|
|
رد: بــــوروروم
http://www.kelmetnamag.com/images/cm...9%85%D8%B7.jpg قرمط يتكلم : يا اخوانا افتحواالطريق خلوا الناس تعرف تعيش حياتها ... يا اخوانا البلد كلها بقت اضرابات واعتصامات وقطع طريق يرضي مين ده بقى ؟؟؟؟؟ يا اخواننا عيب بدل ما الدنيا تقع في بعضيها ونرجع نقول ياريت اللي جرا ماكان .... انا لولا مش فاضي وورايا سبعتاشر نفر من عيلة الجابري ومعايا اتنين ميسد من اوباما كنت جيت عرفتكم شغلكم ومعلش احنا بنتكلم |
رد: بــــوروروم
اقتباس:
ههههههههههههههههههههههه :10FEE3~1106::w6w20050411 13562663:w6w2005041113562 663:clapW15::clapW15::cla pW15: |
كيف تزرع شجرة فيات 128 .. و ذكريات أخرى
الكلام ده كان سنة 96..
كنت في اولى ثانوية .. و كنت هموت عايز اتعلم السواقة .. كنت متأخر جدا وسط اصحابي .. احنا كنا ساكنين في 6 اكتوبر .. و اكتوبر في التسعينيات كانت فاااااضية .. و كنا حاسيين انها بتاعتنا احنا بس .. و الشاب مننا كان بيسوق على تانية اعدادي بالكتير .. و انا وفي اولى ثانوي و محدش فاضي يعلمني السواقة و لا راضي يديني العربية وانا هتصرف :crazyW14: و الشباب اصحابي كانوا ميتوصوش .. لازم كل لما نتقابل كل واحد يحكي مغامراته بالعربية و المواقف و الطرائف .. و طبعا لازم يدي كلمة من تحت لتحت انه انا لسه بركب جنب ماما و هي اللي سايقة .. و طبعا انا اروح البيت و اشوط في ماما ( ازااي كنت بعمل كده موش عارف ) و ازعق و هم طبعا عندي في البيت يعندوا معايا اكتر ..36_1_5[1] لغاية لما واحد صاحبي خبيث جدا كنت قاعد باحكيله .. قالي انت اهبل يا بني .. انت الاول على المدرسة و عايز حاجة و مبتحققش .. ده احنا الواحد مننا ابوه بيقعد يوعده بكل حاجة في الدنيا علشان يادوبك ينجح في الملحق و انت موش عارف تظبط امورك .. - طب اعمل ايه يابني ؟ - احنا امتحانات ( التيرم في اولى ثانوي ) كمان شهر .. ليلة الامتحان تسيب المذاكرة شوية و تفاتحهم بالموضوع و هما هيتجننوا لما هيلاقوا الموضوع ده شاغلك عن المذاكرة و هيعملولك اللي انت عايزه ..:THUMBS~220::THUMBS~220 : و اخترت ليلة امتحان الاحياء .. لأني كنت حافظ الكتاب - حرفيا - من الجلدة للجلدة علشان ابقى ضامن درجة الامتحان لو حصلت في الامور امور .. و قد كان .. ضربت معاهم خناقة مفتعلة ليلة امتحان الاحياء .. و في نص السنة اجروا سواق مخصوص يعلمني السواقة :shyy: علشان الباشمهندسة سلوى تعرف احنا كنا بنفكر و نخطط ازاي .. و في اول يوم من اجازة نص السنة في اولى ثانوي خدت عربية بابا ال 128 موديل 86 الحمرا انا و السواق و انطلقت .. و طلعت بالعربية و من اول مرة .. و ماشي و انا عمال افادي البلاعات ( زي ما اصحابي بيعملوا طبعا ما انا حريف بالفطرة ) و السواق بيتطنط جنبي .. لغاية لما كنت بفادي بلاعة من البلاعات و العربية عومت مني .. و هووووووووووووووووووووووب. . نطت العربية في حفرة في جنينة قدام بيت واحد صاحبي و غرزت فيها .. العربية الحمد لله محصلهاش حاجة .. و على حظي صاحبي ده كان غاوي تصوير ( مصور سينمائي دلوقتي هو ) و صور العربية و كتب على ضهرها .. كيف تزرع شجرة فيات 128 في خمس خطوات .. 1- اختار جنينة كبيرة . 2- احفر حفرة مناسبة . 3- ازرع عربية 128 جواها و ثبتها لحد لما تغرز . 4- ارويها كل يوم . 5- انتظر حتى بداية الربيع لجني المحصول . و طبعا الصورة دي شافتها كل البنات في المدرسة .. :ROFL_C~118::ROFL_C~118:: ROFL_C~118::ROFL_C~118: |
رد: كيف تزرع شجرة فيات 128 .. و ذكريات أخرى
و بمناسبة البنات :Wkiss5:
مقدرش انسى المرة اللي كنت واخد العربية فيها علشان قال ايه اروح للحلاق ( اللي كنت طول عمري باروحله على رجلي عادي يعني ) و عمال الف بيها و بفكر هاعدي على مين من الشباب يلف معايا :06A7D5~132: و انا واقف مع اصحابي .. لقينا مييين واقف ..الانسة (--------) صاروخ من صواريخ بنات ادبي ( ما هو البنات كانوا نوعين ايامها بنات ادبي :14BFD8~148: و بنات علمي :070104~242:).. المهم كله طبعا نط في العربيات و كله بدأ يروش .. و اخوكم ضرب حتة امريكاني .. حكااااااية .. و يادوبك لسه بالف و هاطير و لقيت مين واقف و مربع ايديه .. ميين ..هه؟ بابا طبعا .. و بدون كلام .. نزلت اديلته المفتاح .. و قولتله بعد اذنك رايح احلق و موش فاضي .. كان عندي امل اني مخدش الطريحة قدام الصاروخ اللي من ادبي .. و محصلش ..و خدتها .. :crazyW14::shyy::shy: |
رد: كيف تزرع شجرة فيات 128 .. و ذكريات أخرى
ال 128 ..
اول عربية سوقتها في حياتي .. كان اقصى احلامي وقتها اني اروشها .. كان في واحد صاحبنا باباه معاه سوزكي سويفت .. يا نهااااااااااااااااااااااا ااااااااار تكنولوجيا .. كانت العربيات دي احلام بعيدة بالنسبة لينا .. كان لا يمكن ايامها اتخيل اني هركب لانوس و ابيزا و افيو و لانسر و لوجان .. و كان اخري ابص لل 32 بتاعة واحد صاحبي اللي كانت 2000 سي سي و بيجري بيها .. و لا الكريسيدا الوحش ال 1800 سي سي .. و كان اسعد ايام حياتي يوم ما جه التنسيق طب القصر العيني .. و بابا قرر مكأفاتي و سمح لي بشد ال 128 FLASHCar و عملت عمايل فيها ايامها .. الفرن الميتالك النبيتي ... الاستيكر الجامد اللي مالي العربية السبويلر .. الكساحات اللي قدام اللي ركبت فيها فوانيس الشابورة الصفرا .. الكاسيت البايونير و الاكواليزر و اللايت السيستم :shyy: المرايات اللي بتتعدل يدويا من جوه العربية .. اوه واو ...كانت حكاية .. صرفت كتير عليها و كان عندي امل انها متفضلش 128 .. بس للاسف فضلت ..:fun_36_1_47[1]::red_face10: |
رد: كيف تزرع شجرة فيات 128 .. و ذكريات أخرى
و كان لي معاها ذكريات وذكريات..
و لسه الكلام مخلصش ..:Wkiss5: |
رد: كيف تزرع شجرة فيات 128 .. و ذكريات أخرى
متابع متابع متابع دا انت فكرتني بايام الشقاوه ياللا كانت ايام حلوه والله :Wkiss5::Wkiss5::Wkiss5:: Wkiss5: |
| الساعة الآن 10:54 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017