|
|
رد: رابطه ( قول معاك كام و انا اقولك تجيب ايه بفلوسك )
يمواضيعك الجامدة ..
طب قلي لو معاك 90 الف ولو معاك 160 الف ولو معاك 50 الف ومش بهزر والله لاني دة هيفدني في شغلي |
رد: رابطه ( قول معاك كام و انا اقولك تجيب ايه بفلوسك )
اقتباس:
الف شكر يا باشا على المشاركه الحلوه طب قليلو معاك 90 الف ولو معاك 160 الف ولو معاك 50 الف حضرتك عاوز بالاسعار دى زيرو ام مستعمل لان يعنى عندك مبلغ 50 الف ميجيبش حاجات كتير هو ممكن يجيب عربيات صغيره فبرجاء التوضيح حضرتك عاوز بالاسعار دى زيرو ام مستعمل و لا فيه اسعار عاوزو بيها زيرو واسعار عاوز بيها مستعمل و انا تحت امر سعادتك :balloons71::balloons71:: balloons71::balloons71: |
رد: رابطه ( قول معاك كام و انا اقولك تجيب ايه بفلوسك )
اقتباس:
الفيات بيترا من العربيات الممتازه و قطع غيارها زى السينا ما عدا الفوانيس من ورا و قدام و اخر موديل ليها كان 2004 و فى منها اوتوماتيك يعمل فى حدود 42 الف اسعارها موديل 2003 هيعمل فى حدود 41 - 42 الف جنيه مصرى موديل 2004 هيعمل فى حدود 45 الف جنيه مصرى كل الفيات بيترا ب موتور 1600 سىسى اى استفسار انا تحت امر سعادتك تحياتى |
رد: رابطه ( قول معاك كام و انا اقولك تجيب ايه بفلوسك )
اقتباس:
الفيات بترا هى نفسها الفيات سيينا, نفس المحرك مع اختلاف السعات (نفس التصميم), و نفس الشاسيه, و العفشة, لكن مع اختلاف بلد التصنيع (السيينا كانت تصنع فى البرازيل, و البترا فى تركيا). شخصيا بيعجبنى تصميم البترا أكتر خاصة من الخلف. كلا السيارتين عبارة عن مشروع بدأته فيات فى التسعينات اسمه 528, و كان الهدف منه تصنيع سيارة بتكنولوجيا فيات لكن بسعر رخيص مخصصة للبيع فى العالم الثالث. مشروع يتشابه كثيرا مع الرينو لوجان على سبيل المثال. تتمتع الفيات سيينا/بترا/باليو/ألبيا (كلها أسماء لنفس السيارة تقريبا) بتصميم جيد, و نجحت فى تقديم أداء جيد و جودة لا تقل عن مثيلاتها الاوروبيات كثيرا لكن بسعر مناسب. لكنها بدأت تشيخ. علي فكره العربيه في منها ناس مغيرة الماتور هو الاصلي بتاعها 1600 سي سي 103 حصان بس هي مصيبه في الجري بتجري بتجري اهم حاجه تكون حالتها نظيفه وخلي بالك من حاجه بوية الايطالي مش اد كده هتلاقي اللي بيبع فابريكة بس مشبحة العربية دى كانوا بيسموها الصخرة وهى تقريبا نفس قطع غيار السيينا والابواب الخارجيه كمان عدا الفوانيس وباقى الاجزاء الخارجية. مميزاتها قوية جدا وخاصة فى السفر ثابتة وواسعة من جوه والشنطة بتاعتها كبيرة وأنا فى رأيى اجمل من السيينا. عيوبها موديلها نزل 3 أو 4 سنين فقط وقطع غيارها موش رخيصة وممكن حاجات فيها ماتكونش مشتركة مع السيينا ومتلاقيهاش. ماتقارنش التكييف بتاعها بالكورى لانه زى باقى الفيات. تقيلة جدا فى البيع لان مافيش عربية بإمكانياتها وموديلها بتتباع بالسعر ده. بالنسبة لتكييف البترا فهو تقريبا من 60-70% من تكييف العربيات اليابانى هى سيارة لطيفة عموما و هى الأخت الشقيقة للسيينا, أدائها مرضى و تقدم مستوى مقبول من الراحة و الجودة نسبة لسعرها و شكلها أنيق, المهم طبعا الحالة. قطع غيارها تتشارك بينها و بين السيينا, كما أن انتاجها توقف لفترة بعد 2006 ثم عادت الى مصر مرة أخرى منذ سنتين على ما اعتقد لذا فان قطع الغيار موجودة. -------------------------------------------------------------- دى كانت شويه تعليقات من الزملاء الاعضاء بمنتدى مصر موتورز اكيد هتفيدك باذن الله و على فكره لو زودت المبلغ ل 45 الف ممكن تجيب فيات سينا موديل 2008 اى استفسار انا تحت امر سعادتك تحياتى :fun_36_1_39[1]::fun_36_1_39[1]::fun_36_1_39[1]::fun_36_1_39[1]::fun_36_1_39[1]: |
رد: رابطه ( قول معاك كام و انا اقولك تجيب ايه بفلوسك )
اقتباس:
بمبلغ 45 الف تقدر تجيب الكورسا موديل 2004 و اى استفسار عنها شوف قسم الاوبل هيفيدوك اكتر منى فيها و انا ارشحلك كمان فيات سينا موديل 2008 و عندك رينو كليو 2007 - 2008 الشكل الجديد اى استفسار انا تحت امر سعادتك :fun_36_1_39[1]::fun_36_1_39[1]::fun_36_1_39[1]::fun_36_1_39[1]::fun_36_1_39[1]: |
| الساعة الآن 04:50 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017