رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

اولا :شكرا على اهتمام حضرتك
ثانبا :المراوح بتشتغل كويس على السرعتين
ثالثا : لما افتح غطاء الراداتير الاقى المبه بتتقلب
رابعا : انا فى الوادى الجديد يعنى حوالى الف كيلو من القاهرة ومعندناش متخصصين فى الستروين
مرة تانية شكرا لحضرتك على الاهتمام

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

شوف حضرتك دى أسباب ارتفاع درجة حرارة السيارة وحاول تختبر ال تقدر عليه
1 كاتينة الموتور مش مظبوطة
2 سدد فى الشكمان
3 سرعات المراوح
4 تقليب طلمبة المياه
5 سدد فى الردياتىر
6 تقل فى العجل نتيجة اى مشاكل فى الفرامل
7 الزوايا مش مظبوطة
8 طقم الدبرياج فى السيارات المانول أو تأخير نقل الغيارات فى السيارات الاتوماتك
9 نقص المياه أو الزيت
10 عدم ضبط خليط الهواء مع البنزين
11 تراكم الأتربة أو الطين فى مسام الردياتىر من الخارج
12 دخول كبس حريق على المياه ( جوان وش سلندر تالف)
دى تقريبا أسباب ارتفاع درجات الحرارة للسيارات وآل ممكن يستفيد منها اى حد عربيته بتسخن

رد: اسفسارات بيجو وسيتروين ورينو مجانية فريد شوقى
 

أولا ألف مبروك على العربية
بالنسبة لحضرتك مش ها ينفع تعمل صيانة الأربعين لان السيارة من كلام حضرتك كانت مركونة من غير استعمال فترة طويلة يعنى لازم تغير التالى
الكاتينة البوجيهات الفلاتر والزيت والكشف علا السيارة بالجهاز لتحديد عطل الفتيس

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

باشمهندس فريد
جزاك الله خيرا على تعبك
وحضرتك كدة طمنتنى وخليتنى استمر على القرار اللى اخدته فى العربية اللى ناوى عليها ان شاء الله
وهى الزد اكس الفرنساوى

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

السلام عليكوم يا بشمهندس فريد انا لسه شاري ستروين سي فور موديل 2006 وهي مواصفات خليجي والتكييف عندي بكر مش تاتش وانا الاول استغربت شكله لاني عالطول بشوف التاتش في كل السي فور اللي موجوده في مصر فهل ينفع اني اركب في عربيتي التكييف التاتش لانه شكله احسن بكتير واضاءته شكلها حلو ومديه شكل جميل للتابلوه عاوزاعرف هيتكلف قد ايه وبكام ومتشكر جدا لحضرتك

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

قدامى عربية بيجو 106 هى عجبانى قوى حاسس انها عربية ماسكة نفسها لكن:
1-موتورها خفيف يعنى محتاج عمرة وصاحبها صارحنى بالموضوع دة.
2-محتاجة شوية تظبيط اكسسوار.
3-محتاجة تكييف.
هى موديل 94 وصاحبها كان عايز 20000 ممكن تخلص كام مع العلم انى على استعداد انى اصرف كمان5000 وهو ممكن ينزل ل18500 هو بيقول انها تعمل من 23000 ل25000 بس هو منزل تمن الشغل اللى فيها عشان معاة عربية كبيرة ومش محتاجلها ولا فاضيلها هى شغالة كويس بس هو راكنها عشان مكبر دماغة منها يا ترى دى فرصة ول اية؟ بس بصراحة العربية عاجبنى شكلها بالنسبة لسعرها و حاسس انها لو اتظبطت هتبقى حلوة قوى.
ياريت من فضلك لو تنصحنى اشتريها ولا بلاش ؟ لو اخدتها اغير الوتور ولا اعمر اللى فيها؟ ولو العمرة تكلفنى ف حدود كام ولو موتور استيراد كام؟ و ممكن تصرف كام عشان تكون تمام؟ و جزاكم الله خير......

رد: اسفسارات بيجو وسيتروين ورينو مجانية فريد شوقى
 

الباشمهندس المحترم/فريد شوقى
قدامى عربية بيجو 106 هى عجبانى قوى حاسس انها عربية ماسكة نفسها لكن:
1-موتورها خفيف يعنى محتاج عمرة وصاحبها صارحنى بالموضوع دة.
2-محتاجة شوية تظبيط اكسسوار.
3-محتاجة تكييف.
هى موديل 94 وصاحبها كان عايز 20000 ممكن تخلص كام مع العلم انى على استعداد انى اصرف كمان5000 وهو ممكن ينزل ل18500 هو بيقول انها تعمل من 23000 ل25000 بس هو منزل تمن الشغل اللى فيها عشان معاة عربية كبيرة ومش محتاجلها ولا فاضيلها هى شغالة كويس بس هو راكنها عشان مكبر دماغة منها يا ترى دى فرصة ول اية؟ بس بصراحة العربية عاجبنى شكلها بالنسبة لسعرها و حاسس انها لو اتظبطت هتبقى حلوة قوى.
ياريت من فضلك لو تنصحنى اشتريها ولا بلاش ؟ لو اخدتها اغير الوتور ولا اعمر اللى فيها؟ ولو العمرة تكلفنى ف حدود كام ولو موتور استيراد كام؟ و ممكن تصرف كام عشان تكون تمام؟ و جزاكم الله خير......