رد: كيف تزرع شجرة فيات 128 .. و ذكريات أخرى
 

و لأنه مفيش محور ..
فكنت لازم امشي في شارع الهرم ..
و طبعا كنت اول مرة في حياتي اشوف شارع الهرم الساعة 5 صباحا ..
و اللي بيحصل في شارع الهرم :fun_36_3_1[1]:
و مرة كنت ماشي بسرعة رهيبة جامدة اوي ( ييجيي 80 كده)..
و مرة واحدة لقيت العربية بتعوم مني ..
و عملت باليه بحيرة البجع في الشارع طبعا ..
و حكيت في اتوبيس ( يادوبك حكيت والله ) و لقيت يجيي 40 واحد محوطين العربية ..
و خد عندك التعليقات ..
- كنت سهران فين يا كوكو ؟؟
- اكيد كان خاربها امبارح ..
- تعال كده اشم شممني ريحة بقك ..

ريحة بقك ايه يا متخلف انت و هو ده انا دكتور و ورايا محاضرات ..

المهم عدت على خير ..
و سألت على عفشجي قريب و دلوني على واحد عند معهد الرمد كده ..
و غيرت العفشة القدام كلها تقريبا يجيي ب 200 جنيه كده ..
و كان لي ذكرى جامدة اوي بسبب العفشجي ده ..

كان في رسام فظيع سابق عصره و اوانه ساكن في اودة كده قدام العفشجي ده ..
كان شكله يا مبرشم يا عنده تخلف عقلي تقريبا ..
و احنا كان عندنا في الكلية في مادة اسمها الهيستولوجي او علم الانسجة ..
و المادة دي كان من درجات العملي بتاعتها كراسة بنرسم فيها مقاطع لانسجة الجسم المختلفة ..
و كان قصدهم خير و الله .. لما ترسمها بايديك موش هتنساها طول عمرك ..
بس احنا مستوانا العلمي اكيد كان اكبر من كده :w6w200504111354306b
المهم الفكرة تبلورت في دماغي ..
و رحت لفان جوخ و ناديت عليه من شباك الاودة ( مقدرتش ادخل من الريحة طبعا ..)
و اتفقت معاه يرسم ليه الكراسة دي ..
و قعدنا نفاصل من عشرة لعشرين جنيه و اتفقنا على 15 جنيه ..
و لما العيال صحابي في السكشن عرفوا بالشاب اللقطة ده جمعناله 12 كراسة ..
بس احنا نسينا حاجة مهمة ..
انه دي رسومات علمية دقيقة جدا ..
و هو غالبا معداش تانية حضانة ..
ده غير انه الباشا حس بالملل ..
فحط التتش الفنية بتاعته على الرسومات ..
و سلمنا الكراسات ليلة تسليمها للمعيد ..
و اكتشفنا المصيبة ..
الرسومات ليس لها اي علاقة بالرسومات بتاعتنا ..
و مكانش عندنا حل غير انه نسلم الكراسات دي زي ما هي ..
و لما اول كراسة اتعلمت و صاحبها ( اللي هو موش انا طبعا - لأنه النذالة كنز لا يفنى - ) اتمسح بيه الارض ..
و لما الدكتورة اكتشفت انه الكراسة التانية فيها نفس الهطل..
و راحت تنادي المعيد علشان تسأله انت كنت بتعلم العيال دول ايه بالظبط ..
سحبنا بعضنا و هووووووووووب ..
رمينا عشر كراسات هستولجي من الشباك ..
:ROFL_C~118::ROFL_C~118:: ROFL_C~118::ROFL_C~118:

رد: كيف تزرع شجرة فيات 128 .. و ذكريات أخرى
 

ROSE4UROSE4U

رد: كيف تزرع شجرة فيات 128 .. و ذكريات أخرى
 

متابع بشغف
اسلوب رائع في السردROSE4U

رد: كيف تزرع شجرة فيات 128 .. و ذكريات أخرى
 

و لأن اللي بيكدب على بابا و ماما اخرته وحشة ..
ولأن اللي مربيتهوش الايام و الليالي اكيد هتربيه ال 128 ..
ففي يوم قررنا انه احنا زهقنا من كتر الاستيمشن اللي على القهوة اللي جنب الكلية و محتاجين نروح اسكندرية ..
يا جدعان بابا و ماما موش هيوافقوا ..
موش لازم يعرفوا يعني .. ده يوم واحد صد رد ناكل في بلبع و نيجي علطول ..
و رحنا اسكندرية في يجيي 4 ساعات كده ..
و بسه طبعا راقدة لينا في وسط الذرة ..
و اول ما شفنا البحر و الفتيس علق ..
لا اول و لا تاني و لا مارش و لا اي حاجة ..
و الحمد لله فضلت ماشية على التاني ..
لغاية لما وصلنا لعم عادل الميكانيكي ..كان راجل كبير و كبرة ..
و عم عادل قال طبعا لازم نحل الفتيس ..
طب الموضوع ده هيخلص في اد ايه يا عم عادل..
4 - 5 ساعات كده ان شاء الله ..
( طب فل انت بقى يا وائل اقعد خلص مع عمك عادل و احنا هنخلص مشاويرنا و نجيلك )
طبعا ده كلام اصحابي الاندال ..
و لما اتحايلت طب حد يا كلاب يقعد معايا قالولي هو احنا كل يوم بنيجي اسكندرية و لا ايه ..

و قضيت اليوم عند عم عادل ..
و قضى اصحابي الاندال يوم جامد جدا ..

و العجيب و الغريب انه عم عادل مرضاش ياخد فلوس نهائي ..
قالي انت على سفر و موش عامل حسابك ..
و لما تييجي اسكندرية المرة الجاية ان شاء الله ..
كرم و جدعنة اسكندراني مالهاش حل
و فعلا ..
كل لما باروح اسكندرية لازم اعدي اسلم على عم عادل ..
و من يومها ..
لم اسافر في اي حتة من غير اذن ابويا و امي ..
:wave2W21::wave2W21::wave 2W21:

رد: كيف تزرع شجرة فيات 128 .. و ذكريات أخرى
 

و لسه الذكريات كتييير ...
و الكلام عنك يا بسة عمره ما بيخلص ..ROSE4U:GROWIN~12::GROWI N~12:

رد: اجور الفنانين سنه 1941
 

انجليزى ده يا مرسى:shwt::shwt::F_14WA~1 6[1]::F_14WA~16[1]:

رد: اجور الفنانين سنه 1941