المشاركة الأصلية كتبت بواسطة ahmed_eng2001 (المشاركة 935912)

استكمالا للموضوع الاساسى ... محدش اتكلم عن المادة 1

المادة 2 ...
الإسلام دين الدولة، واللغة العربية لغتها الرسمية، ومبادئ الشريعة الإسلامية المصدر الرئيسى للتشريع.
و دى كان فيها جدال كبير ... نحافظ عليها و لا نلغيها ؟! نعدلها و لا نسيبها زى ما هى ؟!!
ليه المادة 219 فى دستور 2012 اتلغت ؟؟!! و اتلغت ليه ؟ طيب هل المادة 2 كدة كويسة ؟
انا افتح باب النقاش حول المادة 2

المشاركة الأصلية كتبت بواسطة ahmed_eng2001 (المشاركة 936647)

يبدو ان الناس زهقت ...
استكمالا للموضوع ...

مادة (3): مبادئ شرائع المصريين من المسيحيين واليهود المصدر الرئيسى للتشريعات المنظِّمة لأحوالهم الشخصية، وشئونهم الدينية، واختيار قياداتهم الروحية.

اوافق على هذه المادة دون اعتراض

اوافق معك على هذه المادة دون اى اعتراض

مادة (4): السيادة للشعب وحده، يمارسها ويحميها، وهو مصدر السلطات، ويصون وحدته الوطنية التى تقوم على مبادئ المساواة والعدل وتكافؤ الفرص بين جميع المواطنين، وذلك على الوجه المبين فى الدستور.

بالرغم انى مش فاهم المادة دى .... الا ان شكلها كويس !!!
ياريت لو حد يعرف يشرحها بطريقة عملية يكون كتر خيره

مادة (5): يقوم النظام السياسى على أساس التعددية السياسية والحزبية، والتداول السلمى للسلطة، والفصل بين السلطات والتوازن بينها، وتلازم المسئولية مع السلطة، واحترام حقوق الإنسان وحرياته، على الوجه المبين فى الدستور.

انا محتاج حد يشرح المادة دى !!!!

انا المادة ديه عندى عليها استفسار صغير فلنفرض انه يوجد رئيس الان الناس مش عايزها لفشله لاى سبب و فى نفس الوقت لا يوجد مجلس شعب يعزل من خلاله الرئيس اقصد الية عزل الرئيس غير متوفرة و هذه الرئيس رفض يطرح نفسه على استفتاء شعبى هيبقى ايه العمل و هل التحرك الشعبى هيبقى دستورى ساعتها و لا لا زى تمرد كدة و لا لازم كل ما نحب نشيل رئيس نلغى الدستور مستقبلا المشكلة ان الناس اللى بتكتب الدستور بيسيبوه هفوات ممكن لا قدر الله المحامين يستغلوها بعد كدةو لازم يبقى فى محاسبة على السلطة بعد ما تنتهى مدة الولاية الرئيس مش جيبينوه عشان يتفسح و لا الوزير عشان يركب عربيات و حراسة و يطلب فى شهر ب 60 الف جنيه اكل زى ما تكون عزبة ابوه و لا حد يحاسبه لازم يبقى بنص دستورى انه يكون فى تكليف واضح للوزراء و محاسبة لهم بعد تركهم لحقائبهم الوزارية الوزارة دى مش منصب شرفى المناصب فى اى دولة مش كمالة عدد و احب اقول للى هيقولى ده دستور بتاع خطوط عريضة بس اقوله انت عامل مجلد دستور فيه 247 مادة فماقفلتش على جزئية مهمة لاننا فى مصر وزارات بتروح و وزارات بتيجى و من سئ لاسوء

مادة (6): الجنسية حق لمن يولد لأب مصرى أو لأم مصرية، والاعتراف القانونى به ومنحه أوراقاً رسمية تثبت بياناته الشخصية، حق يكفله القانون وينظمه. ويحدد القانون شروط اكتساب الجنسية.

مادة جيدة ... لاعطاء الجنسية المصرية لمن يولد من ام مصرية

المشاركة الأصلية كتبت بواسطة SUPER MARIO (المشاركة 936921)

استاذ احمد المادة دى مجمع عليها من كل الاطراف العيب و المصيبة فى الدستور اللى فات اللى كان عامل مادة عشان يستغلها بعد كدة و يشكل الاسلام على كيفه هو هى زى ما هى احسن حاجة فيها

المشاركة الأصلية كتبت بواسطة SUPER MARIO (المشاركة 936922)