مصر موتورز مجتمع السيارات - اى حد محتاج اى معلومه عن رينو

مصر موتورز مجتمع السيارات (https://www.masrmotors.com/vb/index.php)

- رينو RENAULT (https://www.masrmotors.com/vb/forumdisplay.php?f=16)

- - اى حد محتاج اى معلومه عن رينو (https://www.masrmotors.com/vb/showthread.php?t=1462)

رد: اى حد محتاج اى معلومه عن رينو

شكرا على مجهودكم ارجو المساعده عايزه اشترى سياره و فكرت فى لوجان بس خايفه من سعر قطع الغيار و هل هى متوفره خارج التوكيل و لو فى منها بالغاز طبيعى .
و لو فيها عيوب ارجو الافاده و شكرا

رد: اى حد محتاج اى معلومه عن رينو

اقتباس:

المشاركة الأصلية كتبت بواسطة basmala (المشاركة 116158)

مفيش منها غاز طبيعى للاسف وبتستخدم بنزين 90 او 92 افضل
قطع غيار العربية موجود منها خارج التوكيل عند بعض التجار اللى شغالين فى رينو ( الكلام دة عندى فى اسكندرية )
وبالذات قطع الغيار الميكانيكية والكهربية مثل البوجيهات والفلاتر وقطع غيار الماتور متوفرة جدا لانه نفس ماتور ميجان 99 وفى بعض قطع السيارة بتشترك مع الرينو كليو عموما موضوع قطع الغيار دة غير مقلق بالمرة لان احنا بنتكلم على عربية حتكون من اكتر العربيات انتشارا فى مصر فى الفترة القادمة ان شاء الله ودة واضح جدا ومش محتاج كلام
بالنسبة لعيوب العربية هى مفيهاش عيوب جوهرية تؤثر على الاداء لكن فيها بعض الملاحظات البسيطة زى رعشة الفتيس ودى مش عاملة معاية اى مشكلة ومش حاطتها فى الملاحظات اصلا بس انا بقولها للامانة عشان انت بنت وممكن حاجة زى دى تفرق معاكى (الله اعلم) وحاجة تانية ابعاد العربية مش سهلة يعنى منصحش حد يتعلم السواقة عليها لكن مش لدرجة انه لازم يكون محترف عشان يسوقها يعنى لكن فى المجمل عربية ممتازة على سعرها التحفة وكل يوم بيزيد اقتناعى بيها بالذات مع اختبارات الطرق المصرية الجميلة بتاعتنا وكثرة المواقف الصعبة اللى بتبين العربية الكويسة من الوحشة
ربنا يوفقك لما فيه الخير واى استفسار قسم رينو تحت امر

رد: اى حد محتاج اى معلومه عن رينو

اقتباس:

المشاركة الأصلية كتبت بواسطة sheekoo (المشاركة 115979)

صباح الفل يابوب معاك شريف عاوز اسأ لك عن حد يكون بيبيع زجاج كهرباء بالعلب والزراير بتعتة لرينو كليثو 2003 لانى كنت شاريها زجاج مانيوال ومرة اشتريت 2 ماكينات اصلى من الحرفيين ولكنى ملقتش العلب بتعتهم وبعتهم بعد كدة ارجو المساعدة

باشا انت كده هتضطر انك تلف على بتوع الاستيراد عشان تلاقى طلبك انا عن نفسى مبحاولش اعدل حاجه عشان كده مهتمتش انى اسأل على الكلام ده بس لو حضرتك معلش يعنى تستنى عليا يوم ولا حاجه بأذن الله اقدر ارد على حضرتك ونورتنا يا شريف باشا

رد: اى حد محتاج اى معلومه عن رينو

اقتباس:

المشاركة الأصلية كتبت بواسطة طاهر دعبس (المشاركة 116054)

السلام عليكم ورحمة الله وبركاته
أريد نصيحة لوسمحت يا بوب
اريد شراء سيارة وقدامى سيارة رينو اوبتيما 97 مع العلم انى اول مرة اركب
فما رايك فى هذه السيارة وهل قطع غيارها غالية ولا رخيصة وما عيوبها
لان مبفهمش فى السيارات ولكم جزيل الشكر

الاوبتيما عربيه حلوه وتعتبر اعاده انتاج للرينو 9 وهى عربيه كويسه وتركى وقطع غيارها الاصلى تركى ومتوفره ورخيصه لكن فى المقابل ان شكل التابلوه بتاعها قديم عن الموديلات اللى زيها لانها اعاده انتاج ومالهاش عيوب منتشره وخاصه بيها ولو هى قدامك على سعر كويس خلص فيها وبأذن الله تعجبك والف مبروك مقدما يا باشا

رد: اى حد محتاج اى معلومه عن رينو

أنا عايز رائيكم أنا معيا 70 ألف أشترى أية زيرو مع جزيل الشكر أرجوا الرد

رد: اى حد محتاج اى معلومه عن رينو

شكرا يابوب ولو فى جديد ان منتظر وشكرا مرة تانية

رد: اى حد محتاج اى معلومه عن رينو

اقتباس:

المشاركة الأصلية كتبت بواسطة POP EL GAMED (المشاركة 116465)

اشكرك جدا على النصيحة يا بوب ولكن فى ناس خوفونى منها وقالوا ان قطع غيارها قليلة فى السوق ومش اى مكانيكى بيفهم فيها هل هذا صحيح وبعدين ثمنها 23.500 فما رايك