مصر موتورز مجتمع السيارات - مخطط تصفيه الثوره ,,

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - مخطط تصفيه الثوره ,, (https://www.masrmotors.com/vb/showthread.php?t=76878)

رد: مخطط تصفيه الثوره ,,

:w6w2005041113562663:w6w2 005041113562663 شفيق مش محتاج تحليل !! واضح انه مختل نفسيا و عصبيا ,,,,حاله تستحق الدراسه !!

رد: مخطط تصفيه الثوره ,,

ابن التسلط

http://tahrirnews.com/wp-content/upl...45-120x158.jpg وائل عبد الفتاح

الفريق شفيق يثير الضحك الآن.
لكنه لن يظل هكذا، فهو ابن التسلط… لا يهم أنه لا يجيد الكلام.. وكلماته تحتاج هواة الكلمات المتقاطعة.
جمهوره لا يحب الكلام أو يخاف منه… بعد سنوات من الغرق فى كلمات بلا معنى… يحبونه إذن لأنه لا يقول كلاما مفهوما… هو جمهور لا يبحث عن المعنى.. ولكن عن السلطة.
وكما قلت من قبل، أحمد شفيق شخص غير مهم خارج السلطة.
لا وجود له إلا بالقرب أو فى يد من يركب السلطة، وإعلانه الترشح فى الانتخابات استعراض لقوى تريد الإشارة إلى أنها موجودة ولها رجالها.
هذه القوى تعتمد على جمهور رأَى فى الفريق شفيق نموذجا طيبا لرجال الدولة، يتكلم بهدوء، ويرتدى ملابس غير معتادة.. شكل الفريق أثار تعاطفا معه حين غادر موقع رئاسة الحكومة.
لا يعرف شفيق فى السياسة بالضبط مثل مبارك، يعرف فى الحكم، وهذا ما يجعله مثلا يتحدث مداعبًا عواطف الشعب، بأنه سيعيد للشرطة هيبتها عندما يصبح رئيسا.
وهو كلام مضحك، لأنه كان رئيسا للحكومة، ولم يستطع إعادة الهيبة لموقعه، أو لحكومته، وبالطبع للشرطة التى اعتمدت على الهيبة فكسرت.
لم يفكر أحمد شفيق إلا من زاوية ضيقة، فى إعادة إنتاج نظام مبارك، لم يعرف، ولا من خبرته فى الحكومة أن المطلوب هيبة القانون لا هيبة الشرطة.
احترام الشرطة لن يتحقق إلا باحترامها أولا للقانون، لا بفرض هيبتها.
أحمد شفيق لا يفهم غير لغة سمعها فى أروقة الحكم، لغة استعلاء وأبوية وتسلط.
التسلط يمكن أن يكون لطيفا أو أنيقا، لكنه تسلط، يغلَّف غالبا بقيم نبيلة مثل مصلحة الشعب، وهو يضرب الشعب ويتركه مقهورا من أدواته الأمنية.
العقل التسلطى يبرر كل خطاياه بحجة واحدة: علشان البلد ماتقعش.
وهو مفهوم مغلوظ، لأن البلد كلها توقفت ١٨ يوما ولم تقع، واستمرت، إلا من حالات صنعها بلطجية النظام الكبار والصغار.
أحمد شفيق ربما يكون مهذبا كما يراه حزب الكنبة، وقد سمعت حكايات عن جبروته فى «مصر للطيران»، لكنه مثل عمرو موسى «مينى ديكتاتور» تربى فى أحضان الاستبداد، حينما كان منصبه منحة من الرئيس وليس استحقاقا، كما هى عادة تولى المناصب فى الدول الاستبدادية، وحينما كانت كل الصراعات السياسية تدور حول أذن الرئيس، من سيسمع له أكثر، من سيستطيع الاقتراب من الأذن السليمة.
شفيق من سلالة مبارك… سلالة تتحكم فى المرحلة الانتقالية من خلال المجلس العسكرى.
هؤلاء عالمهم ضيق، بينما العالم اتسع فى مصر بالثورة.
يريدون العودة إلى الخُرم الضيق الذى نرى منه العالم حسب أوامرهم وفرماناتهم وحسب خريطة مصالحهم، وقدراتهم الفاشلة فى إدارة الأزمات.
هذا ما يريده ورثة مبارك فى كل مكان، لا يرون أنها كانت جمهورية استبدادية، مرفوضة، يرونها مجرد فساد عائلة، أو حاشية، وهذه هى الخدعة.
هم يرون التغيير فى الأشخاص.
والثورة طلبت جمهورية جديدة.
اللغة مختلفة، والخيال مختلف.. والعقلية لم تتغير منذ ٦٠ سنة أو أكثر.. تتغير موديلات البدل العسكرية أو يقودها الإعجاب، الموديل السياسى فى أمريكا أو روسيا إلى تغيير فى الشكل، لكن العقلية تفكر بنفس الطريقة، وتبحث عن القبضة الحديدية والهيبة قبل أى شىء.
الفريق شفيق ليس غريبا عن السلالة التى يتصور أصحابها أن لهم شعبية، وهم بالفعل لهم جمهور واسع، كما كان لمبارك جمهور واسع، هذا الجمهور مسلوب الإرادة يعيش خائفا من السلطة، وطالبا حمايتها من أشباح تتربى فى حظيرتها.
لهذه السلالة شعبية، وعيها غائب، واقعة تحت تأثير الرعب، وتقهر نفسها وخيالها بأيديها، بالضبط كما نعيش تحت وطأة خرافات عن العفاريت والجنيّات والنداهة وغيرها من كائنات خرافية تجعل الرعب مقيما دائما، يمنعك من الاقتراب أو الجرأة على الحياة، وتبحث عن سند وحامٍ.
أحمد شفيق ابن هذه الخرافات… وممثلها الآن بعد تجارب فاشلة مع شخصيات شبيهة.
أهلا بالفريق فى العالم الواسع… عالم تقترب فيه سلالة شفيق من الانقراض.

رد: مخطط تصفيه الثوره ,,

سيادة الفريق شفيق .. عينك «حمرا » !!

أحمد عفيفي

خفنا احنا بقى لمّا الفريق شفيق أظهر لنا العين " الحمرا " وورانا الوش الأبلكاش بتاع جنابه .. لسه مبقاش رئيس وبيعلّق لنا الفلكة من دلوقتي .. أمال لو فعلا مسك الحكم حيعمل فينا إيه؟ .. البيه بيقول لك لو حد نزل ميدان التحرير معترضا على نجاحي ، فعنده القدرة ان ينضف الميدان في خمس دقايق .. وينسف أمه .. ازاى ياعم الفريق ؟ .. يرد : القوات المسلحة .. شفت في العباسية عملوا ايه ؟ في خمس دقايق لمّوا الليلة وجابوا عاليها واطيها وفين يوجعك يامحترم .. الناس فاكرة ان الجيش ميقدرش .. لأ .. هو يقدر .. بس مكبّر دماغه .. والله لو 10 مليون .. في ساعة زمن يخلي اللي عامل دكر " مرة " .. كفاية بقى دلع وقلة أدب .. قال رايحين يقتحموا وزارة الدفاع قال " ياخي هع " .. وصلت للدرجة دي .. ده انت البعيد بجح وتستاهل ضرب الجزمة .. انت عارف يعني ايه وزارة الدفاع ؟ اسألني انا .. واحد منهم .. دي شرف الأمة وعزوتها وكرامتها .. مين يقدر يقرّب منها .. وادي العيّنة بيّنة .. عملوها شوية مهاطيل .. فانضربوا واتسحلوا عشان يحرموا ويعرفوا يعني ايه جيش.

تخيّلوا ان الفريق احمد شفيق يقول الكلام ده لوائل الابراشي وقبلها لهالة سرحان .. لكنه مع الابراشي شال برقع الحيا وجابها م الاخر : اللي حيعترض .. القوات المسلحة موجودة .. وعندنا الدليل .. العباسية .. في خمس دقايق لمّت كل الشلة في عشة الفراخ .؟

خدوا بالكم .. الفريق شفيق مجبش سيرة الداخلية .. مع ان المنطق يقول ان انه يستعين بالداخلية لو فيه مشاكل .. والباشا قال قبل كده ان يستطيع ان يعيد الأمن في الشارع المصري في يومين .. أيوه في يومين ، حسب البيه مابيقول .. بس لو مظاهرة خرجت لأى سبب كان .. وعملت قلق .. فالجيش موجود .. الداخلية مش قدها وليها تجربة سابقة مهببة اثناء الثورة .. كانت فاكرة ان المسالة حتعدي بشوية افراد الامن المركزي وشوية القنابل وخراطيم الميه والخرطوش والحي .. لكنها اتخضت من الأعداد الرهيبة اللي خرجت فانسحبت زي الارانب ورجعت جحورها .. انما القوات المسلحة لا بيهمها عدد ولا مدد .. في خمس دقايق كله يرجع تاني وكما كنت.

الكلام رغم انه شبه هزلي .. انما خطير .. وخطير جدا كمان .. شفيق بيتكلم بثقة ومسنود على حيطة ، هو متأكد انها مش مايلة .. وعارف كويس ان اللي القوات المسلحة معاه .. ينام ويدفا ويحط في بطن أمه بطيخة صيفى .. ده الجيش يابا .. الجيش اللي حارب اسرائيل ووراها العين الحمرا في 73 .. مش حيقدر على شوية عيال شايفين نفسهم وفاكرين انهم ممكن يقفوا قصاد الأسد .. ده أسد ياحبيبي والكلام لك ياجار .. أسد .. لحد دلوقتي بيقتل في شعبه .. وان مر يوم من قتيل .. مينحسبش من عمري .. هو ده الشغل .. هيبة الدولة لازم تبقى متصانة .. كفاية بقى سنة ونص مظاهرات ومليونيات واعتراضات ومطالب فئوية .. قرفتونا الله يقرفكم ويعكنن عليكم .. قال ثورة قال .. ونبي تتحطوا .. وحياة أمي لو مسكت الرياسة لتعرفوا يعني إيه ثورة بجد .. والجيش موجود .. انا منه وهو مني .. في خمس دقايق .. لف وارجع تاني على رأى علاء ولي الدين في " الناظر ".

الحقيقة - والكلام لي - سيادة الفريق احمد شفيق فقد أعصابه ع الأخر .. واتحط في اختبار صعب سقط فيه سقوطا مروعا .. وحارجع لفترة رئاسته القصيرة لمجلس الوزراء لما المخلوع عيّنه .. كان متخبطا تخبطا شديدا .. واول مافكر في تشكيل الوزارة قام اتصل بالسيد عماد الدين اديب عشان يتكرم ويمسك وزارة الاعلام .. ولان عماد اديب عارف لو ده حصي ممكن يحصل ايه .. اعتذر .. لكن مش مهم اعتذار عماد .. المهم ازاى رئيس حكومة ثورة يفكر انه يجيب وزير كان أكبر مطبلاتي للنظام القديم .. ثم انه بيزنس مان .. واحنا قاعدين نصرخ ونقول .. مينفعش تزاوج المال والسلطة ، وثورتنا قامت عشان الحكاية دي ، لكن الفريق شفيق كأنه كان عنده" إمساك " وقاعد في الحمام 18 يوم .. ومش داري إيه اللي بيحصل بره .. ولمّا ربنا سهّل له خرج .. وقالوا له امسك الحكومة .. وفضل يخرج من نقرة يقع في دحديرة لحد ماربنا بعت له علاء الاسواني .. وتاني يوم كان بره.

وبعدين يخلص م الاسواني يطلع عصام سلطان ويضربه ضربة افقدته صوابه .. فيخرج عن طوعه وعن وقاره ويخبط في الكل .. ويقولك دول اقزام .. ويفرش الملاية لعصام سلطان .. وانا ماكنتش عايز اقول واكفي ع الخبر ماجور .. لكن مادام البيه لسانه طويل وبيتطاول على أسياده .. خد عندك بقى يا بتاع المخابرات وأمن الدولة .. وان كنت ناسي أفكرك .. انا ماكنتش عايز افتح سيرة .. لكن لسانك الطويل هو اللي جاب لك الكلام.

ويعترف شفيق أمام كاميرات الفضائيات انه فعلا وقّع على العقد اللي خلّى جمال وعلاء ولاد الحاج مبارك ياخدوا أرض المتر بـ 75 قرش وهو تمنه 8 جنيه .. بس الكلام ده قبل ما ابقى رئيس الجمعية وجابولي العقد .. يادوبك عايز بس توقيعي .. ثم ان دول ولاد الريس ومش خسارة فيهم حتة ارض ياخدوها بملاليم وهى تسوى الشىء الفلاني .. دول ولاد الريس .. عارفين يعني ايه الرييييس!

يعني حصل ياعم شفيق ومقدرتش تنكر الواقعة .. وعايز تبقى رئيس جمهورية وتقول لنا زي فؤاد المهندس ماكان بيقول لشويكار في " انا فين وانت فين " : دولت احفظي مركزك .. تقوم دولت تترعب وتكش في جلدها .. وتجيب الكرباج وتسبقه على " الاوده " وتقلع هدومها وتديله ضهرها .. واضرب ياجدع.

احنا مش دولت ياعم شفيق .. ولا مليون زيّك يقدر يرجعنا تاني نخاف ونكش .. ولا القوات المسلحة اللي بتهددنا بيها .. واللي خلصت على بتوع العباسية في خمس دقايق .. يقدروا يمسوا شعرة لـ عيل من عيالنا .. واذا كنت بتستشهد بنموذج العباسية .. فدي كان لها ظروف خاصة ملعبكة خلّت الناس متتعاطفش اوي مع اللي كانوا هناك .. بس برضه مش هتعدي بالساهل .. ومحدش بينسى حاجة .. لسه مذبحة ماسبيرو ومحمد محمود ومجلس الوزراء وبور سعيد وست البنات اللي الجيش عرّاها .. لسه حقهم ماجاش وحيجي .. فمتركنش ضهرك اوي كده على القوات المسلحة .. ومن دلوقتي بتقدم لها فروض الطاعة والولاء عشان لو بقيت رئيس تنسف لك الميدان لو حد اعترض وقال لك تلت التلاتة كام .. مش شعب مصر بعد الثورة يا عم شفيق اللي حيخاف ويجيب واطي .. وينقضي عليه في 5 دقايق .. كان زمان وجبر .. وعايز اقولك في الأخر : المتغطي بالمجلس العسكري عريان .. واذا ماكنتش مصدق اسأل " إخوانا " البعدا .. واسأل الشيخ حازم والشاطر .. عايز تبقى رئيس - وعمرك ماحتبقى - اتغطي بأهلك وناسك .. وبلاش نظام التهديد العبيط ده .. وكمان مرة كان زمان وجبر.

رد: مخطط تصفيه الثوره ,,

اقتباس:

المشاركة الأصلية كتبت بواسطة silverlite (المشاركة 671510)

حضرتك عميل أمن دولة

خالد صلاح "اليوم السابع"

http://www.youm7.com/images/issuehtm...cerkhaled2.png
فهم الفريق أحمد شفيق اللعبة السياسية بنفس المنطق الذى يلعب به من كانوا رموزا بالمعارضة فى الأمس، ثم صاروا صناع القرار السياسى، وحكام البلد بعد الثورة، فالفريق تعلم بسرعة أن تهمة العمالة لأمن الدولة هى اللغة التى يتكلم بها عادة أبناء التنظيمات السرية، عندما يقع بينهم الشقاق، أوتتفجر بين قياداتهم الخلافات السياسية، فأسهل وسائل تبرير الانشقاقات فى التنظيمات السرية، هو تبادل الاتهامات بالعمالة لأمن الدولة، المجموعة المنشقة تتهم قيادة التنظيم بالعمالة، والمجموعة الموالية لقيادة التنظيم، تتهم المجموعة المنشقة بالعمالة أيضا.

فى العادة لا أحد يتحدث فى المضمون، فلا توجد قيادة سياسية تنظيمية يمكن أن تعترف بفشلها أمام مجموعة منشقة، وبالتالى يصبح من الأسهل اتهامها بالعمالة، ولا توجد قيادة منشقة يمكنها أن تفتح حوارا حول الخلافات السياسية، ومن ثم يكون الطريق الأقصر هو تخوين قيادة التنظيم، وأظن أن كل من عملوا فى الساحة السياسية بتنظيماتها السرية والعلنية، يعرفون هذه الظاهرة البائسة التى قضت على كل سبل التوافق، وأدت إلى تفتيت التنظيمات والأحزاب قبل الثورة، دون أن يكون لأمن الدولة أو ضباطها أى دور فى الانشقاقات.

«الفريق» فهم اللعبة، ووجه التهمة نفسها للنائب البرلمانى عصام سلطان فى رده على البلاغات التى قدمها سلطان للنيابة العامة ضد أحمد شفيق، لم يتمهل الفريق حتى يقول كلمته أمام النيابة فى طبيعة البلاغ، أو فى دقة ومصداقية المستندات التى قدمها سلطان، لكنه قرر أن يلعب بقواعد «التصنيف المبكر للخصم»، والضرب الاستباقى فى النوايا، والاغتيال الاحتياطى لاسم عصام سلطان، للرد على نشاط عصام سلطان المكثف فى مواجهة شفيق.

لم أكن أتمنى أن يلعب «الفريق» اللعبة نفسها التى كانت سببا فى ضرب كل المشروعات النضالية فى الحركة السياسية المصرية، وكانت عنواناً لمرحلة اللا حوار بين التيارات السياسية التى ربما ندفع ثمنها الآن، إذ لا أحد يتكلم فى المضمون، ولا أحد يرد على المعلومة بمعلومة، نحن نتراشق ونلجأ للتخوين المبكر، ولكننا لا نتكلم فى التفاصيل والمعلومات والوثائق والمستندات، الأسهل دائما أن تقتل خصمك بتهمة استباقية جاهزة، فهذا عميل لأمن الدولة، وهذا خائن، وهذا حليف للمخابرات، وذاك ممول من الخارج، وهؤلاء يتلقون تعليمات من المجلس العسكرى، الاتهامات الاستباقية والتخوين المبكر أولا، ثم لا شىء فى المضمون.

لم أكن أحب أن يلعب «الفريق» بنفس المنطق، أو يتبنى نفس قواعد الضرب تحت الحزام، ولكننى أحب أن أؤكد لك معلومة ربما تغيب عن مئات الآلاف من الشباب الذين قاموا بالثورة ويتصورون، حلما، أن الدنيا كانت بريئة بنفس براءتهم، وطاهرة بنفس طهارتهم حين تحركوا يوم 25 يناير ..

أقول لك يا أخى إن أمن الدولة كان على علاقة مباشرة.. أكرر مباشرة، بكل من تراهم أنت على الساحة الآن، لا أحد كان بعيدا عن العلاقة مع هذا الجهاز، سياسيين، وإعلاميين، وإسلاميين، وليبراليين، ورجال أعمال، ورجال قبائل، ورجال عائلات، ورؤساء تحرير برامج فى الفضائيات، ورؤساء تحرير صحف خاصة ومستقلة، ونقابات ونقابيين، وعمال وعماليين، ولم يكن ذلك من قبيل العمالة، ولكن كان جهاز أمن الدولة يعمل كذراع سياسية للدولة، وكان الجهاز يعمل كواجهة للتفاوض باسم الحزب الوطنى أحيانا، وباسم الرئيس مبارك فى أحيان أخرى، أو باسم أجهزة أخرى لا تعلمها أنت من الأجهزة الأمنية الأعلى فى الترتيب داخل منظومة الحكم فى البلاد، وكان هذا «الكل السياسى» يتكلم أو يصرخ، أو يطلب، أو يفاوض، أو يهدد، فى مكاتب أمن الدولة .

أمن الدولة كان حاضرا فى كل شىء، وفى أى شىء، وكل اللاعبين على الساحة كانوا يلعبون فى رحاب هذا الجهاز بطريقتهم الخاصة، كل له منهج فى التفاوض، أو المواجهة، أو الاشتباك، ولم تكن هناك خصومة دائمة أو صداقة دائمة، فالأهواء بين الطرفين، والمصالح بين الجانبين، كانت تحكم المشهد بين وقت وآخر، فجهاز أمن الدولة لم يكن جهازاً أمنياً تابعاً للدولة، ولكنه كان هو «الدولة» نفسها فى السياسة وفى الحكم وفى كل شىء.
لا تصدق من يقسمون لك على غير ذلك..

فلا مجال هنا لاستعادة هذا النوع من الاتهامات الرخيصة أو الضرب تحت الحزام..
حرام .. لازم نتكلم شوية فى المضمون.

http://profile.ak.fbcdn.net/hprofile..._5606781_q.jpg
Hazem Abdelazim

هههه .. يا عزيزي كلنا أمن دولة .. هذا ما فهمته من مقال لطيف لخالد صلاح في اليوم السابع .. بس من الواضح انه استغل اتهامات شفيق لسلطان في موضوع امن الدولة ليغسل نفسه بالمرة في وسط الزحمة.. يعني بمعنى اصح كلنا في الهوا سوا ...وعادشي يعني ........ لا تعايرني ولا عايرك والهم طايلني وطايلك .......طبعا انا اعرف عصام سلطان من قبل الثورة ولا اصدق هراء شفيق ..كفاية صدمات احنا مش ناقصين ........ !!!

ولكن لفت نظري بقوله :

"وكان الجهاز يعمل كواجهة للتفاوض باسم الحزب الوطنى أحيانا، وباسم الرئيس مبارك فى أحيان أخرى، أو باسم أجهزة أخرى لا تعلمها أنت من الأجهزة الأمنية الأعلى فى الترتيب داخل منظومة الحكم فى البلاد،"

مين الاجهزة الأعلى في الترتيب المتواطئة مع مبارك ؟ واكيد مع العسكري ضد الثورة ؟!! اكيد قصده المخابرات العامة المصرية ؟!! عموما انا اثق في مصادر صلاح خصوصا الامنية والامنجية !!!! :)))

رد: مخطط تصفيه الثوره ,,

أم الطفل الذي دهسه موكب "محمد مرسي" مرشح الإخوان

http://www.youtube.com/watch?feature...&v=TSrryFhoMKE

رد: مخطط تصفيه الثوره ,,

حملة حمدين صباحى تعلن قوائم مؤيديها من المشاهير

| الموقع الرسمى لحمدين صباحي
hamdeensabahy.com

ابرز الشخصيات المؤيدة لحمدين صباحي:
- ابراهيم عيسي
- علاء الاسواني
- عبد الرحمن الأبنودي
- والدة الشهيد خالد سعيد
... - احمد حرارة
- حسام عيسي
- جورج اسحاق
- حمدي قنديل
- بهاء طاهر
- محمد غنيم
- محمود سعد
- أحمد دومة
- حسين عبد الغني
- خالد تليمة
- اسراء عبد الفتاح
- بثينة كامل
- خالد الصاوى
http://profile.ak.fbcdn.net/hprofile...07136516_q.jpg