رد: متوسط اسعار المستعمل هذا الاسبوع
 

انا كنت سألت حضرتك قبل كده وانت مرضتش على هو انت مش بترد على المشاركين الجدد على العموم انا معايا حوالى 40000 جنيه وعايز اجيب سيارة تكون كويسه ومصرفش عليها كتيير هما كتيير نصحونى بالانوس فياريت حضرتك تقولى او تنصحنى بعربيه تكون كويسه فى نفس الحدود اللى معايا .
انا كمان فكرت انى اجيب عربيه صيني قصط زى الأسبرانز فحضرتك ايه رايك بالظبط فى الاسبرانزا a113 وشكراً

رد: متوسط اسعار المستعمل هذا الاسبوع
 

السلام عليكم ورحمه الله وبركاته
كنت عايز اسال حضرتك عن شراء سياره فى حدود 25 اجيب ايه بيقولى دوجان اوشاهين قديم او سويفت موش عارف اختار

ولو المبلغ هيوصل الى 40 اجيب ايه لانوس وايه الفرق بين موديلتها s & se موش فاهم ومعنديش خبره
ولا اجيب نوبيرا كبيره بس موش عارف انها احسن
ولا اجيب الشاهين بس بيقولوا ما فهيش عزل وتسمع صوت الكرونا وانته ماشى وكلام كله غلط فى العربية
ولا اجيب الكريستاله

اهم شىء عربيه كويسه باذن الله
وتكون قيمه بيعها كويسه وسهله وياريت يكون فيها تكيف وباور لو امكن وقطع غيارها رخيصه واقدر اسافر بيها برحتى من بنها الى مرسى مطروح متسخنش وما تقعدش تعطل
افدينى يا أديب المنتدى بجد محتاج رايك
ورشح لى سيارتين فى فئتين السعر واحده فى حدود 25 والتانية فى حدود 40
الحيره الكبيره بين السويفت - الكيا السيدان - الشاهين - الانوس - الكريستاله - الدوجان :260309~146:

رد: متوسط اسعار المستعمل هذا الاسبوع
 

ايه رأيكم فى السكودا الفليشيا 1977

رد: متوسط اسعار المستعمل هذا الاسبوع
 

معقول!!!!!!
سعادتى الحقيقية فى الرد على الاسئلة خاصة للاعضاء الجدد
ولكن نظرا لطبيعة العمل المرهق والانشغال الدائم وأختلاسى للوقت لمتابعة المنتد ى قد تسقط بعض الاسئلة نظرا لكثرتها أحيانا وجلّ من لا يسهو
على أيه حال حقك علىّ
أما عن رأيى الشخصى انا من محبى اللانوس وعن تجربة أربع سنوات هى سيارة عملية جدا ومصاريفها قليلة مقارنة بما فى فئتها وقطعت بها مئات الكيلومترات فى مشوار واحد ولم تعطل كغيرها وآخرها الساحل الشمالى القاهرة ومنها الى بنها ثم لآخر الشرقية فى مشوار يزيد عن 500 كيلو دون توقف فى عز الحر فى الظهيرة
الاسبيرانزا سيارات جيدة ولكن لاتقارن لانوس الا بفئتها 516
أما 113 فئة أخرى ومازال هناك وقت للحكم عليها
أما لانوس وفيرنا فقد استمرت فى السوق سنوات ومعروف مميزاتها وعيوبها

رد: متوسط اسعار المستعمل هذا الاسبوع
 

السلام عليكم ورحمه الله وبركاته
كنت عايز اسال حضرتك عن شراء سياره فى حدود 25 اجيب ايه بيقولى دوجان اوشاهين قديم او سويفت موش عارف اختار

ولو المبلغ هيوصل الى 40 اجيب ايه لانوس وايه الفرق بين موديلتها s & se موش فاهم ومعنديش خبره
ولا اجيب نوبيرا كبيره بس موش عارف انها احسن
ولا اجيب الشاهين بس بيقولوا ما فهيش عزل وتسمع صوت الكرونا وانته ماشى وكلام كله غلط فى العربية
ولا اجيب الكريستاله

اهم شىء عربيه كويسه باذن الله
وتكون قيمه بيعها كويسه وسهله وياريت يكون فيها تكيف وباور لو امكن وقطع غيارها رخيصه واقدر اسافر بيها برحتى من بنها الى مرسى مطروح متسخنش وما تقعدش تعطل
افدينى يا أديب المنتدى بجد محتاج رايك
ورشح لى سيارتين فى فئتين السعر واحده فى حدود 25 والتانية فى حدود 40
الحيره الكبيره بين السويفت - الكيا السيدان - الشاهين - الانوس - الكريستاله - الدوجان - النوبيرا - التريوس القديمة :260309~146: