مصر موتورز مجتمع السيارات - رابطة ملاك ومحبى السفينه فيات 132

مصر موتورز مجتمع السيارات (https://www.masrmotors.com/vb/index.php)

- 124 و 125 و 131 و 132 (https://www.masrmotors.com/vb/forumdisplay.php?f=218)

- - رابطة ملاك ومحبى السفينه فيات 132 (https://www.masrmotors.com/vb/showthread.php?t=80993)

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة mostafa3tef (المشاركة 782352)

السلام عليكم ورحمة الله وبركاتة
اولا : احب ابدأ بشكر خاص ل (هشام الجزار) لما بذله من جهد وتعب عشان عربيتى تتظبط
اما بعد ...

امس كنت على موعد مع هشام عشان اروحله التجمع الاول لتظبيط التاكيهات
المهم نزلت من البيت وفولت العربية وشقيت طريقى الى الحى العاشر بمدينة نصر واتقابلت معاه وطلعنا على بتاع قطع الغيار واشترينا الاتى:
1- فلتر هواء عشان افلتر القديم اتهرى
2- طقم سلوك بوجيهات جرافيت (كربون)
3- طقم بوجيهات
4- جوانين بتوع الكامه عشان كانوا بيرشحوا زيت
5- وش اسبراتير جديد + شاكوش
6- انبوبه سيلكون ولم تستخدم
7- مش فاكر بس لو افتكرت هقول على طول

ودينا العربية لبتاع التاكيهات وهى ورشه مجمعه وشامله فيها كل حاجه
يعنى كل ما يخص الموتور من ال أ الى ال ى
المهم ركنت العربية امام الورشه عشان تبرد وابتدينا شغل
وتم تغير 4 اطباق عشان كان عندى فرح جوه الموتور وركبت الجوانين والدنيا اتظبطت عن الاول وحاسبنا الراجل وخد 40ج مصنعية + ثمن الاطباق ومشينا من عنده وطلعنا على مغسله وغسلنا الموتور بالجاز والصابون والبنزين وبقه نظيف والحمد لله
غسيل الموتور ب 10ج وطبعا ده سعر غالى انا بغسل العربية كلها فى بنزينه وطنية ب 25ج
بره وشاسية وصالون وموتور.

وطلعنا على بيت هشام وركنت العربية فى الظل وتم تغير الاتى:
1- وش الاسبراتير
2- الشاكوش
3- البوجيهات
4- سلك البوجيهات
وهشام ظبط كهربت الموتور وبقت والحمد لله اللهم لا حسد زى الفل ومفيش رجه فى السلانسيه
الاول طبعا كان فيه فرقه حسب الله تحت الكبوت
بس دلوقتى بقت زى الفل والسحب اتحسن والفضل لله اولا ولخبره هشام وتعبه معايا

وبكده انتهت صيانة الموتور وفاضل العفشة والفرامل والسمكرة والدوكو و 4 فرد كاوتش جداد
وان شاء الله ربنا يكرم بفلوس واخلص من شدها بالكامل
والله الموفق ودعواتكم بقه لاخوكم
والسلام عليكم ورحمة الله

تحياتى الخاصة ل (هـشــ الجـزار ـــام)

:fun_36_6_2[1]:

مبروك تظبيط العربية و عقبال ما تخلصها كلها زي ما انت عاوز
وربنا يبارك لهشام بجد مش بيعز معلومه ولا مجهود على حد وان شاء الله ربنا يكرمه ف عربيته و يصلح حالها
ربنا يعينا على تظبيط عربياتنا
حاطط ف دماغي اني عاوز اعمل حاجات كتير للعربية ومن كترها عاوز اقعد اكتبها علشان اعرف ارتب الاولويات ومفيش وقت اعمل اي حاجه

هو العربية خدت وقت قد ايه علشان تبرد وتبدأ فيها شغل ظبط تاكيهات

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة mostafa3tef (المشاركة 782352)

:fun_36_6_2[1]:

مبارك يا مصطفي علي اللي عملته في العربيه ربنا يكرمك وتتمتع بيها ويحفظهالك من كل سوء واعذرني اني مقدرتش اجيلكو امبارح علشان اتسحلت في الشغل ضغط بقي قبل العيد كل سنه وانتم طيبين وكمان نفسي اركب سماعات قبل العيد ومش لاقي وقت
المهم ربنا يكرمك بعربيتك ومتهملش فيها تاني ولما تعوز تجيب الكاوتش اجبلك البريللي من واحد جنبي قالي هيكرمني فيه والفرده مش هتعدي 400جنيه ان شاء الله
وسلامي ل اتش وادماير والقاضي
:THUMBS~220: :THUMBS~220: :THUMBS~220:

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة Mohamed Rashedy (المشاركة 782239)

رجالة الرابطة الجامدين اوى .. ايه اخباركم
كنت عايز اعمل دوكو وسمكرة للعربيه بس ارجعها فابريكة .. فكنت عايز اعرف ممكن تكلفنى كام من الالف للياء من غير ما اغير فى الصاج
:fun_36_3_9[1]:

لازم اشوف العربيه الاول او علي الاقل صور ليها وكمان اللون بتاعها ميتالك ولا ساده وهتعملها من بره بس ولا جوه وياريت تعرفنا حضرتك منين

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة محمدصلاح القاضى (المشاركة 781873)

عشان تعمل اى حاجه
لازم الاول تكون البويا تمام وزى الفل
لو تمام يبقى توكل على الله
هتعمل
1/ هتلمع العربيه بالكمباوند عند ايمن الروبى
2/ طقم جرايد الابواب بتاع ال 2000
3/ طقم دلايات شيك للرفارف
4/ هتعمل كلمة 2000 او 1600 حسب سعه الموتور عند اى حد بتاع كماليات
5/ ممكن تكتب شويه كلمات بالانجليزى على الازاز اللى ورا
6/ طبعا لو مركب جنط المروحه ممكن تجيب له طقم نواكل
7/ حاجات تانيه كتييييييييييييييير

فينك يابرنس واحشنا والله لازم تنزل القاهره يوم سبت ماليش فيه
وقد اعذر من انذر

رد: رابطة ملاك ومحبى السفينه فيات 132

يا جماعه عندي العربيه رجعت تاكل بنزين بالغبا بعد مظبط خلوص البوجيهات زي ما اتش قالي ظبطت اسبوعين تلاته ورجعت تاني تسف بنزين بفكر اغير البوجيهات اللي عندي هي ngk عاوز اجيب نوع تاني 2شمعه بس في سؤال لولبي لو جبت اتنين شمعه كل شمعه بيتظبطلها خلوص عادي بالفلر زي الواحد شمعه وفي انتظار رد احد المشاهدين :01AD96~139: