مصر موتورز مجتمع السيارات - ارشيف الاستراحة 2011

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - ارشيف الاستراحة 2011 (https://www.masrmotors.com/vb/showthread.php?t=44838)

رد: من الان فصاعدا...اي يحد عنده كلمة تريقة عن العباسية ****...والله العظيم تلاتة ماسكتله...اتقوا الله

اقتباس:

المشاركة الأصلية كتبت بواسطة tonsy1979 (المشاركة 560906)

يا جماعة استهدوا بالله ومحدش ينساق ورا الاعلام الزبالة بتاعنا لان اللى فى التحرير والعباسية دول اهلن وحبايبنا وكلنا مصريين بلاش ننقسم ونفرح فينا امريكا واسرائيل ونبقى عاقلين ونفكر صح لان اللى فى التحرير والعباسية بيحبوا مصر بس كل واحد بطريقته بس فى الاخر الهدف واحد ... وحسبى الله ونعم الوكيل فى كل من يحاول اشعال الفتنة وتشتيت وحدة الصف المصرى
فارجوا من كل العقلاء والمثقفين الانتباه والحكمة وعدم الانسياق وراء الاعلام الفاسد والتعقل قبل اى تصرف ممكن ان يضر بمصلحة البلد فنحوا مصالحكم الشخصية وضعوا مصر اولا ... وشكرا لكل المصريين سواء كن فى التحرير او العباسية
وياريت تنزلوا الانتخابات بكرة وتختاروا الصح اللى فيه مصلحة البلد خلال المرحلة المقبلة ..... ولكم من ارق التحيات

:THE_PR~18::fun_36_3_12[1]:

رد: من الان فصاعدا...اي يحد عنده كلمة تريقة عن العباسية****...والله العظيم تلاتة ماسكتله...اتقوا الله

اقتباس:

المشاركة الأصلية كتبت بواسطة طارق السحت (المشاركة 560947)

الحمد لله ،، بكده يبقى انت انتصرت على الشيطان
اهنئك من كل قلبى رغم انى كنت مختلف معاك ،وكنت بشده عاوز أعلق على كلامك وموضوعك ،، لكن قلت استنى شويه أشوفه هيعمل ،،لأنى مقتنع بأن المعدن الطيب لازم يظهر فيك ،،والحمد لله ماخيبتش ظنى
وكمان علشان إحنا اسبيبرانزاويه زى بعض ،،ومش هقولك رأى دلوقت ولكن بعدين ،، أهنيك مره أخرى وأعتقد ان أعضاء المنتدى كلهم كلهم كلهم منتظرين منك كلمه توضيح!!ROSE4U:01EDE7~120: :018A1D~146::iloveyou24:

:THUMBS~220::THUMBS~220:: THUMBS~220:

رد: من الان فصاعدا...اي يحد عنده كلمة تريقة عن العباسية ****العظيم تلاتة ماسكتله...اتقوا الله

اقتباس:

المشاركة الأصلية كتبت بواسطة د.كمال (المشاركة 560336)

حبيبنا ميدو ....إنت فين من زمان ياراجل
واحشنى والله وربنا مايحرمنا منك ياعسل

تسلم يا دوك .. ربنا يخليك

رد: الدرس الثاني من كورس كيف تصبح رخم علي حق ؟

قمة الرخامة بجد
اسمحلى اديك شوية افكار عن المحلات القادمة بانى صاحب محل خش السنترال قولة عندك كارت موبينيل بعد لما يدهولك قولة اشحنة اصلى بخاف لا يكون من غير رصيد ويسلام بقى تقولة بعد لما يشحنهولك انا ما بعرفش اقرا انا كنت عايزك تشحنة واسمع الرسالة مش اقراها
خش على مكتبة وقولة عندك جلاد احمر يجيبهولك قولة لا انا عايزة اخضر اصل بسال عشان ماما احتمال تجلد لاختى

رد: من الان فصاعدا...اي يحد عنده كلمة تريقة عن العباسية ***..والله العظيم تلاتة ماسكتله...اتقوا الله

انا اسف بجد يا استاذ وليد على وصولك لمثل هذه الحالة ..
الناس نسيت موضوع فليقل خيرا او فليصمت ..
و اللي بيحصل في البلد دي يا استاذ وليد فكرني بخطاب حسني مبارك بتاع يوم الثلاثاء ..
فاكره ؟؟؟
اللي قال انا عشت في البلد دي و هتدفن في البلد دي ..
يومها البلد اتقسمت نصين ..
و كان في ناس قدامي بتجهز نفسها تنزل تمشي - شوية المراقيع - اللي في التحرير ..
و انا ..
كطبيب كان في الميدان يوم 28 ..
و لما كفنت اتنين شباب زي الورد كل اللي عملوه انهم نازلين يقولوا لأ ..
و لما معرفتش انقذ حد تاني لأني اضرب عليا قنابل و انا واقف بعالج الناس..
كنت موش طايق اسمع اسم حسني مبارك ..
لأن اللي يطلق قواته بهذه الوحشية على ناس عزل ..
لا يهمه الناس دي ولا البلد دي و لا يمكن يكون انسان حتى ..
بس خدت عهد على نفسي ..
رغم غضبي الشديد من كل اللي بيؤيد مبارك قدامي ..
انه حاهط لساني في بقي و موش هاتكلم معاه ..
و انه هادعيله في سري يشوف الحقيقة زي ما انا شفتها ..
و اني هادعي لبلدي بالخير ..
و انه لو الناس اللي في الميدان دي مشيت و حسني لسه قاعد ..
انا هانزل و ان شاء الله اقف هناك لوحدي ..
و عدت الايام ..
و غار حسني ..
و قامت الاحداث تاني ..
و لقيت نفس الوحشية تاني ..
و متزعلش مني يا استاذ وليد ..
بس الناس اللي عينها ضاعت دي يا استاذ وليد ..
ملهاش تمن ؟؟؟؟
و الشباب اللي ماتوا هناك ..
مطلوب من اهاليهم انهم ينزلوا يمسحوا الميدان و ينضفوه من دمهم علشان الاتوبيسات تمشي هناك براحتها ..
و الهجوم المتخلف و الغبي على المستشفيات الميدانية هناك يوم الاحد و الاتنين و اللي راحت ضحيته دكتورة شابة جميلة ..
الدكتورة دي بلطجية يا استاذ وليد ؟؟؟
و الوزير الكداب المدلس اللي طلع يقول الشرطة مضربتش خرطوش واحد .. و انا بأم عيني شايف اكتر من 300 شاب في المستشفى اللي في الكنيسة مصابين بالخراطيش ..
جرب تقف لشاب وسيم جدا و تقوله احنا اسفين بس انت في جسمك فوق الخمسين بلية موش هنعرف نشيلهم و هتعيش بيهم كده ...
جرب تدور في هدوم جثة شاب على بطاقته علشان تقف تتعازم انت و عشرين دكتور مين فيكم هيبلغ اهله ..
......................... ......................... .....................
من حق الناس انها تتظاهر باللي هي عايزاه ..
و تقول رأيها بحرية و بأدب ...
سواء في العباسية ..
او في التحرير ..
انما علشان في التحرير انا بقولك لأ في وشك ..
و بقولك اني اخترت سكة الحرية الكاملة و معنديش استعداد ارجع اضرب تاني و اسكت ..
تقوم تموت مني 50 بني ادم و تصيب اكثر من 4000 بني ادم ..
4000 بلطجي ..
4000 مثير للشغب ..
4000 عميل ..

بس انا هقولك حاجة واحدة يا استاذ وليد ..
انا لو مكان المشير ..
و خايف على مصر اوي كده ..
و خايف على شباب مصر اوي كده ..
كنت هاستقيل بعد موت اول شاب في التحرير ..
علشان اقول للناس كلها ..
انه دم المصري غالي اوي ..
غالي اوي اوي اوي ..
اغلى من الكرسي بتاعي ..
اغلى من اني عايز اجيب اللي يغطي عليا ..

و هاقول كلمة اخيرة ..
لو فعلا خلاص شايفين انه مصر كلها مفيهاش رجالة تمشي البلد ..
مصر بلد الرجالة اللي بجد ولاد البلد اللي بان معدنهم بجد ايام الثورة و اللجان الشعبية
لو موش شايفين فيها غير قتالين القتلة دول اللي قاعدين باشوات في مكاتبهم ..
و انهم يا اما هم يحكمونا و يضيع دم الناس اللي ماتت و تضيع عيون الشباب اللي اتفقعت و يطلعوا منها زي الشعرة من العجين ..
يا اما البلد تضيع مننا ..
لو انتم شايفين كده بجد ..
تبقوا غلطانين اوي ..

و مع ذلك ..
انا اكن لك كامل الاحترام و التقدير ..
و بادعي ليك و ليا و لمصر كلها تعدي على بر الامان ..
و يا رب كلنا الحقيقة تبان واضحة قدامنا ..

و على فكرة بقى ..
متحطليش البطل القومي توفيق عكاشة في العباسية و تقولي متتريقش
انا كده ممكن اموت من كتمة التريقة ..
:ROFL_C~118::ROFL_C~118:: ROFL_C~118:
فرفش يا عمنا و ان شاء الله هتعدي

رد: أغبى أعلان في قنوات التلفزيون

هههههههههه . و الله يا باشا كله هبل في هبل يعني انت عاجبك اوي الاعلان بتاع روندوز من اسبوع بس و الاعلان من قبل رمضان و هو بيتعلن اصلا ً

سلامي للجميع
:fun_36_3_9[1]:

رد: وفاة عامر منيب عن عمر يناهز الأربعين عاما بعد صراع مع المرض

ربنا يرحمه ويغفر له