|
|
رد: رابطه ( قول معاك كام و انا اقولك تجيب ايه بفلوسك )
اقتباس:
ربنا يخليك يا باشا و تحت امرك فى اى حاجه بالنسبه للرينو هى عربيه ركوبه و ممتازه عيبها انها بتنزل شويه فى اعادة البيع اى سعر اعادى البيع مقارنه بالكورى و الحاجات التانيه قليل وده معروف فى جميع موديلات الرينو انا اعرف ان توكيل رينو محترم فيه ناس كتير بتشكر فيه التيجو عيبها ان خامات التابلوه من جوه مش حلوه لكن مشكلة التقفيل و عضة الفتيس اتحلت فى موديلات 2012 تحياتى |
رد: رابطه ( قول معاك كام و انا اقولك تجيب ايه بفلوسك )
السلام عليكم ورحمة الله وبركاته
انا فعلا والله بأحييك جدا على موضوعك ده والله بجد تحفه وربنا يجازيك خير عنه انا عايز أسالك لو انا عايز اجيب حاجه رخيصه عشان اتعلم عليها السواقه ومحزنش لو حصلها حاجه اجيب ايه فى حدود 15000 وبارك الله فيك وفعلا انت انسان محترم والله :Wkiss5: |
رد: رابطه ( قول معاك كام و انا اقولك تجيب ايه بفلوسك )
اقتباس:
اولا اهلا يا باشا بمنتدى مصر موتورز وكل سنه وسعادتك طيب بالنسبه للمبلغ المطلوب عندك الاتى :- ************************* ******** سوزوكى ماروتى موديل 94 - 95 و دى انسب و احدث حاجه بالتمن ده اولا عربيه اقتصاديه جدا فى البنزين قطع غيار متوفره ورخيصه جدا صيانتها سهله و اى واحد يعرف يشتغل فيها مش هتزعل لو حصل فيها حاجه تحياتى |
رد: رابطه ( قول معاك كام و انا اقولك تجيب ايه بفلوسك )
وانت بألف صحة وسلامه وربنا يكرمك ويجازيك خير يارب ونصيحتك مقبوله وشكرا كتير ليك والله :shyy: ومعلش سؤال اخير بس ايه رايك فى عربيه نانو ايجيبت للاستفاده من خبرتك يعنى
|
رد: رابطه ( قول معاك كام و انا اقولك تجيب ايه بفلوسك )
اقتباس:
الله النانو ايجيب ا علشان مكدبش عليك انا مبشوفهاش فى الشوارع خالص رغم ان المندوي بيقولى عليها اقبال كبير جدا حتى المعرض نفسه هتلاقى عنده الشكل القديم مش الجديد فنصيحه خليك فى المضمون دلوقتى علشان متتزنقش على فكره انا لسه مطلعتش رخصه وكونت بتعلم على ماروتى الصينيه وحتى الان رغم انى اتقنت السواقه بس بسوقها برده تحياتى |
رد: رابطه ( قول معاك كام و انا اقولك تجيب ايه بفلوسك )
هى الصينيه ديه اللى انت قلت لى عليها اصل اللى انا اعرفه ان الماروتى يابانى انا بصراحة معلوماتى صفر فى العربيات لكن ناس قالت طالما اول مرة تسوق عليك وكالعاده 128 او 127 بس انا مش عارف بصراحه وهل الموديل اللى انت قلت لى عليه متوافر فى الاسواق عادى ولا فى مكان معين بنزل اشترى منه معلش بتقل عليك شويه من عشمى
|
رد: رابطه ( قول معاك كام و انا اقولك تجيب ايه بفلوسك )
باشا انا معايا حوالي 30 الف ومحتار بين اللانسر البطه او الهيونداي اكسل او الاكسنت ..!!
مع العلم اني عاوز عربيه مكيفه وتكون باور وازازكهرباء وسنتر وتكون حالتها جيده مش متهانه يعني تنصحني بايه ؟؟ |
| الساعة الآن 01:48 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017