مصر موتورز مجتمع السيارات - رابطة مالكي الكيا سيفيا فيد واستفد ( صداقة

مصر موتورز مجتمع السيارات (https://www.masrmotors.com/vb/index.php)

- كيا KIA (https://www.masrmotors.com/vb/forumdisplay.php?f=38)

رد: رابطة مالكي الكيا سيفيا فيد واستفد ( صداقة - نقل خبرات )

اقتباس:

المشاركة الأصلية كتبت بواسطة hany_roland (المشاركة 620463)

روح للراجل اللي هتغير عنده الزيت وقيله حطلي زيت فتيس 90 مش اي حاجة تانية ده زي الكتالوج ما بيقول

معلش يا باشا ... انا اسف للازعاج !!!
هيا العربية تاخد كام لتر زيت فى الفتيس ؟؟؟

رد: رابطة مالكي الكيا سيفيا فيد واستفد ( صداقة - نقل خبرات )

صباح الخير أولاً على الجميع.. خدوا الجديد بقى يا جماعة...
النهاردة الصبح و أنا جاي الشغل حسيت برجرجة متوسطة عند الوصول للسرعة بين 45 و 50 كم/ساعة و تختفي إذا عديت هذه السرعة أو رفعت رجلي من على البنزين.. ملحوظة: السيارة أوتوماتيك
و كمان قليت عقلي و قلت أجرب التكييف صحته عامله إيه.. فوجئت ببرجلة جامدة و العربية راحت مبطلة فوقفت و نقلت على الـp و دورت تاني فقعدت تنتش شوية بعد ما نقلت على الـ d و بعدين مشيت كويس
وصلت الشغل فنقلت على الـ r و أنا باركن فحصلت نفس الحكاية.. برجلة و العربية وقفت فدورت تاني و مشيت برضه كويس
وأخيراً إستهلاك البنزين الغير طبيعي على الإطلاق.. يكفي أقول إن التنك وصل للنص و أنا لسه ماكملتش 90كم!!!!!!!!!!!
مع ملاحظة إني عملت صيانة كاملة للسيور و الفلاتر أول ما أخدتها

لو حد عنده حلول أو حتى تفسيرات لكل المشاكل اللي بتحصلي دي يا رييييييت يساعدن

رد: رابطة مالكي الكيا سيفيا فيد واستفد ( صداقة - نقل خبرات )

اقتباس:

المشاركة الأصلية كتبت بواسطة midohema (المشاركة 620816)

معلش يا باشا ... انا اسف للازعاج !!!
هيا العربية تاخد كام لتر زيت فى الفتيس ؟؟؟

تقريبا 2.5 لتر

رد: رابطة مالكي الكيا سيفيا فيد واستفد ( صداقة - نقل خبرات )

السلام عليكم اعضاء رابطة مالكى سيفيا المحترمين . . . بالمره اضيف على مشكلة الاخ الكريم Sameh Ragih مايلى :
استهلاك البنزين عندى 90 كم فى الصفيحه !!!!!
عملت عمره للموتور من 6 اشهر وغيرت الضفيره بالكامل والعربيه اصبحت جيده جدا عدا استهلاك البنزين اللامعقول .
لاحظت فى الفتره الاخيره ان العربيه لما ابطلها واعود لتشغيلها فى نفس اللحظه تغيب فى الدواره وتحتاج دقائق لتدور ولو دارت قبل 5 دقائق تبطل وحدها رغم ان الصبح بتدور عادى بدون مشاكل !!!!
ارجوا من الاخوه الافاضل المشوره

رد: رابطة مالكي الكيا سيفيا فيد واستفد ( صداقة - نقل خبرات )

اقتباس:

المشاركة الأصلية كتبت بواسطة abuzaid30 (المشاركة 623717)

حط العربية على جهاز ... احتمال كبير يكون فى حاجة فى الحساسات ... حتى لو كانت لمبة الcheck مبتنورش عندك ... و الله اعلم
انتظر برده اراء خبراء المنتدى !!!!

رد: رابطة مالكي الكيا سيفيا فيد واستفد ( صداقة - نقل خبرات )

اقتباس:

المشاركة الأصلية كتبت بواسطة abuzaid30 (المشاركة 623717)

شوف يا أستاذي الفاضل... أنا بعد ما سألت طوب الأرض عن موضوع البرجلة و إستهلاك البنزين لقيت إن 85% من الناس سواء فنيين أو ملاك للسيفيا إتفقوا على حاجتين.. أولاً وضع العربية على الجهاز عند مركز متخصص. ثانياً تغيير حساس الشكمان و هو المسؤول عن إستهلاك البنزين العالي و حساس الأيدل و هو بيعمل عمل بيك السلانسيه في العربيات الكاربيراتير
سواء حضرتك عملت الكلام ده الأول أو أنا عملته قبلك يا ريت نكتب النتيجة علشان كلنا نستفيد :010104~171:

رد: رابطة مالكي الكيا سيفيا فيد واستفد ( صداقة - نقل خبرات )

افيدونى يا ملاك السيفيا ... عندى مشكلة رخمة مضايقانى جدا" ... الدركسيون لما اكسره ناحية اليمين بيرد لوحده و ده العادى ... اجى اكسره ناحية الشمال ميردش و يفضل قافش ناحية الشمال و مش عايز يرجع لوحده ... لازم ارجعه انا ... اعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟