مصر موتورز مجتمع السيارات - -O( كرسى الاعتراف )O-

اقتباس:

المشاركة الأصلية كتبت بواسطة Ahmed Anwer (المشاركة 7935)

انا رجعت بمزيد من الاسئلة ،،،

ربنا يقويك ،،

1- هل تعتقد ان بورش هتنجح مع فولكس جروب و لا هيكون مصير سيارة الشعب الالمانية في ايادي اخري ptmnlo123per1118

أكيد في بنود وشروط تضمن نجاح الصفقة د وإلا مكنتش تمت
وإن كنت شايف إن بورشه حتضفي لمستها الرياضية والفاخرة زيادة عن الطبيعي على المجموعة وده بالتبعيه ممكن يزود أسعار عربيات المجموعه ككل زي ما حصل مع سيات وسكودا لما إنضموا للمجموعه

والخوف هنا إن بورشه تكتشف إن ده هيقلل المبيعات وتفض الشراكه أو تبيع المجموعه تاني زي ما حصل مع بنز وكرايزلر

2- هل تعتقد ان فولكس جروب اخرها المركز الثالث و لا ممكن تطيح بالشيطان الاكبر تويوتا أو جنرال موورز ptmnlo123per154

كيد هتطيح بجنرال موتورز وعن قريب لكن أعتقد علشان تطيح بتويوتا محتاجة تغيير مفهوم شعوب كتير عن العربيات الأوروبي انها مش سيارات فاخره وبس وانها ممكن تنتج عربيات صغيرة وفي نفس الوقت ذات اعتماديه عاليه

وده لسه محصلش وأقرب مثال الخليج و معظم دول شرق اسيا وإن بدأ الوضع يتحسن عن الاول بكتير في الدول دي وبدأت موديلات المجموعه تنتشر بشكل ملفت للنظر

3- ايه رايك في بروتون الماليزية عامة و الجين 2 خاصة ptmnlo123per157

الجن ٢ مشروع كويس لكن لسه قدامه فترة من الزمن على ما ينول اعجابي بالشكل الكافي

و إن كنت لا أنكر شغفي ومتابعتي لبروتون ترقباً للوصول لدرجات إتقان عاليه في الصناعه لكونها سياره إسلامية من ألف للياء

نصيحتي بس لبعض الناس ميزودوش في المديح للسياره لأنها وإن كنت لا اداري تعاطفي وحبي لها كسياره اسلاميه ما زالت في الدرجات الأولى من سلم الإتقان والجوده والاعتماديه

يجب تشجيعها ولكن المديح الزائد حيسقطها من عيون الناس بعض فتره من الإستخدام لأنهم لن يجدوا فيها ما توقعوه بعد كل هذا المديح خصوصاً في وجود منافسين كثر وأكثر جوده

4- في ظل انهيار البورصات - و كساد العقارات و تقلبات السوق

تنصح اناس تحط فلوسها في ايه

وفي اعتقادي إن الذهب والعقارات هي المجال المضمون لأن مهما حدث هتزيد ولو بعد حين بعد تجاوز الازمة دي

والمقصود بالعقارات هي الاقتصادية منها وليس الفاخره لأن دي مش هتنقص قيمتها وهتزيد مع الزمن علشان عليها طلب كبير

أما الذهب فهو ميزان أحوال الإقتصاد العالمي وبمجرد انزياح الازمة هيبدأ في الإرتفاع تاني إن شاء الله

والله أعلم

5- فروق الاسعار بين شركات فولكس جروب

فروق اسماء فقط و لا فيه فروق اخري خفية ptmnlo123per1127

لو جينا لموديلات مبنية على نفس الشاسيه وليكن اليون والجولف والسكودا A5 ول أودي A4 واستثني الجيتا علشان موتورها غيرهم وإن كان عكس إعتقاد ناس كتير

أقدر أقول الفروقات هي فروقات شرائح إقتصادية محطوطه في جدول بيع الماركات دي و ده بينعكس على بعض خامات التقفيل الداخلي لزيادة الفخامه الداخلية والخارجية

وده بيظهر جداً في الاودي A4 مع إنه نفس اساسيات باقي الموديلات في الموديل ال-1.٦ منها

أما فروق التسعير الخفية بتكمن في فروق أجور الايدي العاملة وتسهيلات بعض الدول بتخفيف الضرائب عن المصنع وده أكيد مبيحصلش في ألمانيا

بالإضافة إن في مصر بلد المنشأ بتعتمد عليه الجمارك حتى لو نفس سعة المحرك وده سبب أخر لتخفيض سعر بعض الموديلات من المجموعه

Thanks
Eng.Sherif Shaker