مصر موتورز مجتمع السيارات - ارشيف الاستراحة 2011

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - ارشيف الاستراحة 2011 (https://www.masrmotors.com/vb/showthread.php?t=44838)

رد: حد عندة خبرة فى تربية الكلاب

اقتباس:

المشاركة الأصلية كتبت بواسطة noor a.s (المشاركة 564857)

اولا حضرتك لازم تعرف ان تربية الكلب مش حاجة كده وخلاص ولازم تقعد مع ابنك وتفهمه مسئولياته تجاه الكلب وهو هيحتاج منه ايه بالضبط يعنى مثلا موضوع الأكل هيجيب الاكل ويسويه ولما يبرد يحطه ثانيا الكلب هيحتاج ينزل يمشى كل يوم او يومين بالكتير ولازم يتابع مع دكتور خاص بيه علشان التطعيمات والحماية من الامراض له وللى حواليه , ولازم يخصص له وقت للعبه وتدريبه , موضوع النجاسة ده انا سمعت فيه اراء مختلفة واعرف ان الكلب لغرضين الحراسة والصيد موضوع الحمام ده فالكلب ممكن يتدرب انه ينزل الشارع اما فكرة المل فصعبه ده للقطط مش للكلاب لان الكلب معندوش الثقافة ده اساسا هو بيعمل كده فى اى مكان ومش بيدفن مكانه فالأهم من ده كله ناقشه هو محتاج الكلب ليه ؟؟ يعنى ايه اهميته بالنسبه له مجرد فكرة انه يربى حاجة وحلاص لو كان كده اقترح عليه حاجة تانية اسهل فى تربيتها او على الاقل ينفع تقعد فى البيت لان وعن تجربة مهما كان الكلي نظيف وجوده فى البيت صعب جدا . انا عندنا واحد مبهدل الدنيا وبياكل كل حاجة ممكن تخيلها ده غير الريحة طبعا ولما بيقعد فى السطح تقعد تشيل الهم الجو برد ولا حر ولا مطرة ولا ولا ؟؟ انا عن نفسى شايفة ان اللى يربى كلب لازم يكون عنده جنينة ومكان واسع علشان حتى ميظلمش الكلب ولازم يكون عارف ان عليه مسئوليات وان فى اوقات هيسافر فيها مثلا ومش هينفع ياخده معاه فى مصايف مثلا مش يترضى بالكلب داخل المكان لكن بعيدا عن ده كله انا بشجع جدا ان الاطفال يربوا حيوانات اليفة لان ده بيعمق جواهم الاحساس بالمسئولية وكمان بالعطف وإوعى تفرض رأيك من غير مناقشة ولو هو شايف انه هيتحمل المسئولية وان عنده الوقت ليه وانت كمان شايف كده خلاص هاته وخليه يبحث معاك عن راى الشرع فى تربية الكلب وبالنسبة للمكان ممكت يعيش فى الشقة اللى قدامك على فكرة عادى جدا لكن فكرة السطوح ده حتى لو سورته ازاى هيطلع وينزل منه واحنا متفقين انه محتاج ينزل كل يومين على الاقل وحضرتك بتقول السلم مش عادى .. وبالتوفيق انشالله AHLNWSHALN

مشكور لردك الكريم
الفكرة طلعت فى دماغة عشان ابن خالة مربى 3 كلاب وبيعمل زى ما حضرتك قولت بالظبط ومشيل اهلة هم الاكل والتمشية والمراعية
انا مش عاوز ولا حراسة ولا غيرة هى بس الفكرة انة عاوز يقلد ابن خالة
واللى طالعلى فى المقدر اخوة الصغير عاوز يربى عصافير برضة عشان يقلد ابن خالة والاتنين مسكنى زن زن زن فقلت لو ينفع البى رغبتهم اوكى بس الموضوع صراحة طلع كبير وممكن ياثر على الدراسة فعلى اية ديتهم ادحك عليهم باى خروجة او هدية لانى عارف نقطة ضعف كل واحد فيهم اية وهالعب عليها انما موضوع الكلب دة فعلا انا مش مرتحلة وخصوصا اننا بنسيب الشقة مرتين فى الشهر
عموما بشكر حضرتك جدا

ايه هي احلامك

بتحلم بايه ايه اللي نفسك تحققوا في حياتك ايه هي اقصي امنتياتك

كان في كذا موضوع بالاسم ده كان مره للعربيه للي بتحلم بيها ومره مصر اللي بتحلم بيهاا
المره دي انت بتحلم لنفسك ايه
ايه هي اهدافك طموحك
من العار انك ميكنش عندك طموح
او حلم و هدف تحققوا اتمني كلن نقول ايه طموحنا

في الشغل طموحك ايه
في حياتك الشخصيه
في حياتك المستقبليه شايفها ازاي
ايه اللي عايز تعلموا لاولادك ايه المبدا اللي انت ماشي بيه علشان تحقق اهدافك
يتري اهدافك بتخلص لمجرد تحققها ولا بتنتج اهداف تانيه
ايه الحلم اللي كنت بتحلم بيه من وانت صغير ومش حققتوا
وايه الحلم اللي كنت بتحلم بيه وحققتوا

يتري كام واحد حقق فعلا حلامه
http://www.youtube.com/watch?v=KVDom...eature=related

رد: أحنا أسفين يا .............. زمااااااااااااااالك

اقتباس:

المشاركة الأصلية كتبت بواسطة الدملاوي (المشاركة 564772)

** الزملكاوى الحق هو من يثور ليصل إلى المباراة النهائية ثم يهدأ ليتسلم الميدالية الفضية!!
** رسالة وصلت إلى مجلس إدارة الزمالك تقول: نأسف لعدم حصولكم على المركز الأول حيث إنكم غير مشتركين فى هذه الخدمة.
** قرر مجلس إدارة نادى الزمالك المعين برئاسة جلال ابراهيم قبل ترك النادى والبدء فى مشروع هدم النادى وإقامة مشروع "إنبي" بيتك!!
** قبل رحيل سمير زاهر عن اتحاد الكرة قرر تنظيم مسابقة جديدة وتقديم كأس يلعب عليها نادى الزمالك تحت عنوان "كأس الصبر والسلوان لسنوات اليأس والحرمان"!!
** وأخيرا الفقر فقر... حتى لو جابوا له المعلم والصقر!!

ههههههههههههههههههههههههه ههههههههههههههههههههههههه ههه
جامده جدا
هو انت اللى بتألف الكلام ده ولا منقول
بجد جميل جدااااااااااااااااااااااا
وتحياتى ليك حتى لو نقله

رد: ايه هي احلامك

موضوع جميل وفكرت اكتب ايه لاقيت نفسي محتاج اعمل بحث من اللى هو عشرين صفحة دا :danceW7:

لكن اهم حاجة : نفسي انا وامي وابويا وكل اهل بيتي ربنا يرحمنا برحمته ويدخلنا فسيح جناته..

مرة تانية احيكي على طرحك للموضوع :018A1D~146:

رد: ايه هي احلامك

والله انا احلامى وطموحاتى على المستوى العام وبالتالى لما تتحقق هتنعكس على كل واحد فينا واحلامى هى
1-نرجع تانى بلد متحضر فى كل حاجة يعنى نظام فى المرور التزام كامل بالقوانين كل واحد يبقى عارف اللى ليه واللى عليه شوارعنا تبقى نظيفة المساحات الخضراء تزيد واخلاقنا مع بعض تكون كويسة وكل واحد يخاف على زعل التانى
2-نبقى من اقوى كيان اقتصادى وزراعى وصناعى وامريكا تاخد مننا مساعدات علشان تواجه الاعاصير ونداينها
3-نكون الاتحاد العربى ونفرض من خلاله عقوبات عربية دولية على اسرائيل ونعمل عليها حصار
ولسة فى احلام كتير حلوة بس دول يارب يتحققوا:30p[1]:

رد: ايه هي احلامك

اقتباس:

المشاركة الأصلية كتبت بواسطة tonsy1979 (المشاركة 564900)

اكيد كلام حضرتك جزء كبير من احلام كل مصري وعربي ويارب يارب فى يوم من الايام يتحقق :fun_36_3_9[1]:

رد: ايه هي احلامك

مش عارفه ليه كل واحد عمال يقول حاجات عامه
انتم خايفين ان الناس تعرف احلامكم

انا هبدا بانفسي
علي المستوي الشخصي
باالنسبه للشغل نفسي يوصل للي انا عايزاه ساعات بزهق وامل منه واقول البنت في الاول وفي الاخر مسيرها لبيتها بس بيجين قوه واراده اني عايزه اكبر بالشغل ده بس مش عارفه ليه لحد دلوقتي واقفه محلك سر مش بتحرك سم
احلامي وانا صغير في الشغل كن نفسي ابقي مرشده سياحيه والف مصر كلها لكن الوالدين عندي مرضيوش اني ادخل مجال السياحه
حلمي اللي كان علي المستوي الشخصي نفسي يبقي ليا حجه بتااعتي يعني عماره شقه بيت محل اي حاجه نفسي يبقي ليا مشروعي الخاص اللي ابني عليه مستقبل واساس لاولادي وطبعا المشروع ده يكون مشترك فيه زوجي المستقبلي علشان هو اللي يديروا
نفسي في دنيا من غير مشاكل بحلم ان بيتي انا هيكون من غير مشاكل وعيالي وجوزي هما هيكونوا احسن ناس في الدنيا دي

بالنسبه لاحلام الطفوله
كان نفسي اطلع شاعره اديبه محترمه وحاولت اشترك اكتر من مره في مسابقات للشعر بس فشلت فيها عرفت ان الشعر اللي بكتبوا مجرد هوايه ولم يصل الي الاحترف
فبقيت نادر لما اكتب بس بعتز بكل حرف كتبتوا

زمان وانا صغيره كنت بقول انا مش هتم ال 20 سنه الا لما اكون
1 عندي حساب في البنك
2 ليا حياتي الخاصه بعيد عن عائلتي
3 مهمه جدا في شغلي والشغل مش يمشي من غيري
4 عندي عربيتي
5 عندي شقتي
6 مش ناويه اتجوز
7 ليا علاقات كتير واعرف كل الشخصيات المهمه في الدوله
من الاخر بزنس ومن
الله يرحم ايام زمان
واالله والواحد نفسه يرجع صغير

انا قولت يلا بقي كلوا يقول حقق ايه
عن نفسي مش حققت حجه لحد دلوقتي الاان بقي ليا عربيتي وفتحت دفتر توفير في 4جنيه ونص
لازم ابقي متفائله وابدا من الصفر ROSE4U