنوا شكل الامور الفرفور تامر حسنى و يطلعوه بطل ثورة 25 يناير
مع شوية حشو عن امن الدولة و خلافهddd:

4- الريان طبعا لانهم خلصوا كل السيرة الذاتية للشخصيات الممكنه و الغير ممكنه بيدوروا على اى حاجة و السلام

و لكن حتى لا اكون سوداوية و محبطة و كئيبة
عجبنى مسلسل اسمه (ابواب الخوف) يعنى شوية هادئ وفيه حاجة

و آخر اسمه ( الجامعة) ينبهنا لمتابعة جيدة لاولادنا فى هذه المرحلة الخطرة
وثالث شاهدت منه يمكن حلقة واحدة اسمه (الباب فى الباب ) نبهنى الى ان لا ازوج ابنى معى نفس الفيلا
و اتركه يعيش وحده بحريته افضل حتى لا يكون تحت مراقبتى و نمنع مشاكل كثير

يعنى لو كل مسلسل يقول حاجة نافعة و هادفة و لكن للاسف قلتهم او منعهم افضل
ربنا يرحمنا برحمته و يخرجنا من الدنيا دى على خير:THUMB_~112: