رد: رابطة ملاك ومحبى السفينه فيات 132
 

قدر الله وماشاء فعل
سعر الموتور فى عزبة شلبى بالفتيس حوالى 3200
إتصل الآن :01277730624

رد: رابطة ملاك ومحبى السفينه فيات 132
 

السلام عليكم ورحمة الله
اولاً احب ان اتشرف بالانضمام اليكم وذلك باني نويت شراء سيارة 132 2000cc ولكن احب ان اعرف ماهي النقاط التي اكشف عليها في السيارة
وماذا افعل اول ما اشتري السيارة من صيانة وتغيرات حيث انها السيارة الاولى لي وانا عندي اسرة ومن سكان المدن الجديدة يعني مشواري طويل
وشكرا لكم جميعا على هذا المجود الرائع

رد: رابطة ملاك ومحبى السفينه فيات 132
 

احنا اتشرفنا بيك
واهنئك على اختيارك لل 132 لانها فعلا من السيارات الممتازة شرط الحالة

اولا للايغرك الشكل الخارجى للسيارة ويكون معاك سمكرى محنك يفلى العربية حته حته ويشوف فى بارومة ولا لاء الشاسية هل فيه لاحامات ولا لاء وخصوصا من عند الركبتين اللى قدام ويشوف الشنطه والقوايم والحوض بص ينكتهت من الاكصدام للاكصدام

ولو خلاص عثرت على واحدة اساستها سليمه يبقى مبروك عليك يا جميل
تروح بقه تغير زيت الموتور بزيت موبيل دلفاك
وتنزل زيت الفتيس والكارونه وتملاهم زيت 140 على نظافه كده
وتغير السيور كلها احتياطى وخصوصا سير الكاتينة
مع طقم كهرباء جديد بوجيهات وابلتين وكندنسر وطقم سلوك البوجيهات بالمرة
تغير فلتر الهواء والزيت والبنزين وتنظف الكربراتير وتظبط تاكيهات وتشوف الكاوتش لو حالته تعبانة اشترى جديد على طول
وللعلم هى ممكن متحتاجش كل ده طبعا بس لو عملت كده صدقنى هتنساها ومش هتتعبك خالص ده غير السحب الممتاز وتوفير البنزين ..

ومتنساش تجرب الكهربا كلها انوار ومساحات وازاز وكلاكس وكله كله
لازم تستلم العربية كل حاجه فيها شغاله وميقولكش ده حاجه بسيطة ممكن تعملها عند اى حد قلوه شكرا اعملها انت وهتهالى ساليمه ..

ولو ينفع تجرب الكارونه بقه على طريق مفتوح تبقى برنس
واخيرا 100 مبروك مقدما واى اسأله تانية الرابطه بالكامل فى خدمتك

تحياتى
:01FDAB~189:

رد: رابطة ملاك ومحبى السفينه فيات 132
 

mostafa3tef باشا احنا بلديات انا من عين شمس من جسر السويس
والف شكر ياريس على الرد الوافي

رد: رابطة ملاك ومحبى السفينه فيات 132
 

نورت الرابطة يا أستاذ ياسر
انا كمان من عين شمس
وورشتى جنب سوبر ماركت سامى عند محطة حسونة