|
|
عربيتى فيها خدوش وخبطة ف الرفرف اعمل اية بالظبط ؟؟
السلام عليكم
ليا طلب واستفسار لو سمحتم من خبراء المنتدى فى قسم التأمين انا عربيتى فيها خدوش بسيطة كدة من الرفرف والباب الخلفى وفيها خبطة وحكة بردك مش كبيرة فى الرفرف عاوز اعملها ف التامين وهى مش من حادثة كبيرة ولا حاجة الحمد لله يعنى مش عامل ليها محضر ولاحاجة فكنت عاوز اعرف اكلم التأمين اقولة اية بالظبط او اية هى الاجراءات اللي ممكن اعملها بالظبط عشان يعملوهالى ف التامين وهل هياخدوا منى فلوس او حاجة ولا اية ؟؟؟؟ |
رد: عربيتى فيها خدوش وخبطة ف الرفرف اعمل اية بالظبط ؟؟
هى تبع شركة تامين اية
1. هتجيب رقم البوليصة بتاعت التامين وصورة الرخصة وصورة رخصة القيادة بتعتك 2. اختار الورشة ال عايز تتعامل معها وتكون تابعة للتامين 3. هيجيب مقايسة من الورشة 4. هتروح شركة التامين وتعمل اختار حادث وتسلمهم ورقة المقايسة وهيعملوا معاينة حادث اما انك تسيب العربية فى الورشة وينزل حد من شركة التامين (ودة يفضل علشان لما يحصل مناقشة بين الراجل بتاع التامين والورشة يكون امام بعض ) حاول تتفق مع الورشة انك تسلم مفتاح وتستلم مفتاح يعنى مدفعش اى شى او انك تدفع وبعدين يطلع الشيك متناساش انك بعد الاصلاح لازم تعمل معاينة اصلاح وتسلم الفوتير وتاخد رقم اى ورقة تحصل عليها لازم تصورها |
رد: عربيتى فيها خدوش وخبطة ف الرفرف اعمل اية بالظبط ؟؟
السلام عليكم اخى الكريم و على اخى سيف العزيز كيف حالك يا سيف باشا
بص يا استاذى الفاضل الى قالة الاستاذ سيف سليم جدااا فى الاجراءات لكن انت بتقول الموضوع بسيط فا لو الوثيقة عليها تحمل 4 فى الالف ( معنى التحمل 4 فى الالف --- ان لو مثلا السيارة ثمنها 100.000 هاتدفع 400 جنية يعنى ثضرب ثمن سيارتك الى فى الوثيقة فى اربعة يبقى دة التحمل 4 فى الالف و دة معناه انك هاتدفع فلوس يبقى تعملها على حسابك و تستفيد بالخصم على الوثيقة السنة القادمة يبداء من 10% الى 20% و يبقى وفرت لنفسك فلوس اكتر يعنى يا استاذى الافضل انك تعرف الاول تكلفة الموضوع هايبقى كام و ابقى قلى الشركة الى حضرتك مامن فيها و مبلغ تامين السيارة و لو فى تحمل اجبارى او اختيارى و ان شاء الله هاقولك التصرف الى فى مصلحتك باذن الله اتمنى انى افيدك باذن الله والله الموفق |
رد: عربيتى فيها خدوش وخبطة ف الرفرف اعمل اية بالظبط ؟؟
الوثيقة تبع اى شركة تأمين و ان شاء الله نقدر نخدمك |
رد: عربيتى فيها خدوش وخبطة ف الرفرف اعمل اية بالظبط ؟؟
قولنا انت مشترك فى اى شركه تامين الاول وربنا يسهل ممكن اشوفلك توكيل بتعامل هوه مع التامين
|
رد: هل هناك أحد جرب خدمات شركة المشرق العربي للتأمين التكافلي
خدماتها لا بس انا اسمع انهم محترمين اوى واكتر تخصصهم فى الهوندا لانهم بيتعاملو مع التوكيل
وعلى فكره توكيل هوندا الفطيم والفطيم من المشاركين فى المشرق انا شغال معاهم بس مجربتش تعويضاتهم لسه لانى بدخل هوندا |
رد: هل هناك أحد جرب خدمات شركة المشرق العربي للتأمين التكافلي
شركة المشرق العربي للتأمين التكافلي (مجموعة الفطيم ) احمد عباس - مطور أعمال 26 شارع البطل احمد عبد العزيز – المهندسين – الدور ال 13 موبايل : 0114331618 بريد اليكتروني : ahmed.abbas@alfuttaim.ae للمراسلة : arab.orient@yahoo.com www.orienttakaful.com http://www.facebook.com/pages/arab-o...28079080601313 |
| الساعة الآن 11:26 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017