مصر موتورز مجتمع السيارات - اى سؤال بخصوص اوبل

مصر موتورز مجتمع السيارات (https://www.masrmotors.com/vb/index.php)

- اوبل Opel (https://www.masrmotors.com/vb/forumdisplay.php?f=21)

- - اى سؤال بخصوص اوبل (https://www.masrmotors.com/vb/showthread.php?t=12272)

رد: اى سؤال بخصوص اوبل

اقتباس:

المشاركة الأصلية كتبت بواسطة mercedes (المشاركة 165579)

السلام عليكم و رحمة الله و بركاته

انا كنت عاوز أعرف كل حاجة عن العربية الأوبل 1600 موديل 2003, مالها و ما عليها و ايه عيوبها من حيث الثبات و أداء المحرك و أسعار قطع الغيار و الحرارة و كفاءة التكييف و أداء العربية عموما جوه البلد و عالطريق السريع لأنى كنت قريت موضوع فى نفس المنتدى ده بس كان عن الرينو الميجان و أعجبت كتير بالأسلوب اللى اتعرض بيه الموضوع بتاع الرينو لأنى فعلا طلعت بمعلومات جميلة جدا و كنت أتمنى أن يتم عرض كل الحقائق عن الأوبل ال 1600 مو 2003 بنفس الطريقة.

شكرا جزيلا و جزاكم الله كل خير

MERCEDES S430

يا باشا العربية ثبتها علي أوي على الطريق قطع الغيار غليا شوية بس بتعيش جامد وال تكيف جيد بس لو اهتمت بدورة التبريد بتعة العربية وبرده موضوع الحرارة ده لازم تتبعوا باسمرار عشان لو في حاجة تعملها على طول وال عربية أداها كويس وكل حاجة بس لازم تهتم بالعربية قوي عشان الأوبل عايزة اهتمام

رد: اى سؤال بخصوص اوبل

اقتباس:

المشاركة الأصلية كتبت بواسطة that's me (المشاركة 157854)

ثمن اوبل فيكترا 1996 و 97 و 98 و 99 مستعملين و بحاله ممتازه و انا من المنصوره فا في توكيل اوبل في المنصوره ولا لأ و لو موجود قولي عنوانه معلش و اي موديل ترشحه من الموديلات دي؟؟ و من رايك اجيبها اوتوماتيك ولا مانيوال انا مش فارقه معايا انا عامل علي اللي يعيش بس ؟؟

العربية بتتكلم في حدود 45 ألف يا باشا هو للأسف مفيش توكيل في المنصورة بس ممكن تصلحى عند أي حد متخصص هناك وأي موديل فيهم كويس بس مهم حالة العربية يا باشا أهم حاجة هاتها اوتوماتيك مريحة أكتر ومفيهاش مشاكل

رد: اى سؤال بخصوص اوبل

اقتباس:

المشاركة الأصلية كتبت بواسطة magdy elshikh (المشاركة 166035)

معالى الباشا سؤال مهم عندى انا لسه شارى فكترا 98 1600 سى سى عايز اعرف استهلاك الوقود فيها المفروض كام كيلو فى الصفيحه

\هيكون في حدود 180 -200 كيلو يا باشا

رد: اى سؤال بخصوص اوبل

اقتباس:

المشاركة الأصلية كتبت بواسطة haytham28 (المشاركة 157904)

إيه رأيك في أوبل أسترا مو2001 1200 سي سي
من ناحية قطع الغيار إيه الأخبار ؟؟ وسعرها هيا نفسها ؟؟ وإيه مميزاتها وعيوبها؟؟
وجزاك الله خيرا

قطع الغير الاستيراد سعرها معقول بس الجديد غالي حاجة بسيطة بس بيعيش يعني السعر يا باشا على حسب السوء مش هأقدر اقولك سعر محدد ومميزتها عربية تعتبر واسعة وثابتة عالطريق بتعيش وحمالت قاسيا بس عيوبها في قطع الغير بس غالية حاجة بسيطة زي ماقلت ل حضرتك

رد: اى سؤال بخصوص اوبل

اقتباس:

المشاركة الأصلية كتبت بواسطة MEMOO_1ST (المشاركة 166151)

انا معايا كورسا 99 ال1000 وعاوز اعرف المعدل الطبيعي لدرجة الحررارة في العربية يكون كام انا حاسس انها بتسخن زيادة عن اللزوم يعني انا ممكن اروح مشوار من مدينة نصر لوسط البلد لكن يكون الوقت متأخر والطريق فاضي الحرارة متزدش عن 90 لكن لو الطريق زحمةالحرارة تقرب من ال100 وترجع تنزل تاني هل دا طبيعي ولا كدا يبقى انا عندي مشكلة ومحتاج اروح للمكانيكي مع العلم ان المية بزودها كل فترة لكن بتنقص بصورة طبيعية يعني ممكن كل 7 ايام ازودها نص لتر مية مثلا او اقل .

حضرتك اكشف على دورة التبريد وحوار سخونة ده غالبا من المروحة فـشوف أي كهربائي وقولوا يظبطلك الماورحة لو ماتزبتتش قولوا اظبطلي ارضي العربية وإن شاء الله هتتحل

رد: اى سؤال بخصوص اوبل

اسف جدا يا جماعة على التأخير في الردود ولو في أي حاجة أنا تحت امروكم

رد: اى سؤال بخصوص اوبل

اقتباس:

المشاركة الأصلية كتبت بواسطة tefa_king1 (المشاركة 167011)

انا متشكر جدا لرد حضرتك وانشاء الله هكشف عليها وقولكوا عملت اية .
وشكراً.