مصر موتورز مجتمع السيارات - ارشيف الاستراحة 2009

السلام عليكم و رحمة الله و بركاته
في اي موضوع بحب ارجع دايما للقران و للشرع و اعرف هو بيقول ايه و سواء كنت ملتزم او لأ و هنفذ كلام الشرع او لأ بس لازم علي الاقل اعرف الغلط من الصح
لو فكرت في الموضوع ده من الناحية العقلية البحتة بعيد عن الدين هقول الاتي:

1- ربنا هو الي خلق الكون و هو الي بيهدي الناس و لو كان عايز الناس كلها تبقي ملة واحدة كان طبعا هيقدر
بسم الله الرحمن الرحيم
(لكل جعلنا منكم شرعة ومنهاجا , ولو شاء الله لجعلكم أمة واحدة . ولكن ليبلوكم فيما آتاكم . فاستبقوا الخيرات . إلى الله مرجعكم جميعا فينبئكم بما كنتم فيه تختلفون).

بسم الله الرحمن الرحيم
(وَلَوْ شَاء اللَّهُ لَجَعَلَهُمْ أُمَّةً وَاحِدَةً وَلَكِن يُدْخِلُ مَن يَشَاء فِي رَحْمَتِهِ وَالظَّالِمُونَ مَا لَهُم مِّن وَلِيٍّ وَلَا نَصِير}

2- اختلاف الالوان و الالسنة و الاشكال و الثقافات نعمة من ربنا تخلينا نتدبر قدرة الله عز و جل علي التنوع في الخلق و برضو اختلاف الديانات يخلينا نشغل مخنا و نروح نسأل و نتعرف علي الحاجات المختلفة و الحاجات المشتركة و نعرف الصح من الغلط و هديكم مثال علي كلامي
تخيل مثلا لو انت شفت واحد بيسجد لبقرة او لكلب او لاي حيوان هيكون ايه اول حاجة هتقولها علي لسانك؟
بسم الله الرحمن الرحيم
( ياأيها الناس إنا خلقناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتقاكم إن الله عليم خبير )

الشعوب والقبائل الأفريقية لها ثقافتها وفكرها وكذلك الشعوب الأوربية وهناك شعوب أخرى في أسيا لها ثقافتها الخاصة غير العرب وغيرها و كل شعب له ثقافته الخاصة في السياسة في الاقتصاد في التكنولوجيا في الفلسفة في الفن و غيرها
وهذا التنوع لم يجعله الله تعالى لتتناحر الثقافات ولتتصارع الحضارات، ولكن لنتعارف نحن البشر جميعا على ثقافات وحضارات بعضنا البعض فيستفيد كل منا من ثقافة الأخر وحضارته.
ثم في هذه الآية "إن أكرمكم عند الله أتقاكم"، حتى لا ننسى (ونحن نتعارف وتجاذب مظاهر الحضارة والثقافة) تقوى الله تعالى وأنها مصدر كرامتنا

3- ايه المشكلة اني ابقي طيب مع غير المسلمين طالما هم طيبين معايا؟
قال تعالى : ﴿ لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ أَن تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ ﴾ ( سورة الممتحنة ، الآية : 8) .

اخر حاجة عايز اقولها هي عيب علينا اوي لما نبقي مصريين و نعمل كدة في بعض عيب علينا اوي لما نبقي من البلد الي احتضنت العديد من الانبياء مثل ادريس و ابراهيم و يوسف و موسي و عيسي عليهم افضل الصلاة و السلام و احتضنت كذلك العذراء مريم
عيب علينا لما نسمح للامريكان و غيرهم انهم يلعبوا بينا و يقولولنا ازاي نتعامل مع بعض و مش كدة و بس دول كمان عايزين يعلمونا الدين