|
|
رد: مخطط تصفيه الثوره ,,
أغرب من الخيال ..
لا أريد أن أصدق !! http://a5.sphotos.ak.fbcdn.net/hphot...79837758_n.jpg منقول كنت قاعد فى صيدليتى... فى امان الله ودخل عليا صديقى امين شرطة اسمالله فلان الفلانى ولما لقانى مغرق صيدليتى صور ابو الفتوح وكمان كانت صورته على عربيتى قاللى : والله يا دكتور انتم صعبانين عليا قوى قولتله : ليه ؟ قاللى : يعنى تاعبين نفسكم على الفاضى والموضوع محسوم لصالح واحد ومنتهى من زمان قولتله : مين؟ قاللى : ماعلينا على العموم اللى هتجيبه الصناديق هنصقفله كلنا قولتله : ماعدا شفيق وعمرو موسى قاللى : هتعمل ايه يعنى ؟ قلتله : انا اول واحد هكون فى ميادين التحرير ده حتى الغاز المسيل للدموع وحشنى قاللى : اطمن يوم 17 او 18 يونيو قرار اعلان النتيجة هيكون مصاحب ليه قرار حظر تجول فى الجمهورية كلها لاى حد خارج من بيته والضرب فى المليان طبعا انا ضحكت وسخرت من امكانية حدوث ذلك ولان الضحكة استفزته قاللى : انت مش مصدق طيب اقسملك بالله ان تم حشد ضعفين عدد الامن المركزى القديم لحد ما وصلوا دلوقتى 8 مليون وكمان طوروا انواع الاسلحة سخرت اكتر منه وقولتله : الشعوب ما بتخلصش وزى ما قال عمر المختار قبل كده ننتصر او نموت لكننا لا نستسلم قاللى : ماهى المعركة المرة دى مش هتبقى الشرعية معاكم لانكم ببساطة ساعتها اللى هتبقوا ضد الديموقراطية ده غير ان الناس زهقت منكم على الاخر ولا انت فاكر يا دكتور ان احنا لما سيبنا الاخوان ينجحوا فى الانتخابات التشريعية (خلى بالك بقه من الحتة دى) ولما سكتنا عن توجيههم للناس ومخالفاتهم لفترة الصمت الانتخابى واللى كان بيحصل قدام اللجان من استغلال للدين واللى كان كفيل بان مرشحين الاخوان كلهم يستبعدوا وكل ده متصور عندنا وسايبينه بمزاجنا علشان الاوامر كده علشان مايبقاش ليهم عين يتكلموا يوم انتخابات الرئاسة . حبيت استفزه اكتر قولتله : اطمن احنا مستقتلين قدام صناديق الانتخابات ومش هنسمح بالتزوير وان شاء الله الفلول مش هينجحوا لقيته ضحك على الاخر و قاللى : ده نجح خلاص ومش بعيد من اول مرحلة كمان قولتله : هو مين ده؟ قاللى : احمد شفيق قولتله : استحالة على جثتى لو قولت عمرو موسى ممكن اصدقك انما الاهبل بتاع قتلت واتقتلت ده لا قاللى : انت مش مصدقنى طيب وراح حاطط ايده فى جيبه ومطلع محفزته وطلع منها بطاقته وقاللى : اتفضل قولتله : ايه ؟ قاللى : اقرا خانة الوظيفة كده قريتها لقيت مكتوب فيها حاصل على دبلوم فنى صناعى قولتله : مش فاهم !! قاللى : مش الجيش والشرطة مالهومش تصويت قولتله : ايوه قاللى : تم تغيير الوظيفة لاكتر من 8 مليون جندى ام مركزى وفرد شرطة وامرهم بالتصويت لشفيق وانت لو حبيت تبحث عن اسمى كمان مش هتلاقى اى علاقة ليا بالشرطة فى يوم من الايام قولتله : انت بتتكلم جد ؟ قاللى : ماهى البطاقة بين ايديك اهيه فضلت باصص للبطاقى وانا مذهول لحد ما اخدها منى قاللى : فوق يا دكتور .. المهم هاتلى الفوار بتاع البلغم للحاج روحت جبتله الاستيل سيستايين فوار اللى ابوه بياخده ومشى وانا مذهول وبفكر اللى انا فيه ده حلم ولا علم. اقسم بالله العظيم ان هذا حدث معى اليوم الاثنين ليلة الثلاثاء 22 مايو 2012 والله على ما اقول شهيد وانا لا ادرى نتيجة ما كتبته ولا ما قد يحدث لى الا ان دماء الشهداء تحاصرنى ولم استطع الصمت . اللهم انى قد بلغت اللهم فاشهد وانا لله وانا اليه راجعون |
رد: مخطط تصفيه الثوره ,,
ينهار اسود للدرجة دى ال19 مبارك بيكرهوا شعب مصر ----وبعدين انت كده مش هتخلينى انام كده حرام ولازم هذا الأمر يتفضح والكاتب عنده كده مستند يعنى يشوف الأسم ده هينتخب فين او يطلب تقصى لهذا الأسم ويعرف اين ادلى بصوته وياريت لوالصيدلى يكون عارف اسمه رباعى حتى تكون قرينة على صدق كلامه ويفضح الأمر ---حرا حرااااااااااااااااااااااا ااااااااااااااااااااااااا ااااااااااااااااااااااااا ااام يعالم نعيدو تانى ونقول مفيش فائد
|
رد: مخطط تصفيه الثوره ,,
إبراهيم عيسى يكتب: لا شىء في أول يوليو!
الثلاثاء 22 مايو 2012 - 10:18 ص إبراهيم عيسى http://dostorasly.com/uploadedimages...g/mjd53yd5.jpg إبراهيم عيسى أخشى من صدمة أخرى.. فأحذِّر منها.. كثيرون منا أخذهم الأمل وحلَّق عاليا إلى سماوات سبع يوم 11فبراير 2011 وأحسوا صباح اليوم التالى لرحيل مبارك عن الحكم أن مصر ستكون أعظم وأجمل، وأن الحياة خلاص فتحت ذراعيها للمصريين! فإذا بهم وقد مر يوم وراء يوم وشهر خلف شهر، وقد تنكدوا واغتمُّوا، حتى إن بعضهم من فرط اليأس وشدة التوهة والدوخة تمنى عودة يوم 10 فبراير! لهذا فالتحذير واجب من صباح أول شهر يوليو القادم، حيث هناك قطاع من المصريين، خصوصا كل متحمس فيه لمرشح رئاسى بعينه، يشعر أن مصر ستتغير وتختلف وتتحول بعد انتخاب رئيس.. (رئيسه)! والمشكلة فعلا أن أى رئيس سيأتى لن ينقل البلد إلى ما نتمناه مهما كانت كفاءته (ونحن لا نرى كفاءات عظيمة عمومًا بين مرشحينا) ومهما كانت سلامة نيته ودرجة إخلاصه، فالواقع أصعب كثيرا من أن يتغير سريعا، وسريعا هذه قد تشمل سنوات الرئيس الأربع وربما أكثر! ليه؟ أقولك والتشاؤم لا يضر لو لم يتحقق ما تتوقعه، بينما التفاؤل يؤلم لو لم يأت ما تنتظره. السبب الأول: أن هناك فريقا سياسيا يعدُّ العُدة ويجيِّش ويحشد جمهوره ويهيئه لما يزعمه ثورة (هى فوضى طبعا) لو لم ينجح مرشحوهم فى الانتخابات! الإسلاميون تحديدا يزرعون الألغام من الآن لأى مرشح من خارجهم، وهو ما يجعل الرئيس القادم، لو لم يكن من التيار الإسلامى، متورطا فى معركة استنزاف قد تعطِّل الحركة وتعوِّق أى خطوة يخطوها أو بدا له أنه قادر على خطْوِها وتخطيها، فالبرلمان بأغلبيته، والشارع بفورانه، والأمن بتسيبه، والإسلاميون بعنفهم، خليط كارثى إذا تفاعل معًا لأجل فوضى (يدعونها ثورة). طيب افرض جاء الرئيس إسلاميا؟ ندخل إذن للسبب الثانى: أننا سنكون ساعتها أمام حالة هيمنة واحتكار من التيار الإسلامى للبرلمان والحكومة والرئاسة، وهو أمر يحبط جماعات من المصريين، ويقلق قطاعا واسعا منهم، صحيح أنهم لن يكونوا قادرين على ما يقدر عليه التيار الإسلامى من فوضى، لو أرادوا، ومن عنف، لو قرروا، إلا أن البلد لن تكون قادرة على التصافى ومن ثم التعافى سريعا، فضلا عن أن التيار الإسلامى، بما خبرناه وعشناه فى الشهور الماضية، يتصرف بمنتهى الغطرسة حين يتمكن، ويحكم بمنتهى الغرور حين يتسلطن، وهو ما سيزيد من درجة الإحباط ويسحب آمال التوافق، فضلا عن الخوف العالمى والعربى الذى سيحيط التجربة كلها من تكرار نموذج طالبانى أو حمساوى، وهذا لن يشجع على المضى نحو الخروج من العثرات والأزمات الراهنة. السبب الثالث هو: غموض الإعلان الدستورى الذى يجعل الصلاحيات والمسؤوليات متخبطة بين الرئيس والبرلمان، فلا الأول قادر على اتخاذ أى قرارات حقيقية، ولا الثانى يملك القدرة على إصدار قوانين نهائية، ولا الرئيس يملك إصدار إعلان دستورى وحده، ولا البرلمان قادر على الدعوة إلى استفتاء على الدستور لو أراد وحده، وقد نشهد ما يجرى الآن بين البرلمان و«العسكرى» من جهة، والبرلمان والجنزورى من جهة أخرى، بأضعاف مضاعفة من الفوضى والارتباك والاهتزاز. السبب الرابع هو: الوضع الاقتصادى المريع الذى لا يلتفت أحد إلى خطورته من فرط الازدحام حول الخناقات التى تنشب بيننا طيلة الوقت، فمصر معرضة -دون مواربة- لأزمة اقتصادية تطحن شعبها منذ أغسطس القادم مع نفاد الاحتياطى النقدى وتراجع السياحة وشلل الاستثمار الأجنبى، وقد نجد أنفسنا بلا بنزين ولا سولار ولا وقود، دون أن يشكل هذا مفاجأة إلا للغارقين فى الخصومات الشخصية والانسحاق فى حب الزعامات الوهمية التى تجْمَع حولها بعضا من المهاويس وكثيرا من المراهقين. لو دخلنا يوليو القادم ونحن على هذه الحال من الغباوة والغشومية والتطرف والتعصب والارتجال والعشوائية وبهذا التحول الذى نعاينه للنخبة السياسية فى مصر التى تكاد تتشبه الآن بالنخبة اللبنانية، مجموعة من المستفيدين والقبضايات، يديرون ميليشيات شبه عسكرية وميليشيات دينية وإعلامية وحاملى «كزالك» ومطاوى سياسية، فإننا نقود بلدنا نحو هاوية، يليق بنا أن نتجهز معها لقراءة الفاتحة على روح الثورة! |
رد: مخطط تصفيه الثوره ,,
انا لله وانا اليه راجعون
|
رد: مخطط تصفيه الثوره ,,
اقتباس:
|
رد: مخطط تصفيه الثوره ,,
|
رد: مخطط تصفيه الثوره ,,
|
| الساعة الآن 11:36 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017