|
ارجو النصيحه بخصوص عمل او مشروع مناسب
الموضوع باختصار يا جماعه اني اتخرجت يونيو 2008 و من ساعتها حتي هذا اليوم شغال في وظايف ليس لها مستقبل تماما بمرتبات ضعيفه جدا ده غير ان الشغل نفسه فحت يعني العمليه خربانه من مجاميعه المهم في البدايه قلت مش مهم بكره ربنا يعدلها لكن يظهر ان بكره ده مش جاي اصلا و لغايه يونيو 2010 فضلت في الشغل ده فقلت لازم اغير الواقع ( علي رأي احمد حلمي ) فقدمت في وظايف كويسه عده و اخرها وظيفه مدرس بعقد لكن محصلش نصيب فاي وظيفه مع اني حاصل علي كورسات كويسه زي ال icdl و التويفل و من ساعه التخرج برضه بقدم في وظايف كويسه بس برضه مبيحصلش نصيب مع اني بدخل انترفيهوات كتير فمش عارف المشكله من ايه فانا قدامي دلوقتي عده حلول غير مرضيه بالمره بس هي المتاحه : 1- وظيفه عامل في مصانع الاستثمار المفروض الشيفت 8 ساعات بس طبعا في ظل الظلم و الافتري بتمتد الي 12 ساعه علي الاقل و في بعض الاحيان الشيفت بيكون شيفتين يعني 16 ساعه ده غير ان بتعمل تحت ظل مشرفين و مديرين مفترين و ظلمه و معظمهم مستواهم التعليمي منحدر ده غير معظم العمال اللي مماعهمش ابتدائيه اصلا يعني تعبي في التعليم راح و صحتي هتروح في ظل الظروف الفحت بتاعت الشغل بس المرتبات كويسه 2- بائع في احدي المحلات طبعا شغل زي اللي عملت به من قبل يعني مرتب قليل مبيأكلش عيش حاف و كمان 12 ساعه يوميا علي الاقل ده غير سوء المعامله 3- سائق تاكسي و لا تعليق 4- عمل مشروع خاص و ده اللي نفسي فيه عشان هو احسن الوحشين بس ايه هو المشروع ؟ مش عارف خالص لان افكاري نفذت تماما فياريت حد يشور عليا اعمل ايه و اسف للاطاله |
رد: ارجو النصيحه بخصوص عمل او مشروع مناسب
اولا امكانياتك المادية كام واية الى بيستهويك فى الشغل الحر تجارة ولا صناعة علشان نقدر نساعدك
|
رد: ارجو النصيحه بخصوص عمل او مشروع مناسب
ربنا يكون فى عونك
|
رد: ارجو النصيحه بخصوص عمل او مشروع مناسب
حضرتك خريج ايه؟
|
رد: ارجو النصيحه بخصوص عمل او مشروع مناسب
في افكار كتير وربنا يكون في عونك لو انت بتحب السواقه التكسيات دلوقتي تقسيتها بقي المريح جدا 600 جنيه بالشهر و هتدفع25 الف جنيه مقدم لو بتحب تفكر حاول تبتكر حاجه جديده وفي معرض بيتعمل كل سنه بالقاهره بارض المعارض بيعرضو فيه الابتكارات و الاختراعات او حتي التصاميم حاول تاخد فرصتك في ده لو بتحب الاعمال اليدويه في البنك الاجتماعي بيديك قرض وبتشتغل اعمال يدويه زي اعمال خشبيه او نحاسيه او ماشابه ذلك و بيشترو منك بضاعتك ومكسبها الي ح ما كويسو شغل ليك انت لو ليك في شغل المحلات ممكن تاخد قرض شباب وتفتح سنترال او ليك في الكمبيوترات ممكن تشتغل في شركه كمبيوتر بس هتحتاج منك قرص صيانه و ده لمده شهر عندها و هتبقي مهندس اصلاحات مجرد هتنزل وندوز ب 35 جنيه يعني مكسبها قشطه لو ليك حد تعرفه المحكمه كل 6 شهور بيبقي فيها تعينات حاول تقدم وخد فرصتك حاول وكافح و ربنا يعينك و يعين الي زيك وبالتوفيق يارب |
| الساعة الآن 10:42 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017